استفسار عن تشيز كيك

دموع الورد1 · 2013-05-28, 14:20

السلام عليكم لبنات حبيت تسقسيكم على تشيز كيك واش تقصدو بالجبن الابيض يعني واش من ماركة
وواشنو هي القشطة سائلة وطرية تعيشوا فهموني

darino · 2013-05-28, 14:30

chees cake ydiroh b jobn abyad kayan la marque philadelphia yji 3olba 200 g b 200 DA...rali chwiya..takadri t3awdih b fromage regime walla petit suise bla sokar..mais katrih mlih man lma
w krima saila hiha creme fraiche dji f kra3i dji jarya
w lokhra dji f les boites dji jamda chwiya

nchalah nkon afadtak

دموع الورد1 · 2013-05-28, 16:13

Merciiiiiiiiiiii

ladymillion · 2013-05-28, 16:57

هو أصله بالبرميزان يعني جبنة بيضاء طرية غير مملحة تعوضيه بجبنة فيلاديلفيا أو كيري والاقتصادي هو PETIT SUISSE انا ندير PETIT SUISSE ويجي هايل ونشاء الله نكون أفدتك وها هي الوصفة نتاعي

تشيز كيك الشوكولا

الطبقة الاولي : ديري أي بسكوي فيه الشوكولا أنا درت بسكوي برينو وبالنسبة للمول نتاعي خصيصا للتشيز كيك واذا معندكش المول جيبي صينية وحطي فيها ورق الالمنيوم ويجي طويل على الجوانب باش كي تجي تخرجي قالب الكيك يجيك أسهل المهم نحتاج الى 100 غ بسكوي بالشوكولا أرحيه مع اصبع زبدة حتان يرطاب ورصيه في المول بمساعدة قاعدة الكأس باش يدخا مايح في بعضاه وحطيه في الفرن 180° لمدة 15 د متزيديش كثر ومبعد خرجيه وخليه على جنب

الطبقة الثانية :

Petits suisse 6
6 ملاعق كبيرة سكر
في كأس حليب ذوبي 200 غ شوكولا سوداء + ورقة ونصف جيالتين تكوني غمستيه في الماء البارد قبل ما تبداي عمل الكيك ذوبيهم على نار هادئة
وبعد ما يذوبو برديهم شوي لكن ماشي في الثلاجة برديهم بالتحريك
الان تجيبي أناء حطي فية الماء البارد والثلج وحطي فوقو أناء فية الحليب مع الشوكولا والجيلاتين لي برتيهم وزيدي عليهم 7 ملاعق كبيرة من الكريم شانتي و 6 ملاعق نتاع السكر واخفقي الخلاط الكهربائي

ومبعد خلطيهم مع 6 علب نتاع petit suisse وخفقي مليح حتي يتجانس الخليط وأضيفي الجوز مكسراذا حبيتي ماديريهش

وحطيه فوق البسكوي واعدليه وحطيه في الثلاجة لمدة 5 ساعات ويجي هايل

sarah.. · 2013-05-28, 17:16

شوفي هدا اختي بلاك يفيدك فيه الصور والشرح

https://www.djelfa.info/vb/showthread.php?t=1232838

دموع الورد1 · 2013-05-29, 12:02

شكراااااااااااااااااااااااااااااااااااااااااااا