أوجه الشبه بين الاضراب والجهاد.......فهموناااا

[مغلوب على أمره]

السلام عليكم ورحمة الله
معليش نهدر بالعامية راني حاب نفهم عليكم ولا تفهموا علي....
في قديم الزمان في سالف العصر والاوان كنا نقراو عن تاريخنا الاسلامي المجيد الحافل بالبطولات والانتصارات وعن تاريخ ثورتنا ضد الاحتلال الفرنسي فتمر بك هذه الالقاب والرتب العسكرية الحربية : الابطال , المجاهدون , الثوار , المناضلون , المضحون , الاشاوس .....كل ذلك في سبيل اعلاء كلمة الله ونشر الحق والدفاع عن الدين والوطن.....

دور يا زمان ....ويجينا بجهاد جديد ....نال أصحابه ألقابا تزكوية اكثر من هولاء....والويل لمن لم يجاهد معهم..فهو الخائن الجبان... تحية لكل الاحرار المناضلين...الابطال الصامدون....؟؟؟
ماعرفتش والله المضربين يعني كانوا في غزوة ضد الروم و لا في عين جالوت ولا الزلاقة...ولا كانوا في فلسطين ضد اليهود...
راني خايف يوم يخرج علينا واحد ويقول بانو لو مات واحد مضرب فهو شهيد.......وما ذلك عن القوم ببعيد....
يا جماعة ديروا طلة في القسم الاسلامي تلقاو من العلماء من يقول بان الاضراب حرااااام - بغض النظر عن كونها راجحة او مرجوحة المهم تبقى دايرة مشكلة- يعني راكم واقعين في الاثم على حسب البعض....والجماعة ربي يهدي ...حاسبين ارواحهم في جهاد او في رتبة اعلى من الجهاد.....شوية عقل شوية رزانة....دعوا العاطفة جانباااا واخطيكم من تضخيم ما انتم فيه او الحط ممن خالفكم و كأنه تخلف عن غزوة مع رسول .......

والعجب واحد يقلك نرجعوا كرامتنا المسلوبة...... عيب عليك ارفع راسك فانت معلم استاذ.... الحمد لله نعمل بكرامة وشرف ولم يجبرنا احد على دخول التعليم ثم يرفسنا ويعفسنا وندعي ان كرامتنا مسلوبة... اللي يقول كرامته مسلوبة راهوايطيح بروحو....يعني راك الان تخدم بلا كراااامة....والله غير عيب.... وحاشا الراجل انو يخدم بلا كرامة.....ومن زعم غير ذلك فليراجع روحو.....

وكيما قال احد الاعضاء الاضراب يحتاج الى قناعة وليس الى شجاعة....خاصة وان الكثيرين لا يفرقون بين الشجاعة والتهور.....فاضراب جهوي في الوقت الاضافي والحكم رافع راية تسلل ومع نقابة المدراء...طبعااا تهور وليس شجاعة..... وهل من الشجاعة ان تتخذ الاطفال الابرياء كوسيلة ضغط على الدولة او على من اخذ منك حقك.....الشجاعة تقتضي المواجهة وجها بوجه ....وليس ان نتخذ الاطفال الابرياء كدروع ونجعلهم كباش فداء.... واذا كان راني غالط قولولي راك غالط...

المهم الرسالة اللي حاب نوصلها لجميع الاخوة ان هذا الاضراب من أجل دريهمات زائدة فقط يعني من أجل الدنيا والدنيا فانية ....ونحن مطالبون بالزهد فيها وعدم الاكتراث لها وعدم التشبع منها فهي خداعة غرارة مكارة.........لذا نصيحة بارك الله فيكم لا تنزلوا القاب المجاهدين في سبيل الله بالحق ومن أجل الدين .....على من يناضل من أجل متاع دنيا زائل ربما يحاسب عليه يوم القيامة..... فشتان بين الامرين ....وشتان بين النضالين ....وشتان بين التضحيتين...... ومعذرة للجميع