الحياة الجامعية

[مشكلتي]

2 كلمات عادو مايفارقونيش ....كرهت و ديقوتيت
ماكنتش هكا خلاص
الناس كانو يحيرو فيا دائما نصحك جامي واحد شافني زعفانة
كانت عندي احلام كبيرة بزااااف
مي من نهار رحت للجامعة و السكن الجامعي ولا كلش بدون طعم
كرهت
قتلني lvide
و زيد بعيدة على دار ب 400 كلم
كنت عايشة في شلة من 10 بنات كنا ديما مع بعص غير في الليل نتفارقو
كنت و كنت وكنت
و ضرك في لا سيتي وليت عايشة مع وحدة الوقت كامل و هي تتقابض و مع المشاكل
و مبعدا رجعت نورمال مي انا مازلت حاكمة في قلبي
و مانيش حابة نسكن معها العام الجاي
مي غايضتني psq هي ماش حاطة هاد الفكرة في بالها
و وحدة خرا تفاهمت معها با نسكنو كيف كيف مي ضرك كون نقولها مانحكمش معاك ديرلي حكاية و مشاكل
و انا والله ما حابة المشاكل
حابة نكون
alaize
حابة نعيش مع وحدة calm تضحك في وقت الضحك و تسكت وقت سكات
حابة وحدة ناضجة
ماش وحدة تحاسبني كي نهدر مع طفلة خرا ...كيما هادي لي راني عايشة معها تحاسبني
و راني نخمم نحكم الشومبرا وحدي العام الجاي
ولا نحكم مع اي وحدة ما نعرفهاش
راني حايرة
و مقلقني هاد الموضوع
من اول عام كرهت الجامعة و لا سيتي
واش تنصحوني

[nouna l maghbouna]

ما تقلقي ما والوا
اختي راكي تهدري على العام الجاي يعني منعرف تكوني حية او ميتة
يزيد و نسميوه بوزيد

المهم انتي الان ماتقيمي حتى وحدة اشغلي روحك باي حاجة العام راه خلاص و انساي ماتحكميش في قلبك pcq تجيبيها غير في صحتك
وفقك الله

[هبة الله 26]

والله يا اخت كلنا مرينا بهذهالمرحلة
بالنسبة الي كنت شخصية هادئة ومسؤولة وجاءتني صعوبة كبيرة في التاقلم لكن في السنة الثانية الحمد لله تجاوزتها وبسهولة والسبب الصحبة الصالحة وتقبل وضعي مهما كان فهذه الجامعة مهما كانت مساوئها فهناك ايجابياتها
لدرجة انني في السنة4 ابكييييييييييي من الفراح ولحد الساعة اشتاق لتلك الاجواء وخاصة غرفتي وزميلاتي

[نسمة تفاؤل]

اختي قلت قتلني الفراغ وعلاه هذاك الفراغ ماتستغليهش في قراءة القرءان وعلااااااااه اما بالنسبة للفتاة اللي راهي ماشي عاجباتك اسكني العام الجاي وحدك ولا مع واحدة تعرفيها مليح ربي يوفقك

[الدكتور شهاب الدين]

سلام
إن كنت حقـــا مشغولــة بدراستكـــ فليس لديك الوقت حتى لكي تنظري من يمكث معكــ في الغرفــة
ركزي في دراستكــ الجـــامعيــــة وكوني طـــموحـــة لأنكــ ترين أحوال الجامعــات وكل عـام يصعبون للصعود إلى الدكتوراه
ركزي في الدراسة الآن والعام المقبل تكلمي مع الإدارة فحتــمــا ستجدين الحل......

بالتوفيــق لكــ
سلام...

[سماح 2]

هادي هي المششااكل تع الجاامعه
افضل شيء انك تصبري هدا العاام والعاام الجاي
ان شااء الله يفمهاا ربي
اناا نقلك اسكني وحدك خيير والله وااحد لا يقلقك ولا يوسوسلك

[اسماء منار]

يا اختي العزيزةركزي على دراستك لانه الدراسة الجامعية وكلمة الفراغ القاتل التي تعنيها لا يلتقيان بتاتا كلنا جربنا الحيات الجامعية وصلنا لوقت ما تلقيش وقت تحكي فيه راسك .....وخلي العم الجي للعام الجي ....وربي وفقك

[sstolga]

اصبري العام راه خلاص راكي تضيع مستقبلك برك ربي يكون معاك

[a_s_m_a]

رانا كامل فتنا بهذا ضرك يجيك وقت تتفكري هاذو الايام وتعودي تضحكي و زيد كبري قلبك شويا عوام و فايتين و مش ضامنة تلقاي خير منهاكيما تبدلي

[doba]

ربي معاك وكوراج يا أختي

[bkay atika]

واش نقلك االحياة الجامعية أجمل فترة مررت بها
نصيحتي لك أختي عيشيها بكل فرحة و متسمحيش لأي شخص و لو كانت معاك في الغرفة
حاولي تشغلي وقتك بالرياضة
قراي إعلام ألي و اللغات
المرحلة الجامعية هي مرحلة صنع الكيان و تعديل الشخصية لإنطلاقة ناجحة نحو المستقبل
نصيحتي من مجربة حاولي أن تعيشيها و كونيها كما تريدين و لاتدعي مشكلة الغرفة تؤثر عليك

[أمة الله 12]

السلام عليكم

يا اختي ننصحك عن تجربة 5 سنين في الاقامة الجامعية, تجاهلي المشاكل هاذي الكل لأنها تاثر على دراستك,

شوفي وحدة تكون ناس ملاح, اللي تقدري تعيشي معاها ف شمبرة وحدة و انتي متهنية على روحك, انو ما يجيكش منها حاجة تضر,
(عندي صاحبتي غارت منها اللي معاها ف الشمبرة, دارت ليها سحور, ولا يكونو عندها صاحباتها مافيا)

و يكون مليح ياسر كي تتفاهمو ما تكتروش الصحبات و الزيارات لشمبرة و كل دقيقة تجي وحدة!!!!!!!!!

و هذا لا يعني انه لن تكون هناك مشاكل, راح تكون باذن الله, لازم تتعلمي انك تتجاهلي و تفوتي زلات اللي معاك, مادام ما تأثرش

كيف كيف ديري في بالك, انسان تعرفيه من بعيد لبعيد زي و انسان تعيشي معاه زي اوخر

و اللي تتلاقيهم غير وقت القراية فالجامعة, طبعا راح تتلاقو بالمليحة و تضحكو, لكن ما هوش اكيد اللي راح تتفاهمو كي تسكنو مع بعضاكم,

أحسن حاجة, كي يكون عندك ساعات فراغ ف الجامعة بين الحصص استغليهم و روحي للمكتبة تاع الجامعة رفيزي

كي تروحي للاقامة, فالشمبرة عير ارتاحي و طيبي حاجة اوكليها, لكن وقت القراية اكيد كاين قاعة مطالعة في الاقامة رفيزي ثمة,

و روحي وحدك. لانو كي توحي و معاك صتحبتك راح تحكو اكثر ما تقرو

فيما يخص انك تسكني وحدك, على حسابك انتي, انا صح ما نحبش الغاشي فشمبرة, و حتى كي نقعد وحدي نقلق

[algeriano9354]

مفس المشكــــــــــــــــــلة ،، كامل رانا نعانو منها ،، شوي صبر برك اختي

[dotnet]

نصيحة لك اختاه

حياؤك وحشمتك مرهونان بمن تصادقينهن

فالصاحب ساحب