ممكن نصيحة

rim-25 · 2014-06-10, 10:51

السلام عليكم حبيباتي
حابة نشري الة خياطة
مع العلم انو الوالد يبيع الالات الصناعية فقط
استفسر من عند اصحابه عن احسن الالات الصغيرة الموجودة في السوق قالولو كاين طيوطا دير مليون و 800 الف
و كاين براذر دير 2400 بصح حاجة مليحة
قالي الوالد انو الصناعية رايحة تجيني في حدود 2 ملاين و 600
و ماش رايح يوجعها راسها خلاص
و ماش رايحة تهبلني
بصح انا خايفة من الة الخياطة الصناعية industrielle لانها رايحة تكون كبيرة و سريعة جدا و انا على قد الحال
واش تشوفو فيها نشري العادية المنزلية ولا نشري الكبيرة الصناعية
انصحوني لانو الوالد قالي خيري لي يعجبك
و انا ما عنديش خبرة كبيرة في المجال
قريت فصالة فقط
بصح مازلت ما انطلقتش في الميدان
راني معولة على الورشات تاعكم و على كرونو و السطايفية اذا حصلت في اي حاجة يمدولي الباترون هههههههه
و رايحة نخيط ليا و لاهل البيت فقط ماش رايحة نخدم خياطة لاني في الاساس نخدم على برا و الخياطة هواية فقط

ندى قدور · 2014-06-10, 11:17

الصناعية روعة ما عندك مانقولك فيها كي تدربي عليها تقدري تتحكمي في السرعة انتاعها والقندورة غمضة عين وانت مكملتيها انا هكذا رايي عن تجربة وان شاء الله الخبيرات يزيدو ينصحوك واش نقولك خمي مليح

ميمي مانو · 2014-06-10, 12:27

ماجربتش الصناعية مي يشكرو فيها بزاف وبالشوية تتعودي عليها وتقدري تتحكمي فيها بالتوفيق

rim-25 · 2014-06-10, 13:55

شكرا على النصيحة

الدنيا · 2014-06-10, 14:10

يا ريم اختي انا عندي اليدوية و الصناعية و التفنيين قاتلني هههه