مرورا بقلب ابداع جزائرية وصولا الى مطبخها...

ابداع جزائرية · 2013-01-30, 23:27

السلام عليكم ورحمة الله وبركاته

كيف أحوالكم يا بنات يا جزايريات
أنا عضوة معاكم هنا جديدة فهل من مرحّب؟

في الواقع لست جديدة بل عضوة معكم منذ زمن
كنت بينكم في الحقيقة كالغائبة الحاضرة

ولم أسمي نفسي في هذا المنتدى اعتباطيا أو تفاخرا
ولكن...
وجدتكم سمّيتموني

ابداع جزائرية

لم أكن لأتكابر أو لأفكر في اسم يحمل كل هذه المسؤولية
وصدقوني ..صدقيني يا ام راضية
بكييييييييت بحرقة... بحرقة الفرحة
لما شفت مواضيعي بينكم تتداولنها وتطبقن وصفاتها وفوق كل هذا
الكلام الطيب في حقي والدعاء لي
والله لما شفتهم بكيييييييييييييييت
وعلمت أن لي أخوات يعرفنني ويدعون لي دون حتى أن أعرف
ووجدت في هذا المنتدى الطيب دونا عن غيره الأمانة في النقل
فكم من وصفات لي حرفت ونسبت لغيري
ولم يكن يهمني طالما أن نيّتي في ادراج مواضيعي لم تكن الشهرة أو التفاخر
إنّما الذي أخذني هو بالفعل حرصكن على الامانة في النقل
وعلى الدعاء لي وعلى كل هذا الكلام العزيز على قلبي
أول ما أدخلت الانترنت في بيتي كنت متحفظة على ان اشترك في منتدى مشترك
يعني ليس للنساء فقط

واول ماوجدت منتدى عربي
سجلت به وبقيت فيه ولم احاول الاطلاع ولا الانتساب لاي منتدى آخر
كان نوعا من التحفظ والوفاء والتخوف من مفاسد الانترنت
كانت به اخوات جزائريات يدعونني للانتساب الى منتديات جزائرية
وللاسباب التي ذكرتها لم آخذ الموضوع بجدية
الى يوم ان كنت اتصفح في القوقل ووجدت بالصدفة وصفتين لي على موقعكم الطيب
وصفة بكييييييييييت لما شفتها وهي وصفة أظرفة الدجاج
بكيت يا ام راضية لكلامك الرقيق والطيب عني
لمست ان بعضا من اهدافي من وراء عمل مواضيعي تحققت
وبكيت لما شفت تطبيقات البنات
واحسست بعظمة وامانة الموقع والروح الابية الجزائرية
"اللي تحب غير الصح"
لمّا شفت موضوع لحلويات كنت قدمتها وقدمتها اخت ربي يسامحها على انها لها
وشفت الأنفة والأمانة لكنّ يا بنات في الرد وفي الغيرة على امانة النقل

قررت بعدها ان انتسب رغم ان المنتدى مختلط

لكن لا بأس أن أبقى معكن في منتدى الطبخ

وحااااااااااولت مرارا وتكرارا وبااااااااائت محاولاتي بالفشل
لم اعرف اين المشكلة
حتى دخلت بايميل صديقتي
والحمد لله سجلت
وحبيت نشكركم يا مشرفات ونهنيكم على روح الامانة اللي زينتوا بيها المنتدى واللي آثرتموها
حبيت نشكرك يا ام راضية على الاحساس الجمييييييييل اللي حسيت بيه لما شفت مواضيعي بهاذ الامانة
ربي يبارك فيك يارب ويفرحك ويرضيك
حبيت نشكركم يا بنات على تطبيقاتكم وكلامكم الجميل

أطلت الكلام ...ولكن
حبيت نقولكم في الفترة القصيرة هاذي اللي كنت نحاول نسجل فيها تعرفت على اغلبكم وشفت حتى مواضيع عجبتني وطبقتها حتى انا
ماحبيتش ندخل بيدي فاضية لكن والله والله حاولت نحطلكم موضوع حصري ورفع الصور ما أسعفنيش
نوعدكم ان شاء الرحمن نحطه لما نقدر ونوعدكم نرد على كل الأسئلة المطروحة في موضوعاتي
وان كان في العمر بقية بالجديد ان شاء الله

والله يا بنات حسيت روحي معاكم من مدة ..حسيت روحي نعرفكم من زمان
وتعرفت على ام رامي وام كوثر و انا امهم والعواصمية وفلة وكثير بنات فقط ناسية الاسماء
كما عرفتوني من غير مانعرف
رديتهالكم وعرفتكم من غير ماتعرفوا

وبلا مانخرج بيدي فارغة
موضوعي القادم ان شاء الله لحين رفع كل الصور
لمّا تفسد الكيكة..وش ممكن نعملوا بيها؟

واخيرا
ربي يبارك فيكم يا بنات
ويهدينا للخير ويقدرنا نقدموا الافضل
نتمنى تكون هاذي بداية لجمع طيب ان شاء الله
تقبلوا مني أسمى عبارات التحية والاحترام

ام انيس..الجزائر

في امان الله

شلال فرح · 2013-01-31, 00:10

مرحبااااااااااااااااااااااااااااااااااااا لعزيزة بيناتنا

مرحبا بيك اختي ام انيس

من كثرت اعجابي بيك حوست عليك في منتدى فتكات و كل مرة نشوف مواضيعك و مشاركاتك

و كنت نظن انك معانا بالمنتدى بما انك باتنية ههههههههههههههههههههههه راني شفت صور الثلج من دارك

المهم مرحبا بيك بيناتنا

ان شاء الله نستفادو منك اكثر مادامك بيناتنا

بيني و بينك

احسن ما يروح علمك للغريب ههههههههههههه غيرة وطنية

كلمات مبعثرة · 2013-01-31, 00:48

** موحدة 02 ** · 2013-01-31, 01:10

أهلااااااااااااااااااااااااااااااا بيك يا غالية على قلوبنا انت و الحبيبة ام راضية اللي حببتنا فيك
جربت معظم وصفاتك و راني معتامدتها طوووول
كنت دايما نحس بحاجة في نفسي اتجاهك و نقول وعلاه تشارك في منتدى غير جزائري و احنا هنا اسمحيلي نقولك نستهللوك اكثر منهم
مع الغاليات على قلوبنا ام كوثر و ام رامي و ام اماني و فلة و ياسمين و ميميشة و انا امهم و مقدسية و الصوامعية و ووو
و رغم ذلك ارفعتي راسنا و حمرتي وجهنا في منتدى من اكبر المنتديات العربية و كنت دايما متألقة
الحمد لله جيتينا و اهلا و سهلا بيك في كوزينتنا و الى المطبخ ننتظر ابداعاتك

lofi · 2013-01-31, 03:41

أنا أمهم · 2013-01-31, 06:21

و عليكم السلام و رحمة الله و بركاته

يااااااااااااااااااااااااااااااااااااه يا أم أنيس و الله إني أحبك في الله,

بصراحة تعرفت عليك من مواضيع أم راضية , و بقيت نبحث عليك مدة طويلة في منتدى فتكات (لأنه في صور مواضيعك كان اسم المنتدى موجود) المهم إني السنة اللي فاتت لقيت مواضيعك هناك, و بقيت نقرى فيهم و الله دخلتيلي لقلبي ما شاء الله طريقة كتابتك هايلة و وصفاتك رائعة

و الله إني أشعر بفخر لا يوصف لما لقيتك تعرفيني, فرحت بررررررررررررررررررررررررشة

و من آمس و أنا نشوف في ردودك في المواضيع, قلت في نفسي هذه أكيد عضوة جديدة عجبتها التسمية اللي كانت تحطها أم راضية, لكني لم أتوقع أن تكوني أنت بلحمك و شحمك ههههههههه مرحبااااااااااااااااااااا بيك, تعرفي و كإنك فرد من العائلة و كان مقيم في بلاد بعيدة و كلنا نحبوه برررررررررررررررشة من غير ما نشوفوه و عمرنا ما تلاقينا بيه...... و سبحان الله في يوم يرجع و يكون في وسطنا و نتعرفو عليه في المباشر و الله فرحة لا توصف!!!!!!!!!

سبحان الله اليوم الصباح شفت موضوعك قلت خليني نرحب بالعضوة الجديدة (و عنوان الموضوع كان ملفت بصراحة) و لقيت مفاجأة هااااااااااااااااااااااايلة , ربي يفرحك دنيا و آخرة.

سامحني طولت عليك, الله غالب كيما تقولو في الجزاير : عندي الهدرة بالزاف هههههههه

نخليلك المجال للتعرف على بقية العضوات ....و ..... للإبداع!!!!! في انتظار مشاركاتك القادمة كما عودتينا!!!!

*ام رامي* · 2013-01-31, 06:33

اهلا اهلا اختي يسعدنا كثير تكوني معانا
والله تمنيت في قرارة نفسي تكوني مشاركة معانا في هذا المنتدى بعد ما شفت روووعة مواضيعك اللي كانت تنقلها اختنا ام راضية الله يذكرها بالخير
والليوم نورتينا بانضمامك لينا والله فرحتينا
وننتظر ابداعاتك يا ابداع جزاااائرية
تحية عطرة

شرايط عاشور · 2013-01-31, 07:09

مرحبااا بك بين اسرتك

feuilleblanche17 · 2013-01-31, 08:24

ااهلا و سهلا بك اختي الكريمة
ان شاء الله يعجبك منتدانا لاننا اسرة واحدة
في انتظار جديدك
انا ثاني جربت اظرفة الدجاج و جاتني هايلة يعطيك الصحة

kakinova · 2013-01-31, 08:59

مرحبا بيك اختي لعزيزة بيناتنا بين خواتاتك و حباباتك

نورتي بطلتك و اسعدتي بانضمامك

بمزيد من العطاء و التالق و التفنن

سرقة المواضيع و حتى سرقة الاسم ذاتو مع المواضيع اصبح موضة حاولي تكتبي اسمك هكذا تقطعي الطريق على لصات الوصفات لي بدل ما يعملوها بيديهم ينسبو تعب الناس ليهم

و صح شفت موضوعك نتاع العيد لوحدة بن غيدة و بالزيادة تقولهم ادعيولي راني تعبت بزاف فالموضوع قتلتني بالضحك

الكروان الجريح · 2013-01-31, 09:25

مرحبا بيك معنا والله الدار دارك و حنا ضياف عندك انا كنت تبعتك من مدة طويلة على منتدى فتكات قبل ما تكتشفك الاخت ام راضية

و جربت لك عدة وصفات وكلها كانت جدو رائعة و لما شفت موضوع ام راضية قلت بلي مش غير انا لنعشق ام انس ولكن في غيري كتير تعجبني طريقتك في الشرح و تمنيت نعرفك في يوم من الايام ا كثر نتمنى لك اقامة طيبة في احضان منتدانا الغالي و الله يجعلها معرفة خير جعل الله كل عمل في ميزان حسانتك و اثبك الله خير الثواب

zineb hanifa · 2013-01-31, 09:35

مرحبا بك في منتداك الذي يعج بالمعجبين بوصفاتك المتميزة .

natacabell · 2013-01-31, 09:38

llah ybarek alik marhba bik binatna nawarti el mountada bi woujoudek anti lasti jadida fel mountada bel kadima bi houkm anou na3arfouk men hada chhaal min taraf oum radia rabi yahfadha walah rani farhana li raki maana ya fanana barak lahou fik
fel wasfat taawaak rabi yahafdak nchalah

بيلسان11 · 2013-01-31, 09:57

شهـرزآد · 2013-01-31, 10:23

اهلا بك ..