ياريت تعاونوني في تزيين البدرون

منارة الوفاء · 2013-02-23, 00:19

السلام عليكم ورحمة الله تعالى وبركاته

أنا اليوم قصدتكم باش تعاونوني ان شاء الله

الحكاية ومافيها أنو أنا نويت اندير بدرون فالتصديرة اديالي والمودال اخترتو من النت
هاو ليكم المودال الي اخترتو في الفصالة و الستيل

أنا شريت القماش ساتان فالغوز مام الفولار مام كولار ..........و الخياطة قاتلي نخيطهولك نورمال

هاوليكم القماش الي شريتو

صورة أقرب

بقاتلي آفااااااااااار تزيين

نزين عند الخصر و اليدين وهاوليكم القماش مفصل

كنت حابة نديرو باسيبلا بالشعرة دوري بصح مالقيتش خياطة خدمت هاد الستيل من قبل بصح علابالكم مكانش الي تردك وتقلك منعرفش غير الي تحب تجرب فيك وتزيد من الفوق تخلص وأكيد تحشك على الركايب

وكي خفت يلعبولي بيه قررت نخدمو وحدي ونويت ندير كاش رشمة ونعمرها بالعقاش

ياريت تعاونوني باش نخدمو من الألف الى الياء يعني كيفاش نرشم وعلى واش نرشم اواش ندير تحت الساتان والا نخدم ديراكت بلا مندير حتى حاجة
وياريت كاش وحدة عندها رشمات توالم تمدهملي

وإذا عندكم اقتراحات أو أفكار أخرى للتزيين مدوهالي راني نستنى

ومشكووووووووووووووووووووووووووووووووووووووووورات مسبقا

تحيااااااااااااااااااااااااااااااتي للجميع

~~نتشة~~ · 2013-02-23, 01:11

شريكتي هاد المودال وشحال شباب راني ديما نحوس على لي بدرون حابة نخيط واحد إدا تعرفي تفصليه يا ريت تقوليلي كيفاش ربي يهطيك ما تتمناي و بالنسبة للتزيين نا نقول روحي عند لي يبعو العقاش و لي قالون و تلقاي شباحات فوووووووور ايا كي تكمليه مادا بيك توريهلنا كيفاش خرج اوكي و يا ريت ما تنسايش طلبي بلييييييييييييييييييييييييييييز و نوع الساتان وشنو

منارة الوفاء · 2013-02-23, 01:19

حبيبتي أنا الفصالة خاطيني
راني ماداتو لخياطة فصلتهولي وتخيطهولي ان شاء الله أما التزيين خاطيها ههههههههه وأنا باصيت

مبدئيا الفصالة اديالو هاي ليك كيفاش دايرة

معلاباليش امبعد كيفاش تندبلو ههههههههههههههههههههههههههههه

منارة الوفاء · 2013-02-23, 01:24

آآآآآآآآآآ تفكرت

الساتان والله ماعلابالي واسمو المهم لازم يكون من النوع الشباب بصح ميكونش ثقيل وميكون خفيف يعني كي يتخيط ميجيش واقف وميجيش طايح
أنا شريتو ب 550 دج للمتر

غنية غنية · 2013-02-23, 07:52

صباح الخير
اطرزيه بالميكرووزينيه بالسمسم

نبوغ · 2013-02-23, 09:05

أخت وفاء المودال روعة دوقك رفيع ماشاء اللهأما فيما يخص التطريز نأيد رأي أخت غنية غنية طرزيه بالميكرو مع الحجر يخرج روعة وبصحتك وربي يوفقك فيه

linda tadj · 2013-02-23, 09:53

Salem ya okhti rani 7an7awal nachrahlak jibi visline lakhchine wa hadih min khalfe lokmache wamba3d jibi kachi rachma finilou wa haati dikalak abyad wa arachmiha ama tazyin diri kima chamsa bil3onkache aw bilkantile wa lixistrase rahi tokhraj for wa rabi y3awnak

سمسة1988 · 2013-02-23, 17:54

اختي ممكن بلا طرز
احكمي قماش tule travaille ;وقصيه على حساب الرشمة نتاعو ولصقيه فوق قماشك تجيك روعة
خاصىة اذا تناسقت الالوان
نتمى انك فهمتي فكرتي

ghani39 · 2013-04-20, 21:57

تلبسيه بصحة ولي الطرز استعملي الفزلين من التحت وارسمي قناوية او ورد او اي شكل تحبيه

oum abderrahman · 2013-04-21, 13:25

hada el model kayan meno f Bab Ezzouar ybi3ouh b 35000DA anti tkhayri les couleur ou ydiroholek sur mesure

el mohim ana m3a labnatt fikratt broderie bel micro wela tule travaille haka bach tadamni yokhrojlek a 100%

janino · 2013-04-21, 18:09

شوفي ختي نقترح عليك اشري مجلة تاع رشماث مش غاليين و عمريه بالسمسم والحجرات كل مكان سامبل اكيد راح يكون اجمل متلطخيلوش بزاف لقماش و لفصالة وحدهم ملاح متخفيش راح يكون اجمل بدرون لاجمل عروس مبروووووووووووووك

nariman8 · 2013-05-24, 20:51

t3ichi 7anona 3andk problem tmak les images manich nchof fihom

zanitra · 2013-05-31, 13:41

السلام عليكم
الرجاء منكم اليتعرف تفصل البدرون تعلمني ارجوكم مع جميع التفاصيل اي الباترون وشحال نشري القماش و اسم القماش ارجوكم مع العلم اود ان اقول لكم اني على موعد الولادة اريد أن تنصحوني ماذا اشتري اي تروسو البيبي ممنونة لكم شكراً

Abouali naima · 2013-06-02, 16:45

habite nchofo bassah makharjoliche assowar

صاحب الامل · 2013-06-02, 18:24

يوضع في القسم المخصص للطلبات
https://www.djelfa.info/vb/showthread.php?t=1190716