لي بغا يدير الخير يدخل

halotfi · 2013-05-18, 15:11

السلام عليكم راني ندير في قاو تاع وحدة يتيمة تاع عرسها ه>ي السمانة وماعرفتش واش نديرلها
درت بقلاوة وقلوب مطلية والنوع الثالث ماعرفتش واش نديرلها مدولي كيفيات سهلةواقتصادية
وتاع لتاي راني حايرة عاونوني

randy fatima · 2013-05-18, 15:16

اولا الله يجازيك خير و يزيده في ميزان حسناتك
ممكن اديري صابلي عادي عرايش
قريوش
مقروط
حلويات بدون طهي
مخبز
مشوك

اتمنى اني افيدك المهم ادعيلي ربي احققلي واش راه في قلبي

halotfi · 2013-05-18, 15:19

شكرا جزاك الله خيرا الله يعطيك واش تتمناي

zineb_saib · 2013-05-18, 15:21

زيدي نوع بالشوكولاطة اختي ومقروظ اذا قدرتي فيها بركة
وربي يجازيك على نيتك ويهني العروسة

randy fatima · 2013-05-18, 15:22

اللهم امين و انت تاني

أم محمد تاج · 2013-05-18, 15:30

ربي يقبل عليك ويجازيك نشالله وهاهو نوع تاعي بالشيكولا اقتصادي جدا هاو ليك الرابط https://www.djelfa.info/vb/showthread.php?t=1196460

اميرة في دنيا حقيرة · 2013-05-18, 15:35

حنونتي ربي يجازيك على اعمالك وديري حنونتي قاطوا بالشوكولاطة تحبي دريه يطيب ولا ما يطيبش وكيما قاتلك ام محمد تاج قاطوها بنين واقتصادي و ربي يهنيها يا رب

halotfi · 2013-05-18, 15:35

ربي يحفظكم ان شاء الله مشكورين

sandibal · 2013-05-18, 16:26

ربي يجازيك ويقدرك على فعل الخير اكثر واكثر ويعطيك ماتتمناى
النوع التالث ديري مشوك اقتصادي ويسهل ويثطعلك بزاف زمعا التاي ديري قريوش والا المقروط

خولة 96 · 2013-05-18, 16:26

واش ماديك للبقلاوة الصعيبة ؟؟؟ المهم ديري المخبز نتاع الشيكولا و الا ما تعلرفيش المقادير قوليلي

خولة 96 · 2013-05-18, 16:27

و لا تحبي ديري مشوك و لا شليفيات ساهل و ما يديولكش الوقت و لا الصوالح

خولة 96 · 2013-05-18, 16:28

و لا تاني كاين الصابلي باشكالو هبطي ليفوطو من النت و تشوفي العجب

algeriana-31 · 2013-05-18, 16:42

شوفي هاذا راني ذقته بنين واقتصادي
https://www.djelfa.info/vb/showthread.php?t=1297255

haytoo82 · 2013-05-18, 17:35

حنونة ديري قاطوقلوب البيمو هذاhttps://www.djelfa.info/vb/showthread...59499والمقادير هذهإضغط هنا لرؤية الصورة بحجمها الطبيعي.
المقادير2علب بيمو-3بيضات-1خمارة اوملعقة صغيرة بكربونات-3ملاعق ك عسل-2 ملاعق ك كاكاو-250غ مرغرين -الفرينة حسب الحاجة
الكريمة
كاس حليب+2مك ونصف مايزينة-قرصة ملح فوق النار حتى تخثار
بعد ماتبرد نضيفولها 125غ مرغرين+كاس سكر رطب+فاني او عصير ليمون او عطر الفراولة نضربهم مليح بالباتور
الطريقة
نرحي البيمو رقيق جدا نضيف له المرغرين الطرية (ليست ذائبة)ثم البيض - العسل+الكاكاو+الخمارة او البكربونات ونبداو نلمو لعجينة وبعدها نضيف الفرينة بالشوية حتى
نتحصل على عجينة طرية نحلها بالرولو ونقطع شكل قلوب ونديرها في الفرن بعد ماطيب وتبرد نلصق كل قلبين مع بعض ونغطسهم فالشوكولا الذائبة ونزينها بالطلية البيضاء
ملاحظة هذي الكمية تقطع حوالي 80حبة على حساب القلب اللي تقطعو يه
والشكل كيما تحبيراه يقطع ياسر اما الشاي ننصحك بمقروط ام رامي او ام اماني راهم روعة او قريوش بشكل جديد للاخت ا م امانيhttps://www.djelfa.info/vb/showthread.php?t=1210378