الي تعرف للكسرة خمير تعاوني الله يخليكم

الماسة النادرة · 2013-06-29, 17:38

مساء الخير حبيباتي انا عندي فور عادي تاع الكهرياء فيه الحرارة حتى 220 درجة وحبيت نجرب الكسرة ولاخبز الدار ومعرفتش قالتلي جارتي مكلاه تجربي متنجحلكش وانا راها في قلبي وزيد عندي ثقة فيكم يا الفحلات ورولي طريقة تكون سهلة لاني مبتدئة وركزولي على مدة التخمار وشكرا مسبقا

touta2010 · 2013-06-29, 17:42

اقتباس:

المشاركة الأصلية كتبت بواسطة الماسة النادرة

مساء الخير حبيباتي انا عندي فور عادي تاع الكهرياء فيه الحرارة حتى 220 درجة وحبيت نجرب الكسرة ولاخبز الدار ومعرفتش قالتلي جارتي مكلاه تجربي متنجحلكش وانا راها في قلبي وزيد عندي ثقة فيكم يا الفحلات ورولي طريقة تكون سهلة لاني مبتدئة وركزولي على مدة التخمار وشكرا مسبقا

نعرف وحدة جربت فيه لكن متفتحيهش عندما تكون تطيب

اميرة في دنيا حقيرة · 2013-06-29, 17:52

علاه حنونتي مينجحش متفتحيش عليه خلاص حتى تشمي ريحتوا طاب

اما مدة التخمار تخليها نصف ساعة راه الحل سخون يطلع ليه ليه

الماسة النادرة · 2013-06-29, 18:36

لكن اين الوصفة

amina bourennane · 2013-06-29, 19:29

شوفي اختي نعطيك وصفة تع خبز الدار يجييك هااايل ايا نبدو في المقادير:
*فرينة وكمشة دقيق و تبسيه بالزبدة وشوية زيت ماشي ياسر وعظمة وكاني كونتيتى كبيرة ديري 2 عظمات و ملح وخميرة تع دار تحطيها في كاس مع شوية سكر وتسخني لحليب وتخمريها فيه (شوية برك حليب) و كي تختمر الخميرة صبيها في الفرينة وبليها بالحليب وطريها مي ماشي ياسر ياسر ومبعد اعجنيها شوية مدة 5دقائق وحطيها تطلع مي غطيها بساشي وخليها تطلع وكي تشوفيها طلعت ولات كي البالون خخخ اجبديها واعجني وقطعي في العجن باه تتعجن bien و مبعد قرصيها قرص متوسطين ماهم كبار ماهم صغار وخليهم يطلعو وكي تشوفيهم طلعو ادهنيهم بالعظام و زينيهم بالزرارع وسخني الفور تاعك بيااا وحطيهم يطيبو من تحت ومبعد من فوق وعندك تحلي الفور عندك باسكو يهبط ومبعد بالهنا يجيك كي القاطو وبنييين واتفكريني بدعوة للوالدين

السيدة ام سارة · 2013-06-29, 23:03

لعمل كسرة الخمير نتبع الخطوات التالية اولا ناتي بكمية من السميد +كمية من الفرينة+مغرفة خميرة +مغرفة سكر+ملح ثم نضيف الماء تدريجيا ونعجن جيدا ونتركها تتخمر

السيدة ام سارة · 2013-06-29, 23:17

السلام عليكم تعيشو الي تعرف باش يتنقش قاطو عين الجمل تقل انا نعرف المقادير تاع ومانعرفش النقاش تاع

غيداق · 2013-06-30, 11:26

السلام عليكم : اختي راني مجربة الخبز في الفور وراهو يجي يهبل خبرة نتاع عامين قبل ما نشري الكويزنيار والسر نتاعو انك تسخنيه مليح انا كنت نشعلو طيلة المدة الي نحط فيها الخبز يخمر ما نجي نطيبو نلقا الفور سخن مليح ولما تحطي الخبز ما تحليش عليه الفور حتى تشمي ريحة الطياب في هاذاك الوقت ابداي تبعيه باش ما يتحرقلكشولما تلقايه طاب مليح من تحت شعليلو من فوق باه يتحمر ويجيك هايل :
هذي الوصفة نقلتها من النت وجربتها وجات هايلة وزيد تصلح تطيب في الفور لانها نتاع الفرينة

المقادير2 ملاعق اكل زبدة دائبة او نصف فنجال لاتاي زيت *500 غ فرينة * ملعقة صغيرة ملح* 1 ملعقة كبيرة (اكل) سكر * 2 ملاعق اكل لحظة * 2 ملاعق اكل سميمدة رطبة * نصف كاس ماء دافئ * 2 ملاعق اكل خميرة خبز * حبة بيض .

كيفية التحضير

في جفنة ديرو الماء الدافئ + الخميرة + 250غ فرينة يعني نصف 500غ ونخلط كل المكونات مع بعض جيدا و نزيد بقية الفرينة يعني 250غ اخرى + الملح + السكر + البيض + الزبة + السميمدة + اللحظة ونعجنهم مليح ونخلوها ترتاح اي نخلو العجينة ترتاح 15 دقيقة ممبعد نشكلوها خبيزات ونرمدوها في الفرينم من فوق و من تحت ونخلوها ترتاح 40 د ونطيبوها في الفرن مدة نصف ساعة (30د)

الماسة النادرة · 2013-06-30, 15:09

اقتباس:

المشاركة الأصلية كتبت بواسطة amina bourennane

شوفي اختي نعطيك وصفة تع خبز الدار يجييك هااايل ايا نبدو في المقادير:
*فرينة وكمشة دقيق و تبسيه بالزبدة وشوية زيت ماشي ياسر وعظمة وكاني كونتيتى كبيرة ديري 2 عظمات و ملح وخميرة تع دار تحطيها في كاس مع شوية سكر وتسخني لحليب وتخمريها فيه (شوية برك حليب) و كي تختمر الخميرة صبيها في الفرينة وبليها بالحليب وطريها مي ماشي ياسر ياسر ومبعد اعجنيها شوية مدة 5دقائق وحطيها تطلع مي غطيها بساشي وخليها تطلع وكي تشوفيها طلعت ولات كي البالون خخخ اجبديها واعجني وقطعي في العجن باه تتعجن bien و مبعد قرصيها قرص متوسطين ماهم كبار ماهم صغار وخليهم يطلعو وكي تشوفيهم طلعو ادهنيهم بالعظام و زينيهم بالزرارع وسخني الفور تاعك بيااا وحطيهم يطيبو من تحت ومبعد من فوق وعندك تحلي الفور عندك باسكو يهبط ومبعد بالهنا يجيك كي القاطو وبنييين واتفكريني بدعوة للوالدين

شكرا لك الله يرحم والديك لكن شحال الفرينة

الماسة النادرة · 2013-06-30, 15:11

اقتباس:

المشاركة الأصلية كتبت بواسطة غيداق

السلام عليكم : اختي راني مجربة الخبز في الفور وراهو يجي يهبل خبرة نتاع عامين قبل ما نشري الكويزنيار والسر نتاعو انك تسخنيه مليح انا كنت نشعلو طيلة المدة الي نحط فيها الخبز يخمر ما نجي نطيبو نلقا الفور سخن مليح ولما تحطي الخبز ما تحليش عليه الفور حتى تشمي ريحة الطياب في هاذاك الوقت ابداي تبعيه باش ما يتحرقلكشولما تلقايه طاب مليح من تحت شعليلو من فوق باه يتحمر ويجيك هايل :
هذي الوصفة نقلتها من النت وجربتها وجات هايلة وزيد تصلح تطيب في الفور لانها نتاع الفرينة

المقادير2 ملاعق اكل زبدة دائبة او نصف فنجال لاتاي زيت *500 غ فرينة * ملعقة صغيرة ملح* 1 ملعقة كبيرة (اكل) سكر * 2 ملاعق اكل لحظة * 2 ملاعق اكل سميمدة رطبة * نصف كاس ماء دافئ * 2 ملاعق اكل خميرة خبز * حبة بيض .

كيفية التحضير

في جفنة ديرو الماء الدافئ + الخميرة + 250غ فرينة يعني نصف 500غ ونخلط كل المكونات مع بعض جيدا و نزيد بقية الفرينة يعني 250غ اخرى + الملح + السكر + البيض + الزبة + السميمدة + اللحظة ونعجنهم مليح ونخلوها ترتاح اي نخلو العجينة ترتاح 15 دقيقة ممبعد نشكلوها خبيزات ونرمدوها في الفرينم من فوق و من تحت ونخلوها ترتاح 40 د ونطيبوها في الفرن مدة نصف ساعة (30د)

شكرا لك اختي الله يجازيك

ام البنتين · 2013-06-30, 18:37

ينقشوه بالمشطة او السلاكة هاذيك لي عندها سنين طوال شوفي في المنتدى راه كاين لي حطت الطريقة واضحة جدا

عطوفة · 2013-06-30, 22:59

بالمشطة برك يا اختي ..

souma roua · 2013-07-01, 19:50

اختي لعزيزة حنا مانطيبوش الكسرة خميرة في الفرن نطيبوها على الطاجين مثلا حابة ديري 3 خبزات جيبي الباطة نتاع لابال وكيلي بها حطي الدقيق عند هذاك الخط نتاعها باه جيك خبزة وانت ديري 3 بايط باه جيك 3 خبزات وحطيلها 4 مغارف تاع خميرة بالمغرفة لي جي مع الدواء (السيرو) والملح وما تحطيش الزيت وبلي بالماء الدافي ومن بعد اعجنيها مليح وكي تتعجن حطيلها الما بالشوية حتى تتسقى وما ديريهاش جارية وبقاي حطي في الماء ونشفيه حتى تتسقى مليح وروحي ديريها كويرات 3 وحطيها في الطراف او كتاتن تنشف وغطيها ومن بعد كي تمسيها تلقايها نشفت قرصيها بالعقيلة بيدك ولا بالقنوط وزيدي حطيها تطلع وكي تمسيها تلقايها منفوخة حطيها طيب في الطاجين اتمنى اني استفدتك

souma roua · 2013-07-01, 19:51

اختي لعزيزة حنا مانطيبوش الكسرة خميرة في الفرن نطيبوها على الطاجين مثلا حابة ديري 3 خبزات جيبي الباطة نتاع لابال وكيلي بها حطي الدقيق عند هذاك الخط نتاعها باه جيك خبزة وانت ديري 3 بايط باه جيك 3 خبزات وحطيلها 4 مغارف تاع خميرة بالمغرفة لي جي مع الدواء (السيرو) والملح وما تحطيش الزيت وبلي بالماء الدافي ومن بعد اعجنيها مليح وكي تتعجن حطيلها الما بالشوية حتى تتسقى وما ديريهاش جارية وبقاي حطي في الماء ونشفيه حتى تتسقى مليح وروحي ديريها كويرات 3 وحطيها في الطراف او كتاتن تنشف وغطيها ومن بعد كي تمسيها تلقايها نشفت قرصيها بالعقيلة بيدك ولا بالقنوط وزيدي حطيها تطلع وكي تمسيها تلقايها منفوخة حطيها طيب في الطاجين اتمنى اني استفدتك

اقتباس:

المشاركة الأصلية كتبت بواسطة الماسة النادرة

مساء الخير حبيباتي انا عندي فور عادي تاع الكهرياء فيه الحرارة حتى 220 درجة وحبيت نجرب الكسرة ولاخبز الدار ومعرفتش قالتلي جارتي مكلاه تجربي متنجحلكش وانا راها في قلبي وزيد عندي ثقة فيكم يا الفحلات ورولي طريقة تكون سهلة لاني مبتدئة وركزولي على مدة التخمار وشكرا مسبقا

souma roua · 2013-07-01, 19:52

اقتباس:

المشاركة الأصلية كتبت بواسطة السيدة ام سارة

السلام عليكم تعيشو الي تعرف باش يتنقش قاطو عين الجمل تقل انا نعرف المقادير تاع ومانعرفش النقاش تاع

ينقشوه بالنقاش نتاع المقروظ