زوجي المتدين

[مشكلتي]

السلام عليكم ورحمة الله

انا متزوجة عندي 7 سنين

حالتنا المادية عادية ولله الحمد

زوجي عمره 33 وانا 28

عندنا ابن 6 سنين واحد 4 سنوات ابنه عندها عام ونصف

المهم ولاني اعلم انه البعض راح يقول احمدي ربك ارد عليه واقول الحمد لله والقالي حل رحم الله والديك

في بداية الاربع سنوات كانت حياتنا عادية زوجي ملتزم وشعاره الاخذ والعطاء بالحسنى

مهما وجد اخطاء فانه يا يتغاضى واذا شافها طولت ينصح باللتي هي احسن

مثلا في بداية زواجنا لقاني اشاهد مسلسل نصح الاخ والنصيحة مجابتش نفع
فلقيته جاي يتفرج معايا وقال يا نشتركوا في الاجر او المعصية وبالفعل اقلعت على المسلسلات
يعني اتحمل ذنوبي وذنوبه ؟؟؟؟؟؟؟؟

لكن في العام هذا اصبح انسان غير
من شخص ملتزم الى متعصب جدا جدا جدا جدا

مثلا

النقاب في قوله فرض واني انا سبب انفتان امه محمد وكل مشاكل العالم ستحل بغطاء الوجه والقفزات ويشهد عليه الله اني محتشمة

لا لازم تلبسيه بسيف عليك واذا خشنتي راسك لا خروج حتى تلوحيه يعني اخبطي راسك حتى يوجعك

وبالفعل خشنت راسي وعندي 6 اشهر محبوسة في الدار وكل ما هدرت معاه عندوا حل واحد البسيه وهنيني واهناي !!!!!!!!!!

العصبيه الزايدة والصرامة الي موش بمكانها

حتى الطفل يديه معاه على 3 تاع الصباح للمسجد واذا قلتله مزاله صغيره اصبر عليه عام قال ابني وحر فيه وراني نعود فيه يصلي موش يفعل المنكر >>وتخيلوا حتى انه الطفل عاد يخاف منه وقالي ماما انا نكره بابا لانه يحمق عليا في المسجد دير هك علاه راسك خشين يعني بالله عليكم هذا اسلوب تعليم ؟؟؟؟؟؟؟؟
البنت يقولي عوديها على الحجاب ؟؟؟ في رايكم هذا في عقله اي حجاب يرحم والديك والطفلة مزالت متعرفش حتى تنطق ؟؟؟؟؟؟؟؟؟؟؟؟؟؟
التلفاز زيادة ومفسده و اغلب القنوات علمانيه

فقلتله انا: كل شي بيدينا اعرف الحلال والحرام يقول انا خلاص هدرت وانتي طبقي يعني الجدال معه عقيم درجة 3 للاسف

حتى انه يقول انا منشعلش مكيف السياره ولازم نتعودوا نرقودا على الأرض
قولوا علاه ؟؟
لأن النعمه لاتدوم ...يحسسني وكانه موش عايش بزمانه عايش في عهد
الخلفاء لكن الزمن تغير والدين موش بهذا الشكل

الدروس الدينية هو الي يحدد لمن اسمع ولمن اخذ
مع اني اعرف المناسب والاسلوب الي يخليني ارتاح موش اسلوب يرهبني وينفرني مع انه في البداية لم يمانع بالعكس يشجعني

واشياء لا تعد ولا تحصى
الله يهديني الظاهر اني عدت اتحسس بزياده

[الحنان المفقود]

يا ختي راجلك هذا إذا عندو خوه باغي يتزوج ويكون كيفو من فضلك قوليلي
هذا الراجل لي بغيتو أنا.
مليحة السترة يا ختي والراجل المتدين خير من غيرو.

[أم معاذ أم معاذ]

أنا نقولك حوسي حوسي على أدلة الأمور اللي يطلبها منك و ناقشيه بالحكمة و الموعظة الحسنة
إذا كان ما يطلبه موافق للكتاب و السنة
حتى لو كان مستحب
مادام أمرك بيه زوجك يصبح فرضا في حقك
بالنسبة لتعليم الأطفال
حملي محاضرات للعلماء الثقات في كيفية تعليم الأطفال آداب و الأحكام الإسلامية
استمعيها أنت و خلي زوجك يسمعها معاك
إذا لقيتي حاجة يعملها زوجك مخالفة لهدي النبي حوسي على الأدلة من عند العلماء الثقات و انصحيه لوجه الله
و بينيلو الدليل
ولا حطيلو المحاضرة و قولو من فضلك أسمع هاذي و برك
و هو وحدو مادام راهو نيتو أنو يطبق أحكام الشريعة راح يسمع و يتعلم

[أَحمــد]

المشاركة الأصلية كتبت بواسطة freeminde

تحيا المراة المحررة التي تتمتع بكامل حفوقها

منها أهلك (أختك, زوجتك,ابنتك,.......)

أترضى هذا؟ّ.

[سدرةالمنتهى]

السلام عليكم و رحمة الله و بركاته
حسب سردك للقصك انا جاتني الاوامر اللي يمد فيهم عادي من الكتاب و السنة شاهي هو ماعندوش الاسلوب اللين و المشوق باش تقتنعو و تعيشو في سعادة نصيحتي حاولي تتناقشي معاه و قوليلو انت ماشاء الله تحبني و تخاف عليا و قاري كلام ربي بصح ماكاش قاري كيفية معاملة الرسول صلى الله عليه وسلم لازواجه و بناته و ال بيته اجمعين فهميه انو الدين معاملة ماشي تشدد و تعصب
h

[عبد الله 22]

السلام عليكم ، قد تكون المشكلة في الكتب التي يقراءها أو الجماعة التي يجالسها، حولي إهديه الكتب الوسيطية ( دون غلو في الدين ) لكي تسطيع تقليل من الافكار التشدد
الله سبحانه وتعالى يقول: ﴿ وَكَذَلِكَ جَعَلْنَاكُمْ أُمَّةً وَسَطًا لِّتَكُونُواْ شُهَدَاء عَلَى النَّاسِ وَيَكُونَ الرَّسُولُ عَلَيْكُمْ شَهِيدًا ﴾
اما النبي صلى الله عليه وسلم
فقال: (إن هذا الدين متين فأوغلوا فيه برفق) أخرجه الإمام أحمد

[أمآآآآني البنفسج]

جميل أن يكون زوجك متدينا أختي

و أن تعملا معا لآخرة سعيدة

و أن تربيا أولادكما تربية صالحة

لكن أظنه بالغ نوعا ما خصوصا في فرض الصلاة على طفله الصغير

ألا يعلم أن الأولاد يعلمون الصلاة في سبع و يضربون عليها في عشر ؟؟

حاولوا معه بالحسنى أختي و أخبريه أننا ديننا دين ترغيب لا ترهيب

و أخبريه أنه بتصرفاته أكره الولد في نفسه و سيكرهه في الصلاة و الدين ككل

أما النقاب واش نقلك .. هو زوجك ديريه تتهناي و تهنيه

و ربي يحسن الأمور للأفضل

[امراة غريبة]

راجل ونص والرجال قليل استحفظي بيه راهو عملة نادرة

[RIMA95]

الامر هين وصعب بعض الشيء

اولا راكي في رحمت ربي

ثانيا انا عن نفسي لا احب التشدد كثيرا

انا نعرف شحال من عائلات الوالدين ما شا الله والابناء ربي يجيب علاش هدا كامل من التشديد والتزيار بزاف فحذاري وليدك راهو بدا يكره

وهذي قوليها للزوجك العزيز

سلامي

[hindooo]

لمشاركة الأصلية كتبت بواسطة freeminde
تحيا المراة المحررة التي تتمتع بكامل حفوقها والله هذا كلام تحاسب عليه ليس في الارض من حرر المراة مثل الاسلام وروح اقرا السيرة والكتب وعلي فكرة هذا ما عندو والو بعلي بلحاج ولي فلان (ليس دفاعا بل قول حق) الله يهديك اما عن زوجك يا اختي انا زوجي اول زواج حتم علبا لبس الحجاب العادي الفضفاض وبعد بالشوية وبادلة العلماء خلاني نلبس سروال ومعاه حجاب تحت الركبة مع انو في الاول كان رافض وبعد انا وحدي اقتنعت بفكرتو وليت نلبس حجاب مالا اق نعي زوجك بالادلة تع العلماء وفهميه الدين يسر ليس عسر

[آلاء الرحـــــــمن]

المشاركة الأصلية كتبت بواسطة مشكلتي

السلام عليكم ورحمة الله

انا متزوجة عندي 7 سنين

حالتنا المادية عادية ولله الحمد

زوجي عمره 33 وانا 28

عندنا ابن 6 سنين واحد 4 سنوات ابنه عندها عام ونصف

المهم ولاني اعلم انه البعض راح يقول احمدي ربك ارد عليه واقول الحمد لله والقالي حل رحم الله والديك

في بداية الاربع سنوات كانت حياتنا عادية زوجي ملتزم وشعاره الاخذ والعطاء بالحسنى

مهما وجد اخطاء فانه يا يتغاضى واذا شافها طولت ينصح باللتي هي احسن

مثلا في بداية زواجنا لقاني اشاهد مسلسل نصح الاخ والنصيحة مجابتش نفع
فلقيته جاي يتفرج معايا وقال يا نشتركوا في الاجر او المعصية وبالفعل اقلعت على المسلسلات
يعني اتحمل ذنوبي وذنوبه ؟؟؟؟؟؟؟؟

لكن في العام هذا اصبح انسان غير
من شخص ملتزم الى متعصب جدا جدا جدا جدا

مثلا

النقاب في قوله فرض واني انا سبب انفتان امه محمد وكل مشاكل العالم ستحل بغطاء الوجه والقفزات ويشهد عليه الله اني محتشمة

لا لازم تلبسيه بسيف عليك واذا خشنتي راسك لا خروج حتى تلوحيه يعني اخبطي راسك حتى يوجعك

وبالفعل خشنت راسي وعندي 6 اشهر محبوسة في الدار وكل ما هدرت معاه عندوا حل واحد البسيه وهنيني واهناي !!!!!!!!!!

العصبيه الزايدة والصرامة الي موش بمكانها

حتى الطفل يديه معاه على 3 تاع الصباح للمسجد واذا قلتله مزاله صغيره اصبر عليه عام قال ابني وحر فيه وراني نعود فيه يصلي موش يفعل المنكر >>وتخيلوا حتى انه الطفل عاد يخاف منه وقالي ماما انا نكره بابا لانه يحمق عليا في المسجد دير هك علاه راسك خشين يعني بالله عليكم هذا اسلوب تعليم ؟؟؟؟؟؟؟؟
البنت يقولي عوديها على الحجاب ؟؟؟ في رايكم هذا في عقله اي حجاب يرحم والديك والطفلة مزالت متعرفش حتى تنطق ؟؟؟؟؟؟؟؟؟؟؟؟؟؟
التلفاز زيادة ومفسده و اغلب القنوات علمانيه

فقلتله انا: كل شي بيدينا اعرف الحلال والحرام يقول انا خلاص هدرت وانتي طبقي يعني الجدال معه عقيم درجة 3 للاسف

حتى انه يقول انا منشعلش مكيف السياره ولازم نتعودوا نرقودا على الأرض
قولوا علاه ؟؟
لأن النعمه لاتدوم ...يحسسني وكانه موش عايش بزمانه عايش في عهد
الخلفاء لكن الزمن تغير والدين موش بهذا الشكل

الدروس الدينية هو الي يحدد لمن اسمع ولمن اخذ
مع اني اعرف المناسب والاسلوب الي يخليني ارتاح موش اسلوب يرهبني وينفرني مع انه في البداية لم يمانع بالعكس يشجعني

واشياء لا تعد ولا تحصى
الله يهديني الظاهر اني عدت اتحسس بزياده

و عليكم السلام ورحمة الله وبركاته

اختي احمدي الله على ان انعم عليك بزوج صالح يعينك على امور الدنيا و الآخرة ...

اما عن ما تعتقديه مشاكل فلو فكرتي في الدنيا و حقيقتها فلن تحسبي لها حساب ابدا ...

اولا قضية النقاب يا اختي انت ما ظرك في لبسه ؟ هل عندما تلبسيه تضيعين شيئا ؟ طبعا لا ... بل بالعكس ستكسبين رضا ربك اولا ثم رضا زوجك ثم ان انت لم تلبسيه ماذا ستكسبين و مالذي ستحصلنيه ؟ نحن النساء نكون كالجواهر المصونات في بيوت اهالينا و ازواجنا و ما اجمل ان نكون عند ازواج يصونون اعراضنا و يغارون علينا ...

اما بالنسبة لابنك هنا يأتي دورك بأن تفهميه بأن الصلاة فرض علينا و انه لايستقيم الدين مالم تستقم الصلاة و هذا كله بأسلوب طيب معه حنان الام و تفهميه ان والده يحب له الخير ليس الا و لا تتحدثي مع والده عن هذه الامور امامه فهذا سيزيد من تسخط الولد ان احس انك تدافعين عنه فسيشعر ان ما يقوم به والده خطأ في حقه خاصة ان الاطفال الصغار يتعلقون بأمهاتهم اكثر من آبائهم ...

اختي ان الدنيا لا تسوى جناح بعوضة لا تستحق ان نعطيها الاهتمام فنحن مخلقوين للاخرة وماهذه الا دار شقاء فعليك بمصاحبة زوجك الصحبة الطيبة و ان تطيعيه مالم تكن في معصية و حاولي ان تفهمي منه وان تطلبي الادلة الشرعية على ما يقول هكذا تستفيدي لدينك و تكسبي راحة بالك في دنياك ...

ثم عليك بالدعاء و و التضرع الى الله ان ينير دربك ...

نسأل الله لنا ولك التوفيق و ان يردنا اليه ردا جميلا ...

[AMINA.Z]

اذا زاد الشيء عن حده انقلب الى ضده

هو تحسابلو راه يديب في الخير مي انا راني نشوف كون يكمل هاك
خاصة مع الاولاد راح ينقلب عليه كلشي

اذا هو لاعبها فاهم كلش و متعلم و ما تقدريش تناقشيه

روحي انتي كيف اثقفي اذا هو يسكتك بالقران و الحديث انتي كيف

ذكريه بالاية اللي تقول "ولو كنت فظا غليظ القلب لانفضوا من حولك"

صح الانسان لازم يحافظ على دينو و يكون مسؤول على العايلة تاعو

بالصح ما يعنيش انو ما يعيشش كيما الناس

حيرتني حكاية مكيف السيارة و الفراش حا ب يرجع لعهد الحاهلية

و الله امثالو اللي شوهو الاسلام

فكرتيني بواحد فاميلية لاعبها مدين و المرا للي يلقاها يحكي و يضحك معاها

و مرتو في وقت الوحم تتعذب و ماحبش يديها للطبيب و لا يشريلها الدواء علاiه???????

قالها مليح ليك هاذ العذاب تدخلي للجنة !!!!!!!!

لا حول و لا قوة الا بالله

[ayaamira666]

المشاركة الأصلية كتبت بواسطة الحنان المفقود

يا ختي راجلك هذا إذا عندو خوه باغي يتزوج ويكون كيفو من فضلك قوليلي
هذا الراجل لي بغيتو أنا.
مليحة السترة يا ختي والراجل المتدين خير من غيرو.

واش هداي الهدرة اختي اذا انت حابة تديني و تتبعي طريق الحق و طريق ربي مش لازم تدي راجل ياخي راكي كبيرة و اعية و كلشي بيدك تقدري تديري اي حاجة تخرج عليك و في صلاحك مش حتى يجي راجلك يقلك هدا صح و هذا غلط متحشميناش راكي كبيرة و واعية و عندك رايك و مش لازم دايما راجلك يكون صحيح قادر يغلط و انت لتوريلو مافيهاش عيب

[ham.za]

يا اختي

انتي قلتي انه كان يتغاضى سابقى فردي له الجميل وتغاضي انتي الان

واين المشكلة في النقاب فلو كان فرضا فقد ارتديته وان كان فضلا فلست في غنى عن فضله

الفتاة الصغيرة اظنه يقصد ان تختاري لها المتحشم ولو هي بنت العامين وكما يقال طفلك على ما ربيتيه

واخيرا هو زوجك وهو احرص عليك منا اذا اطيعيه وكوني له امة يكن لك عبدا يا اختنا

[مراد الأمل]

السلام عليكم
أختي جميل ان يكون الإنسان ملتزم بمبادئ و على دين و خلق
لكن ليس بالتعصّب و فرض الرأي ..
زوجگ هو لازملو واحد ينصحوا و يقوموا..ربي يهدينا