اختيارالزوج.......

[حفيظ حيدر]

السلام عليكم ورحمة الله وبركاته
اخواني اخواتي حبيت نحكيلكم هذه الحادثة واتمنى تعطيوني تحليل تاعكم
عندي اخي وكلنا باش نشوفو له بنت الحلال و نخطبوها المهم تعرفنا على وحدة صديقة اختي في الجامعة انسانة متدينة و عجبتنا وابدت موافقتها المبدئية وانو ماماها عاجبها الحال واعطتنا موعد في دارهم يوم الجمعة بعد العصر المهم اخي فرح المسكين انو وجد وحدة بعد عناء طويل لما وصلت امي واختي لدار الطفلة فتحت ماماها الباب وسلمت عليهم وقالت لهم عندنا ضياف جاو يخطبو في بنتي ادخلو و ما تحكيو والو دخلت امي واختي وجلسو مع النساء الاخريات اللي جاو يخطبو هم اايضا سبحان الله نفس الموعد كان حديثم علي المال والخياطات وقاعات الحفلات والفوخ والزوخ المهم لما خرجو الساء بقات امي واختي بدات ام الطفلة غير تسقسي و انتم واش عندكم واش نوع السيارة تاع خوكم تحسب فيها غير دراهم ما سقسات لا على صلاتو لا اخلاقو لا....... في اليوم الموالي كلمت الطفلة اختي وقالت لها صح انتم ناس ملاح واخوك متدين بصح ماما راها هبلت في لوخرين وقاتلي صراحة الوقت تاع مادة ولوخرين عندهم فيلا واملاك مع انو اخي لاباس عليه ماديا وملتزم الشى اللي حيرنا مازال حتي ما سقساو على العريس ما والو . اخواني نتمنى تفاعلكم وتدعيو لاخي بزوجة صالحة