ثالث حلوياتي لعيد الفطر 2013**المنقوش**

ام ساجد · 2013-08-04, 22:15

البسملة1

السلام عليكم وصح فطوركم

هاذ الحلوى هي وصفة من كتاب حلويات وطبقتها وجات هايلة تذوب في الفم

المقادير ** 125غ مارغرين ذائبة + ربع كاس زيت + ربع كاس ماء زهر + ربع كاس سكر ارتب + فرينة

هاذي المقادير تاع الكتاب انا عملت الضعف طيحتلي 70 كعبة

الحشو ** 3كيلات لوز -انا عملت كاوكاو- +كيلة سكر عادي + قرصة قرفة + ماء زهر

التحضير** في صحن نخلط الزبدة + الزيت + سكر ونخلط مليح حتى يذوب السكر + ماء زهر + فرينة حتى نتحصل على
عجينة طرية ومتماسكة نخليها تريح شوي

نخلط الحشو ونلم بماء زهر

نحل العجينة بالحلال ونقطع دوائر ونحط الحشو كيما العرايش على شكل T ونلم على شكل مثلث ونخلي في

الوسط فتحة وننقش بالنقاش ونحط يطيب ولما يطيب نعسل ونزين بالبيستاش

انا استعملت البيستاش الكذاب طريقة الاخت ام اياد ربي يذكرها بالخير