زوجي مريض 4

[مشكلتي]

اسمحولي راني كترت عليكم
شكرا على نصائحكم و آرائكم
ربي يجازيكم بالخير ان شاء الله

باغية نخبركم أني خذيت قرار صعيب ياسر بالصح كحل مؤقت
قررت نبقا معاه لبعض الوقت و نشوف الا راه معول يتسقم
ايلا بقا على حالو أظنني راحة نخبر يماه و اتمنى تساعدني

الأمس رجع راجلي و مخبرش حتى أهلو
كنت حابة اتقرب منه و نديرلو مفاجأة
لبست فستان جميل و خذيت السيارة لاستقبالو في المطار وفي طريقي مريت على الحفافة
بالصح كي وصل، و لما شفتو خارج ماقدرتش نخزر في وجهو
لما شافني تعمرت عينيه بالدموع و ماقال أي شيء
في طريقنا للمنزل مدة ساعتين تقريبا في السيارة ماقال أي شيء

المهم كي وصلنا للدار
اطلب مني السماح لأنو خبا عليا الأمر
و قال أنني حرة في الطلاق أو البقاء لكن لا أخبر أحد بالموضوع
ووعدته بذلك لكني للأسف كذبت عليه لاني خبرت ماما
لم أخبره بالقرار اللي خذيتو و اكتفيت بالسكاة

درتلو لازانيا لي يجبها على العشاء وحاولت نكون معاه عادية
سقساني على أهلي و جابلهم كامل شوية هدايا
وجاب لي خاتم و قال أنه لي مهما كان قراري وماكان علي إلا نقبلو

فالليل و لأول مرة حاول يقترب منى لكن أنا صديتو
واكتشقت بعد شهر من الزواج بلّي عندو وشم تحت سرته
وبعد ما خاب أملو حشم وراح يرقد فالصالون
وانا بقيت في البيت نبكي و نفكر بأن الملائكة راحة تلعني حتى للصباح
وتمنيت نروح ليه و نشدو من ودنيه و نقولو بلي راك مسامح بالصح احلف ماتعاود
لكني ماقدرتش فكلما نشوف فيه نتفكر تلك الصور الخليعة...

الغريب أنه لم يقل أنه إن بقيت معاه راح يتبدل
ما وعدني بأي شيء ...
لكن مازال رايحة نستني شوية ونشوف ...
فلو تغير سأكون أسعد واحدة لأن مالوش مثيل في الكرم و الطيبة و الاحترام ...
الشيئ الوحيد السيء فيه هو مرضه الملعون

شكرا لمتابعتكم قصتي
أمنى أني نفرحكم عن قريب

[doba]

ربي معاك اختي

[Rihanna]

و الله غير صح راكي عييتينا بالحكاية ديالك
راكي غير تشكري فيه، لي يسمعك يقول ملاك
.........................

[souzie]

يا اختي قريت كامل قصتي من جزء اول حتى لهدا الجزء والله غير ربي يكون معاك وزيدي شوفي و اهدري معاه بلاك يتسقم و يهديه ربي ويتوب و خبرينا كاش جديد ربي معاااك

[mitrochka]

ربي يفرحك اختي
يعني مواجهة المشكلة و محاولة إيجاد الحلول خير من التهرب منها
و يا للمشكلة ليست بالامر الذي من الممكن ان تغمضي عينيك عنه
خممي تاني هو مسكين راه في غبن كبير و سخط من الله تعالى
و زيد هو زوجك و ليس بالغريب
توكلي على ربي سبحانه و حاولي معاه حتى يقبل يروح معاك عند طبيب نفسي
يعني بالشوية برك و على مراحل
و إن شاء الله تشوفي الخير
ربي يكون معاك أختي
و بشرينا إن شاء الله تعالى

[sarah1424]

سلاام قريت قصتك كاملة
وصراحة انا مش من طبعي النفاق او المجاملة حتى وكلامي رايح يزعجك
انت قبل قلتي اتخذت قراري وهو الانفصال وحنا ايدناك وقلي الحمدلله لم يلمسني والا ممكن ينقلي امراض جنسية هادا كلامك
المهم فهمت مت كلامك بعد محكيتي لوادتك اكيد قاتلك عيب تطلقي وانت عندك شهر زواج وانت اقتنعتي بكلامها لانك غيرتي رايك
المهم انت حرة في تصرفاتك واستشيري داعية اسلامي انسان يعطيك الجواب احسن منا
حاولي تقنعيه يتعالج ويتقرب لربي وماتغركش الهدايا لان مصيبتك اعظم

[ياسمين92]

عملتي مليح كي بقيتي معاه
ربي يصبرك اختي
لكن في هاد الوقت حاولي تنصحيه و توجهيه
حاولي تقنعيه باش يبدى يصلي ادا ما يصليش
حاولي تقنعيه باش يتقرب من دينو و انصحيه و اقنعيه بانو الراجل ما يديرش هاد الامور و انو ربي خلقو بشهامتو و رجولتو هو بدل من خلق الله
ربي يهديه و ينور طريقو و يبعد عليه عمايل الشياطين
و انت حنونة ربي يصبرك و يعينك عليه لكن ما تقطعيش لياس لانو رحمة ربنا وااااااااسعة

[نسمة تفاؤل]

يااختي زيدي اصبري وحاولي معاه غير بالهداوة انصحيه باه يتقرب من ربي وكثرو من الدعاء وقراءة القرءان واقنعيه باه يروح لطبيب نفساني وان شاء الله ربي يفتحها في وجهكم وتتحل مشكلتكم ويرزقكم بالذرية الصالحة وابقاي تطمأنينا عليك بالعكس اذا ماعاودتيش اكتبتينا رايحين نبقاو محيرين عليك كل خطوة تديريها خبرينا بيها

[pharma-93]

slm okhtii rabi y3inak ana krit kisstak kamal ya khti choufi asobri mahma kan hada rajlak wlazam tawa9fi m3ah wtssayssih yaw loukan ja andou la3youb ta3 ga3 danya nti ansshih bach yabda ysali wyatkarab man rabi wnti raki tadi ajar fih ki hditih wnchlh yatsagam wrabi yahdih wyachfih wnti hawli tawa9fi m3ah machi dayman tssadih wt3ifih ok wpuisk raki tkoli bali tkarab lik sama kayan espoir bach yatsagam lakhtach kayan nou3 kima howa haka basah mayhassou bwalou ki lmra tatkarab manhom diri wach diri mayhassou bwalou nrmlmnt fhamtinii

[saadi-2008]

السلام عليكم

أختي الكريمة نحن نعلم أن أبغض الحلال عند الله الطلاق لكن لضرورة أحكام

فالوقاية خير من العلاج وأسباب طلاقك منه عديدة

أولا: زوجك ممكن يكون مصاب بمرض (مثل الإيدز) والوقاية من العدوى هي الطلاق (إلا ان يتأكد الزوج بعمل تحاليل ثم الإبتعاد عن أفعاله)
ثانيا: انت الآن دون أولاد (بالإضافة أنك عذراء ) وإذا انجبت منه اولاد سيصعب عليك الطلاق في المستقبل ان لم يتحسن
ثالثا: ليكن في علمك ان شذوذه سيأثر عليه قال رسول الله صلى الله عليه وسلم: ملعون من أتى امرأة في دبرها
فالمرء على دين خليله فلينظر أحدكم من يخالل فما بالك بالزوج

اختي الكريمة إن كان لابد من المضي معه فعليك ان تحسمي امرك
وأن تضعي النقاط على الحروف
وتخيريه إما ان يكون رجل ويعالج نفسه او الطلاق

اما بالنسبة لأمك فردت فعلها كان بسبب الصدمة فأمك مصدومة وهذا امر طبيعي

[* الحلم سكر *]

السلام عليكم
ما جذب انتباهي كلامك عن الوشم و كأنه تلميح لشيئ ما .....؟؟؟؟؟؟؟؟ و ما أعتقده بل و متأكدة أن هناك مصيبة في الموضوع ممـن و أيـن ؟الله أعلم ..؟؟ يعجز ذهني عن التفكير و التخمين
؟؟؟؟؟؟؟؟؟؟؟؟؟؟؟؟؟؟؟؟؟؟

[همسا]

لا حول ولا قوة الا بالله العلي العظيم يارب اهدنا واهد ي امة محمد يا اختي انفدي بجلدك قبل فوات الاوان انا لو مثلك لا اعيش معه وادعو له بالهدايه والله اعلم وشي اخر اختي لما لا تضعي شراط وعظيه عن التدكير بالاخره وعند مشاهدة التلفاز افتحي قنوات دينيه وشاهديها معه لعل الله يهديه

[ahmed-fort]

يا اختي ربي يهديك و الله

العني الشيطان و اتطلقي امنعي من هذي المشكلة

و الله فكك منو راح تندمي كون تحاولي تلقايلو حل مع انو صعب جدا جدا جدا جدا جدا و مستحيل اعتقد

انا نقلك اتطلقي ما تشوفي معاه لا والو


و امك طبعا ستتفهمك و ستحن عليك و ستعودين ابنتها كما كنتي لانها لم تصدقك او فاجاتها بقرارك فقط

المهم الله يعينك + تطلقي احسن

[sali-sali]

السلام عليكم
اختي حاولي تساعديه باش يتبدل

ماتستنايش كل شي يعملو وحدو

وربي يصلح الاحوال

[أمير جزائر الخالدات]

نصيحة أطلبه منه الطلاق مادام انه ليس لديك اولاد قبل ان تتفاقم المشاكل اكثر
و لكن لا تشويه صورته امام اهله و اهلك