لاثراء المقرون و السباقيتي

ماريا205 · 2013-05-22, 15:34

السلام عليكم ورحمة الله تعالى
قبل ما نقولكم على التدبيرة نحكيلكم كيفاه جاتني الفكرة وحد النهار برمجت نطيب مقرون للغداء ونسيت باللي ما عنديش البصل وش درت ?
حليت الثلاجة وسكانيتها جبدت الطماطم تاع الحب والمصبرة وطاحت عيني على الزرودية والجريوات جاتني الفكرة يعوضو البصل
جبت حبة جريوات وحبة زرودية رابيتهم وسنينات ثوم قليتهم مع شوي زيت وزدت الطماطم تاع الحب والمصبرة وورقة رند والتوابل ومرقتهم بشوي ماء اللي طابت فيه المقرون بعد ما صفيتها وهكذا كانت الصوص واجدة وبلا بصل
ومن هذاك النهار وانا نطيب المعجنات والصوص بالبصل والطماطم يعني بالصوص طوماط ونزيدلهم الزرودية والجريوات واذا ما عنديش نبدلها باللفت المهم المعجنات تاعي تولي غنية بالفيتامينات والالياف اللي في الخضر خير ما تكون بالصوص طوماط فقط خاصة للاطفال اللي ما يحبوش الخضر نكلحوهم كيما حالة اولادي.
نتمنى تعجبكم فكرتي للي ما يعرفهاش
واخيرا دعوة خير منكم تكفيني ينولي اللي في بالي

صابرة2013 · 2013-05-22, 17:02

ماريا205 · 2013-05-23, 15:35

اقتباس:

المشاركة الأصلية كتبت بواسطة صابرة2013

الله يعافيك اختي
شكرا

crystale49 · 2013-05-23, 22:49

سمراء الدنيا · 2013-05-24, 09:33

شكرا ليك اختي ماريا
ما عرفت نخلي الموضوع و لا نقلو لقسم الطبخ ؟ ههههههه حيرتيني

ahlam2060 · 2013-05-24, 15:00

مشكورة اختي على الفكرة ان شاء الله نعتمدها لاولادي
وثاني تصلح للاشخاص اللي ما يحبوش البصل
بارك الله فيك

غزالة الصّحراء · 2013-05-25, 21:16

اقتباس:

المشاركة الأصلية كتبت بواسطة ماريا205

السلام عليكم ورحمة الله تعالى
قبل ما نقولكم على التدبيرة نحكيلكم كيفاه جاتني الفكرة وحد النهار برمجت نطيب مقرون للغداء ونسيت باللي ما عنديش البصل وش درت ?
حليت الثلاجة وسكانيتها جبدت الطماطم تاع الحب والمصبرة وطاحت عيني على الزرودية والجريوات جاتني الفكرة يعوضو البصل
جبت حبة جريوات وحبة زرودية رابيتهم وسنينات ثوم قليتهم مع شوي زيت وزدت الطماطم تاع الحب والمصبرة وورقة رند والتوابل ومرقتهم بشوي ماء اللي طابت فيه المقرون بعد ما صفيتها وهكذا كانت الصوص واجدة وبلا بصل
ومن هذاك النهار وانا نطيب المعجنات والصوص بالبصل والطماطم يعني بالصوص طوماط ونزيدلهم الزرودية والجريوات واذا ما عنديش نبدلها باللفت المهم المعجنات تاعي تولي غنية بالفيتامينات والالياف اللي في الخضر خير ما تكون بالصوص طوماط فقط خاصة للاطفال اللي ما يحبوش الخضر نكلحوهم كيما حالة اولادي.
نتمنى تعجبكم فكرتي للي ما يعرفهاش
واخيرا دعوة خير منكم تكفيني ينولي اللي في بالي

مساء النّور ياحبيبتي ماريا 205 وشكرا على الفكرة .
صراحة انا أيضا أعتمد نفس الفكرة ولكن بطريقة أخرى
هاي الطّريقة .وصراحة لاصوص اتجي هايلة وحتى منظرها روعة . طبعا المقادير على حساب ماتحبي . ممكن اتكثري . ولي يبقالك ممكن أتجمديه . ووقت الحاجة تستعمليه.
أ خذ الباتور وأضع فيه مايلي وذلك بعد الغسل والتقشير . القرعة + الجزر+ البصل + الثوم + حبة فلفلة حارّة+ طماطم الحبة. نرحي الكل. ونضعه داخل الكوكوطة نضيف للكلّ ( جامبو ) + زيت الزّيتون . لكن بدون قلي + القليل من الماء . لأنّ كلّ المكونات رايح تطلق الماء. والكلّ على نار ضعيفة . ولمّا تقترب على الطياب نضيف للكلّ طماطم مصبّرة + الزّعتر البّري المرحي . أأأأأأأأأأأأأأأأأأأأأأأأأأأأممممممممممممممم مذاق روعة . فعلا روعة . جربوه كلّكم ماريحين تندموا أبدا أبدا أبدا. ممكن أن نضيف اللّحم طبعا . لكن في بعض الحالات ممكن ان نستغني عنه ويبقى المذاق أروع. كذلك بهذه الطّريقة.

تحياتي غاليتي . ومشكورة على طرحك.

ماريا205 · 2013-05-25, 22:59

اقتباس:

المشاركة الأصلية كتبت بواسطة crystale49

وفيك بركة اختي
مشكورة

ماريا205 · 2013-05-25, 23:01

اقتباس:

المشاركة الأصلية كتبت بواسطة سمراء الدنيا

شكرا ليك اختي ماريا
ما عرفت نخلي الموضوع و لا نقلو لقسم الطبخ ؟ ههههههه حيرتيني

شكرا ليك سمراء على المرور
ههههه وعلاش الحيرة ديري الانسب

ماريا205 · 2013-05-25, 23:02

اقتباس:

المشاركة الأصلية كتبت بواسطة ahlam2060

مشكورة اختي على الفكرة ان شاء الله نعتمدها لاولادي
وثاني تصلح للاشخاص اللي ما يحبوش البصل
بارك الله فيك

ان شاء الله تجربيها وتقوليلنا
مشكورة

ماريا205 · 2013-05-25, 23:04

اقتباس:

المشاركة الأصلية كتبت بواسطة غزالة الصّحراء

مساء النّور ياحبيبتي ماريا 205 وشكرا على الفكرة .
صراحة انا أيضا أعتمد نفس الفكرة ولكن بطريقة أخرى
هاي الطّريقة .وصراحة لاصوص اتجي هايلة وحتى منظرها روعة . طبعا المقادير على حساب ماتحبي . ممكن اتكثري . ولي يبقالك ممكن أتجمديه . ووقت الحاجة تستعمليه.
أ خذ الباتور وأضع فيه مايلي وذلك بعد الغسل والتقشير . القرعة + الجزر+ البصل + الثوم + حبة فلفلة حارّة+ طماطم الحبة. نرحي الكل. ونضعه داخل الكوكوطة نضيف للكلّ ( جامبو ) + زيت الزّيتون . لكن بدون قلي + القليل من الماء . لأنّ كلّ المكونات رايح تطلق الماء. والكلّ على نار ضعيفة . ولمّا تقترب على الطياب نضيف للكلّ طماطم مصبّرة + الزّعتر البّري المرحي . أأأأأأأأأأأأأأأأأأأأأأأأأأأأممممممممممممممم مذاق روعة . فعلا روعة . جربوه كلّكم ماريحين تندموا أبدا أبدا أبدا. ممكن أن نضيف اللّحم طبعا . لكن في بعض الحالات ممكن ان نستغني عنه ويبقى المذاق أروع. كذلك بهذه الطّريقة.

تحياتي غاليتي . ومشكورة على طرحك.

اختي غزالة الصحراء مشكورة على المرور
وبارك الله فيك على الاضافة

HADIL2044 · 2013-05-25, 23:06

شكراااااااااااااااااااا على الفكرة

ماريا205 · 2013-05-26, 00:09

[quote=hadil2044;1052795611]

شكراااااااااااااااااااا على الفكرة

الله يسلمك اختي شكرا على مرورك

بنت الجزاير الغالية · 2013-05-26, 07:28

أنا تاني ولادي ما يحبوش الزرودية فكرة نجربها و نردلك الخبر

maloo · 2013-05-26, 07:52

الف شكر على الفكرة في الحقيقة انا ايضا استعمل الجزر المبشور في المعجنات وهو فعلا يزيد من الطعم والاولاد ما يفيقوش بيه وهكذا نكلخلهم باش ياكلو الجزر لانهم ما يحبوهش طايب وعندي ابني يقوليي ان الجزر يصلح فقط للعصيرولا شيء اخر وما ذابيه ما نشروهش خلاص...