عاجل للاولياء والمربين

الأمنيات · 2013-05-17, 17:45

السلام عليكم
هل وقعتم يوما في فخ الاسئلة الحرجه التي تطرح من طرف اولادكم ...............كيف تتصرفون هل تهربون ام تعطوا الاجابات الصحيحة
لان التهرب لا يحل الازمة ولا يشبع رغبة الطفل في معرفة المزيد
انا بناتي اسئلتهم كثيرا عندما لا اعرف اقول لهم اذهبوا عند ابيكم ومرات نرد عليهم بواش نعرف
المهم هاذ المره كان سؤال ابنتي الصغير عندها ست سنوات
اليوم الاول
هل الرسول في السماء كيف نزل بالرساله لنا ؟؟؟؟اندهشت ولم اعرف الرد لكن تشجعت واخبرتها
هو انسان مثلنا ياكل ويشرب وربي نزل عليه الوحي ونزل عليه القران
ومن بعد مات يموت مثل الانسان حتى واحد ما يبقى لا اعرف ان اقتنعت المهم قالت لي فهمت
فوتنا ايام ورجعت
هل الله انسان مثلنا واين هو اعلاه ما نشوفوهش ؟؟؟
يا الاهي مابال هذه الطفله ............كل يوم سؤال والله ما تصدقوا انواع الاسئله الي تسالها هل كل الاطفال هكذا
تذكرت سورة الاخلاص
شرحتها لها بشوي وفهمتها لها اظن انها فهمت .........لكن ما ادهشني اختها الاكبر منها قالت لي اول مرة نعرف ان هادا هو شرح لهذه السورة
ووهي درسوها وشرحوهالهم نظن لكن كيف لم تفهمها ممكن فهمت فهم خاطئ
مااردت ان انبه به الاولياء والمربييييين حذاري حذاري العقيده الصحيحة علينا نعلمها لاطفالنا حتى لا تقع في ذهنهم كل المعلومات الخاطئ
التي يكسبوها من الرسوم المتحركه شوفوا واش راهم يتفرجو .............وانتبهوا لكلام بعض الرسومات راها خطرة صراحة
هذا فقط نموذج اردت ان اطرحه عليكم
ربي يحفظ اولادنا ويهديهم

ميمنة الجزائر · 2013-05-17, 17:54

شكرًا حبيبتي امنيات سراتلي مرة كي كان صغير تم بديت نتدارك الموضوع ونفهمو

وتاني من بعد ديتو للمسجد في الصيف باه يتعلم وتم يفهم احسن مع المعلم

وعن جد الرسومات راهي خطر كبير وخاصة كيما رسوم اللي وسمو شاودر وكائن بزااااف منهم

اللهم احفظ لنا أولادنا يا رب من كل شر

oum rahma · 2013-05-17, 18:30

شكرا امنياتي ، موضوع مهم

هنا لازم دور الاولياء ، بالمراقبة وتلقين العقيدة الصحية ، وايضا تصحيح المعلومات الخاطئة

لانو المدارس صارت كوارث ، ولا يعتمد عليها في تنشئة الاجيال ، الا من رحم ربي

خاصة فيما تعلق بامور ديننا الحنيف ، حدّث ولا حرج

وعليه ، لازم الاولياء يكون وراء الابناء وامامهم لان الامور التي تغرس في الصغر يصعب محوها اذا كانت خاطئة عند الكبر

ربي يحفظلك ابناءك

ام إثري · 2013-05-17, 18:30

يعطيك الصحة اختيعلى طرح هذا الموضوع والله غير مرتي باسئلة والله ساعات مايكونش عندي الاجابة وساعة مانعرفش كيفاه نلحق المعلومة

انا مثلا ولدي ماعندوش بزاف عمرو سبع سنين قالي ماما كيفاه يعرف الطبيب الطفل والطفلة كيفاه يميزهم
والله غير ماعرفتش كيفاه نجاوب

zahra30 · 2013-05-17, 18:46

شكرا اختي امنيات على المبادرة كلامك صح وخاصة في مجال العقيدة ما فيهاش تمسخير لا من جهة الاولياء ولا من المربين ....حتى انا عندي ولدي 06 سنوات يكثر الاسئلة وما نكذبش عليك ساعات نرد عليه وساعات نقولو ما نعرفش لاخاطر علبالي ماش راح يستوعب مليح وممكن يفهم العكس او يروح للبعيد ... وكيما قولتي الرسوم المتحركة اللي راهم يشوفو فيها ما هيش رسوم بالعكس فيها غير العنف والقتل .....( ولدي نهار بطول هو يطبق في الاصوات والحركات انتاعهم ) وحتى العاب الفيديو باش نوخرو شوية على التلفاز نلقاهم انتاع العنف ....ساعات ما نلقاش روحي كيفاش نتصرف معاه وحتى باش يخرجو لبرا يلعبو نعودو نعسو بدل ما نرتاحو ... المهم ربي يحفظهم ويصلحهم ويعينا على تربيتهم ...

salima14 · 2013-05-17, 19:47

السلام عليكم جميعا واش نقولك الأطفال كامل هك يسألو بزاف روسهم
خاويين يبغو يعمروهم ويفهو بزاف وعلى لأسئلة مرات محرجة مرات غريبة حتى نتي
تولي تحوسي على الإجابة نعطيك مثال مرة ولدي عندو خمس سنين قالي ماما علاش لقمر
يجي غيرمن جيهة التاقة تع ما شومبر ههههه سكت شوية ومن بعد نضت نتبع فيه كي الجمل اللي يتبع
فالنملة نحوس على لقمر إذا يبان من كل النوافذ اللي عندي ؟؟؟هههه

مريم الصابرة · 2013-05-17, 20:23

السلام عليكم اختي
فعلا موضوع مهم بارك الله فيك
اتذكر جبدا فالماضي كنت نشوف فالسما ونحير كيفاه طيح المطر ومرات نغلق العين نقول ضرك تحبس ههههههههههه الله غالب عقل طفلة صغيرة وسألت والدي ربي يرحموو قتلو المطر شكون يخليها طيح علينا قالي ربي قتلو علاه عندو فروطوار يسيق بيه حاشاكم الوالد نتاعي بداية ضحك ولكن بعدها قالي كيفاه هذي إسغفري الله راكي غلطت وطكنت نخاف بزاف لما يقولي غلطت وربي زعفلا منك نبات نبكي وليت قاعدة ونعيط سامحني سامحني لربي نبكي ونطلب فالسماح بابا الله يرحمو ميت عليا بالضحك يقولي خلاص سامحك وماتزيديش تعاوديها
يعني هنا جدور الوالدين في التوعية الامر حقا خطير صح نكبرو التعليم ينورنا لكن مليح نورورهم من بكري شكرا

تصفية وتربية · 2013-05-17, 20:37

اقتباس:

المشاركة الأصلية كتبت بواسطة الأمنيات

السلام عليكم

مااردت ان انبه به الاولياء والمربييييين حذاري حذاري العقيده الصحيحة علينا نعلمها لاطفالنا حتى لا تقع في ذهنهم كل المعلومات الخاطئ
التي يكسبوها من الرسوم المتحركه شوفوا واش راهم يتفرجو .............وانتبهوا لكلام بعض الرسومات راها خطرة صراحة

وعليكِ السّلام ورحمة الله وبركاته
بارك الرحمن فيكِ أختي على التنبيه .. حقيقة هذا الأمر من الأمور المهمّة والتي هي من الأساسيات التي يجب أن يبدأ بها المُربّي
لأن العقيدة هي الأساس الذي يُبني عليه الدّين والتوحيد هو الأصل
لذا فالواجب على كلّ ولي أن يُلقن أبناءه العقيدة الصحيحة منذُ الصغر ..
وأنصح كلّ الأولياء بهذه الرسالة القيّمة للإمام المُجدد محمد بن عبد الوهاب -رحمه الله تعالى-:
شرح تلقين عقيدة للعوام / الشيخ عبد الرزاق البدر
وهذه أيضًا:
تَعْلِيمُ الصِّبْيانِ التَّوْحِيد
وهذه أيضًا:
50 سؤال وجواب في العقيدة

وهذه رسالة أخرى طيِّبة لسالم الطويل:
أسئلة و أجوبة للصغار و لا يستغني عنها الكبار

الأمنيات · 2013-05-17, 21:14

بارك الله فيكم وفي وجودكم هذه الامور لا يستهان بها والتربيه الصحيحة تكون منذ الصغر

و يبقى الامل · 2013-05-18, 13:41

جزاك الله خيرا اختي و بارك الله في امثالك ومنكم نستفيد ان شاء الله نكونو احسن قدوة و ربي يصلحلنا ذريتنا و يوفقنا الى مافيه خير لنا و طاعة لله ومرضاته

sali-sali · 2013-05-18, 13:51

السلام عليكم

على الاولياء دائمامتابعة اولادهم..ومحاولة شرح كلما يدور في ذهنهم بطريقة مبسطة و مقنعة

شكرا لك

الأمنيات · 2013-05-23, 09:25

بارك الله فيكم ..............سعدت بمروركم العطر اسعدكم الله في الدارين

ام عبودة · 2013-05-27, 14:54

شكرا حبيبتي الامنيات على طرح هذا الموضوع
انا في حد ذاتي نعني من اسئلة اولادي الغريبة والمشكل كي تحسي روحك جوبتيهم خلاص يخرجولك بحاجة اخري
انا نقلك بصراحة كي ما نصيبش الاجابة نقولهم ايا نروح نحوس عليها ونجيبها هما يفرحو يقولولي ماما حنا نعرفو خير منك

الأمنيات · 2013-05-29, 08:48

ربي يبارك فيكم وفي ردودكم وبارك الله فيكم على التشجيع

*الدخيل* · 2013-05-31, 11:16