سؤال في الكيمياء

اسعى لرضى الله · 2013-05-10, 01:01

كي يقولنا احسبو تركيز مادة في اللحظة t

علاه نديرو كمية المادة على vt علاش منديروش غير v تاع هديك المادة فقط؟ علاش الحجم الاجمالي ؟؟

نتمنى تكونو فهمتوني

adel2.tk · 2013-05-10, 01:17

خطر لوكان ماديرش هاكاك ماتدي حتا نقطة

isma3ilmoh · 2013-05-10, 01:21

لان المزيج يكون اتخلط بعد اللحظة t = 0

اسعى لرضى الله · 2013-05-10, 01:57

اقتباس:

المشاركة الأصلية كتبت بواسطة isma3ilmoh

لان المزيج يكون اتخلط بعد اللحظة t = 0

انا علابالي يكون تخلط بصح مقتنعتش
ياخي كمية مادةمعينة مثلا تساوي التركيز تاعها في الحجم تاعها ؟؟؟

mohamedph32 · 2013-05-10, 02:59

أخي أنا نفهمك بإذن الله تركيز مادة ما يساوي كمية هذه المادة على حجم الوسط الذي توجد فيه و لتفهم اكثر اليك هذا المثال تذيب كيلو من السكر في لتر من الماء هنا تركيز السكر طبعا 1 كيلو في اللتر و لكن اذا أضفنا لتر من الماء يصبح التركيز 1 كيلو في 2 لتر و ليس كما بالسابق
و لتقريب المعنى اكثر نذيب 1 مول من الصوديوم في 40 مل من الماء فما هو تركيز الصوديوم و لاحظ انه يقول لك في المحلول طبعا ستضع كمية الصوديوم على حجم المحلول الذي هو 40 مل و ليس حجم الصوديوم الذي لا تعرفه بالأساس أتمنى أن أكون قد أفدتك بالتوفيق

salimabdi · 2013-05-10, 10:27

اوكي اخي نعطيك مثال يكون قريب للواقع
كما نعلم التركيز يساوي كمية المادة في لتر واحد
مثلا حنا عندنا 5 سمكات برتقالية في اكواريوم فيه 3 لتر (نعتبرها المتفاعل الاول ) و نضيفوا 5 لتر من الماء (يحتوي على متفاعل اخر مثلا )
لو طلب منا حساب التركيز قبل الاضافة نجد c=5 fish / 3 litres
و لكن بعد الاضافة اي بعد اضافة المتقاعل الثاني يزداد بالطبع حجم الاكواريوم و بالتالي ينقص التركيز اي السمكات تتهنى من الضيق تع الاكواريوم ههه و يكون التركيز c= 5fish / 8 litre
اتمنى تكون فهمتني انا نحب نتمهبل ههه

ملكة الامتياز · 2013-05-10, 10:37

اقتباس:

المشاركة الأصلية كتبت بواسطة اسعى لرضى الله

كي يقولنا احسبو تركيز مادة في اللحظة t

علاه نديرو كمية المادة على vt علاش منديروش غير v تاع هديك المادة فقط؟ علاش الحجم الاجمالي ؟؟

نتمنى تكونو فهمتوني

في تفاعلات المعايرة ديما نديرو هك
خذيها كقاعدة فقط
بالتوفيق

amel alg · 2013-05-10, 19:13

لان تركيز هذه المادة يقاس حسب كل الوسط التفاعلي و ليس جزء فقط