اجرة المراة العاملة

[TINHINAN2]

السلام عليكم جميعا من فضلكم اجيبوني بكل موضوعية وسراحة اخي يعمل مراقب في الثانوي تعرف على مخبرية تعمل معه وقصدها للزواج وبعد ان قبلت شرطت على خويا الدار و حرية التصرف في اجرتها فما رايكم في هده الشروط وهل هي معقولة لان اخي الان في حيرة ايكمل معها ام يتوقف

[madoucha]

اختي عندها الحق تشرط واش بغات وشهريتها يحق لها تتصرف فيها كيما تحب وهو ايضا من حقو يقبل ام يرفض
لكن يجب ان يتصارح الخطيبان في الامور المادية من الاول لكي لا تقع المشاكل
كما ان المراة العاملة لازم تعاون راجلها وهذي المرا فيها شيء من الانانية

[SKYALGERIA]

السلام عليكم أولا نهنأ أخوك على المبادرة و ندعو له بالتيسير ان شاء الله و الأجرة من حق الزوجة لأنها من تعبها و عرق جبينها فلا يجوز للزوج أن يتصرف فيه الا باذنها و لكن أيضا لا يمكن لها أن تصرفه في أشياء تغضب زوجها كالتبذير مثلا و لك أن تسأل أكثر أنا فقط أعطيت رأيي البسيط . بالتوفيق للجميع .

[wiza19]

يا اختي هاد الطفلة اي واظحة و ماهيش حابه تخدع خوك,,,,,هي تبان مادية مي والله من حقها رانا كامل نشوفو و نسمعو واش راه صاري بين الازواج في جال الدراهم و هو ثاني من حقه يقرر باه ماش مبعد يقلها هاتي دراهمك

[concer]

في الدين استقلالية الدمة المالية للزوجة

[منال 22]

يا اختي هذي عندها الحق تتصرف كيما بغات في الاجرة تاعها وراهي صارحاتو من الان واش بغات وهو اذا عاد قابل بشروطها يتزوج بيها

[ملاك1988]

عندها كامل الحق ماشفتش حاجة تستدعي الحيرة هي على الاقل قالتها من النهار الاول واوله شرط اخره نور

[سميحة.لد]

طلبها معقول ...وزيد من الاحسن يكون استقلاليه في المنزل منذ البدايه ...حتى نتوما تتفاداو المشاكل وصداع الراس ...اطلبولهم لهنا برك...

[عروس البحر 2]

نعم عندها الحق دراهمها تحب تمدهم تحب تعاون بيهم راجلها تحب تخليهم ليها هي حرة كل الحرية لاخاطر تعبت وشقات عليهم
نقولك المراة كي تصرف على روحها بدراهمها راهي عاونت راجلها ببزااااف

[sarl02]

والله ليس برجل لو تزوجها بهاته الشروط المفروضة عليه ولو كانت هي اخر نساء هاته المعمورة.

[catia]

هي لها الحق ان تتشرط وهو له الحق ان يقبل او يرفض

[محمد...عبد النور]

السلام عليكم و رحمة الله و بركاته اختي الكريمة
اولا اسأل الله ان ييسر امر الزواج لاخيك و لجميع الاخوة و الاخوات و بعد
اولا فأخوك هو من ارادها عاملة و المسلمون على شروطهم و حسب ما يتفقون عليه
هي اشترطت السكن المنفصل و ايضا حرية ذمتها المالية ....فان وافق اخوك فبها و النعم و الا ربي يسهل
فقط راتب الزوجة ملك لها و لا يحق للزوج المساس به الا اذا رضيت و اعطته منه عن طيب نفس و لكن لا يجب ان تصرفه في امور تفسد العشرة و تشعر نار الحقد.فمثلا مرات تنفق بعض الفتيات اموالها على امور تافهة او تبذره و الزوج يعاني في تكاليف الاسرة فبالرغم انه هو المسؤول عن النفقة لكن من باب اولى ان الزوجة تحسن التصرف و تعينه لا ان تخلق مشاكل قد تعصف بعش الزوجية.................لا احد يزايد على استقلالية ذمة الزوجة لكننا في وقت يجب ان يكون كلا الزوجين ذكي ليحفظ العشرة و تماسك الاسرة و الا فتحوا على انفسهم نارا تلظى تلقي بشررها على عش الزوجية فتحرقه
و في مجتمعنا لا احد قد يصلح و لكن بالعكس الكل يلقي بالبنزين ليحرق او يخرج بعض ما في صدره ليشفي غليله
لذا فالامور من اليوم الاول لابد ان تكون مدروسة لكي لا يظلم اي احد احدا الطرف الاخر
البيت المستقل ان كان يقدر لا مشكل فالبعد يجيب لسلامة و الا يخمم مليح و يدير اللي يخرجه
اسأل الله ان ييسر امر اخيك و يرزقه الحياة الطيبة الهنيئة
ســـــــــــــــــــــــــــــــــــــــلام

[محمد جديدي التبسي]

الشروط معقولة جدا وهو يتحمل عواقب الزواج من عاملة ..الرجل يريد أنثى تشعره بحاجتها إليه لا شريك برأس مال..



لا أرى تجريحا في كلامي أخي فارس فالرجاء احترام ردي

[SKYALGERIA]

المشاركة الأصلية كتبت بواسطة محمد جديدي التبسي

الشروط معقولة جدا وهو يتحمل عواقب الزواج ..................

صدقت أخي و الله كلامك منطقي جدا للأسف طغت المادة على كل شيء .

[assia81]

ان الزواج مبني على المودة والرحمة يا اخي وليس المال مال روح ويجي واصلا كان على اخيك ان يقول هو من الاول انه لا يتدخل في مال زوجته فهو من حقها ماشي حتى تتشرط عليه فهو من يصرف على البيت وعليها وان ارادت المساعدة فلا ضير في ذلك فان بداتم تجعلوا من المال سببا للمشاكل فالافضل ان تتقدموا بخطوة ااخرى