مرق نتاعي مايجيش بنين ارجوكم كيف

[louay12]

انا المرق نتناعي يجي ماشي بنين ارجوكم هلب من التوابل ام ماذا وكيف يجي بنين

[مريومة21]

ان شاء الله يفيدوك الخبيرات

[أم ماجد]

ممكن ماخليهش يعقد
ممكن من نوعية التوابل
وديما قولي بسم الله ودوزني
فهميني حابة نعاونك

[ladymillion]

واش من مرق الاحمر او الابيض قوليلي حابة نعواونك ونفيدك شوي بالخبرة لي عندي

[ام امجد14]

اختى بالنسبة للمرق الابيض انا نستعمل سكنجبير و قرفة تاع العود و الحبة الكحلة يجييييك رووووووعة و الرند
والمرق الاحمر حبة كحلة كمون و راس الحانوت

[lamiak1]

شوفي الوصفات في المنتدي في قسم الشوربه و الاطباق التي طريقة الهام و ام رامي لازم تعرفي الان الطباب وهكذا تقدير الدوري اي حاجحاجة و اي مرق

[ام شرفو]

بعد النصائح الي نقراها و مع التجربة هاهو رأْيي
حطي في الاول كاسرونة ماء باه تسخن حتى تغلي
في برمة يجب أن تقلي البصل او الثوم في ليدام تاعك على نار قليلة ثم اتزيدي اللحم والخضر مع الملح والتوابل تاعك وزيدي حوالي نصف كاس ماء سخون وحركي باه يتقلى مليح ولما تضيفي الماء السخون ما تصبيش على اللحم قيس مايتغطى اللحم أو الخضر ولما يغلي نقصي النار وحركي ساعة ساعة وردي بالك تزيدي الماء بكمية كبيرة في نص الطياب تقدري اتزيدي الملح بعد الطياب
لازم تتدربي على المقادير اللي لازمة لعدد أفراد العائلة تاعك

[ام عبودة]

اختي الكريمة لو تتحددين المرق اللى ماجاكش بنين هل هو احمر او ابيض او اذكري بعض الوصفات اللى جربتيها وما جاتكش بنينة هكذا نقدرو نعاونوك ومن جهة التوابل تختلف حسب نوع الطبخة
وايضا من منطقة الى اخرى

[kika85]

اختي قوليلنا واش من مرق تحتاجي على خاطر كل اكلة والتوابل ديالها وزيد ما تمرقيش بزاف بزاف باش ما جيكش مايهة وسامطة

[kika85]

اختي قوليلنا واش من مرق تقصدي باش نقدرو نقولولك على خاطر كل اكلة والتوابل ديالها وزيد تاني ما تكتريش من التمراق على خاطر يخلي الاكلة ديالك سامطة ومايهة في البداية مرقي شوي زيادة وبعدما يطيب يبقى فيه شوي برك باش ما تمرقيش وتعاودي

[oum imane]

كما قالولك الأخوات،سم الله، لازم تقلي البصل و الملح (الملح اخلي البصل يطلق المية و ميتحرقش البصل) قلي على نار هادية زيدي اللحم نتاعك و قلي أومبعد الخضر التوابل (البصل لازم اذوب)مرقي حتى يتغطى اللحم متكثرش الما إلى مطبوش تقدري تسخني الما أتزيد أما إذا كان مازال فيها الما نقسيلها أخليها تتجمر. المرق كي اكون خاثر اجي بنين.

الخضر تحطي لي عاصين كما الجزر في الاول أولي اطيبو ليه ليه apres
تقدري تستعملي jombo دجاج ازيد البنة لكن مديريش الملح رهو فيه الملح

[اميرة البيضاء]

السر في الطياب البنين هو الماء يا ختي ما تكثريش و الطياب على نار هادئة و التوابل انا استعمل فقط الفلفل الاسود و سكنجبير
و المرق يجي بنين

[*أم كوثر*]

السلام عليكم
عموما اي مرق تحبيه بنين هدي طريقتي
سواء لحم او دجاج
نحط زيت وقليييل من الزبدة في البرمة وولما يسخن نحمر اطراف اللحم او الدجاج مليح حتى يطلقوا البنة في هداك الزيت
نضيف البصل والتوم والتوابل الاساسيةاللي هي
ملح وفلفل اسود واحمر حار ونقلي ملييييح
وتبقى التوابل الاخرى حسب نوع المرق
الماء لي تضيفيه دايما لازم يكون سخون
انا كي نقلي البرمة دايما نحط صحن حديدي فوقها وفيه الماء
هكا يسخن ونقلي بيه
كي تضيفي الطماطم خليها تتقلى مليح باه تروح الحموضة منها
الماء ماتضيفيش بكميات كبيرة يروحلك البنة كل
حاولي تستعملي الكوكوت والاهم لازم توطي النار باه الاكل يتجمر ويطيب في كارو
نتمنى نكون افدتك

[بشرى2008]

كيما قالتلك الاخت الماء مالازمش يكون بزااااااااااااف ثاني شئ البصل لازم يتكتك ( يتقلى ) مليح أنا منستعملش التوابل بزاف نستعمل زوج فقط وتجي ماكلتي بنينة والكل يشهد نستعمل شوية راس الحانوت وشوية كسبر

[sidali 2007]

شوفي اختي طريقتي في تحضير المرق
ندير شوية زيت نقطع بصل رقيق نزيد معه ورقة رند اختياري انا نحبو وملح برك واطراف دجاج نغطيه ونخليه يتقلي مليح حتي يبدا يذبل بصل ودجاج يطلق لصوص10 د علي نارقليلة نرابي نصف حبة طماطم و نزيدها و من جهة نسخن لماء كنشوف لصوص نقصت ندوزن فلفل كحل واحمرحلو شوية زعفران ونفرغ ماء سخون غير شوية قيس ما يتغطي دجاج ونخليه .هذي قاعدة المرقة
الا حبيتي مرقة طعام زيدي راس لحانوت وخضر ابداي بجزروحمص كيغلو مليح زيدي لفت وكورجات ومرقي بلماء سخون علي خطرة خليه يطيب حتي تخثارالمرقة. انا طماطم علبة نديرها في ربع ساعة اخيرة.
انشاء الله نكون افدتك سر هو تخلي بصل مع دجاج وملح يتقلى مليح وبعد دوزني ومرقي دائما بماء سخون وعلاه نديرو ملح وحدو علي خاطر يساعد بصل ودجاج يطلق ماء ويتقلو فيه