الرشتة أختي تتعمل بالدقيق العادي تاع الكسرة ( دقيق الكمية الي تحتاجيها + ملح رقيق لأنه لما يكون خشين أثناء ترقيق العجينة في الآلة تتقطع + ماء ) وإذا حابة تجيك الرشتة صفراء حطي شوية زعفران في الماء . تعجنيها يابسة قدر ما تتلم وتمرري بالشوية في الآلة بعد ماتكوني ضبطتيها على رقم يحلها خشينة وتعاودي كل مرة حتى تتعجن ولما تكملي كل العجينة تعاودي تضبطي الآلة على رقم يرققها أنا الي عندي شريتها منذ حوالي 10سنوات نضبطها على الرقم 6 ثم الرقم 2 وشفت بلي الآلات الجديدة الرقم الكبير يرقق والصغير يخشن ....
تحطي الأشرطة الي تحصلتي عليهم فوق قماش باش يتشرب الماء الي في العجين ومن جهة تكوني حضرتي البرمة الي تفوري فيها لأنه هنا لازمك كل ما تقطعي الرشتة تهزيها مباشرة تتفور ولما تكوني حطيتي في الكسكاس كمية كبيرة اسقيها بملعقة ولا 2 زيت وخليها تفور مليح
حطيها في قصعة وحليها بالفرشيطة وشربي بشوية ماء راهي ماتديش الماء بزاف ولما تشرب ماها عاودي فوريها .
إذا راكي حابة تاكليها جديدة كي تنحيها من الكسكاس حطيلها زبدة وحليها مليح ومن بعد حطيها فلاصوص ... أما إذا حابة تخبيها في الكونجيلاتور ما تحطيلهاش الزبدة لأنها تطلق فيها مع الطول ريحة ماشي مليحة وخليها لنهار تحبي تطيبيها فوريها تفويرة واحدة وحطي الزبدة عادي ...
نتمنى نكون أفدتك وفهمت شرحي ولو ماكنتش مشغولة ( اليوم نبداو التصحيح تاع ش ت الابتدائي ) كنت عملتها وحطيتلك الطريقة بالصور
( تقرير عن مشاركة سيئة )، و الموجودة أسفل كل مشاركة .
2013-06-04, 06:59
أدخلوااااااا
يخدموها بلفرينة و لا دقيق؟؟؟؟؟؟؟؟؟؟؟؟؟؟؟؟؟؟؟؟؟؟؟
العرض العادي
