|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
2012-01-06, 13:37
|
رقم المشاركة : 1 | ||||
|
يوم في مطبخ ميمي sondse1
السلام عليكم و رحمة الله تبارك و تعالى بسم الله الرحمن الرحيم اليوم حبيت نديرلكم يومياتي في المطبخ اليوم 05/ 01/ 2011 انا اقضي معظم وقتي في المطبخ بحكم اني نحب الطبخ و كل شيء متعلق به اول شي نديرو هو تحضير الفطور و يكون اما خبز و معجون و زبدة و حليب و قهوة او قاطو و حليب و قهوة و من بعد نبدا الشغل اولا ندير القران او الرقية او اناشيد دينية ثم نبدا نهوي في جميع الغرف و نبدا الشغل في الكوزينة و اول حاجة نبدا نغسل الاواني و من بعد نبدا نظف في الكوزينة من مسح الى ترتيب الى غسل و من بعد نسيق الكوزينة و و نشفها و من بعد ندير الغدا و نغسل المواعن و نسيق الكوزينة الا توسخت و بعد العصر نبدا العشا و نغسل المواعن و نسيق الكوزينة و نغلقها و هنا نخلص شغل الكوزينة و رايحة نبدا نسردلكم يومي بسم الله توكلت على الله بعد صلاة الفجر شغلت الرقية الشرعية و من بعد طيبت الفطور و هو عبارة عن : حليب قهوة سفنج خبز الشوكولا و من بعد غسلت الاواني اللي استعملتهم " الطاوة / المقلاة / براس القهوة / الملاعق " و حطيت الفطور فوق المائدة و غطيت السفنج و خبز الشوكولا ببلاستيك حافظ للطعام " فيلم شفاف " و من بعد بدات في الشغل بديت اولا نقعت المواعن تاع الكوزينة اللي نستعملهم ديما " صحون / مغارف / طواوي / كيسان ...الخ " في كروانة ضفتلها لاجافيل " براف " و في كروانة اخرى ننقع المناشف تاع المطبخ كامل و ايضا الطابليات تاع المطبخ و من بعد بديت في ترتيب الثلاجة و كتبت كل ما نفذ منها و بعد ذلك قمت بجلب الخضر اللي عادة ما اقطعها للسلطة " خيار / بسباس / جزر ...الخ " و قطعتها و وضعتها في العلب ثم وضعتها في الثلاجة و قطعت الكزبرة و المعدنوس و حطيتهم في علب و فرغت الهريسة و المايوناز في العلب المخصصة لها و من بعدها ذهبت لاقوم بباقي الاعمال الاخرى خارج المطبخ ثم رجعت غسلت الاواني و المناشف و الطابليات و بديت بتحضير الغداء و كان كما يلي كسرة الشحمة  / سلاطة  / عصير [IMG]https://eagulf.net/wp-*******/uploads/2011/12/m0dy_net-269496_1221443704.jpg[/IMG] عجنت العجين و تركتو يرتاح و دوزنت الحشوة و من بعد فصصت العجين الى كورات و غطيتهم بالغلاف الشفاف ثم غسلت الاواني و سيقت الكوزينة و نشفتها و خرجت منها و رحت نكمل الاعمال خارج الكوزينة و من بعد رجعت و درت الغدا و تغدينا و غسلت المواعن و خرجت منه و رحت نخيط و عدت الى المطبخ بعد صلاة العصر لتحظير العشاء و كان كالتالي خبز الدار  / مرقة زرارع  / بيتزا  / طاجين حلو / سلاطة و فلفل عصير الليمون [IMG]https://www.ezzouhour.com/wp-*******/uploads/2011/05/cuisine-tunisienne-05.jpg[/IMG] و من بعد العشاء طيبت القاطو و هو عبارة عن حلوى القطيفة  ثم غسلت الاواني و نشفت الكوزينة و غلقتها الى فجر يوم الغد هكذا كان يومي في مطبخي و اما بالنسبة الى كيف يمكنني ان انظم وقتي بين شغل المطبخ و الاكل و شغل خارج المطبخ فانا مثلا ابدا العمل بعد صلاة الفجر مباشرة احظر كل شيء يمكن تحظيره مسبقا مثل القهوة و الحليب و السلطة و الفلفل و الحلويات و كل شيء يمكن تحضيره مسبقا و بهذا اوفر الوقت لاعمال اخرى مثلا في وقت العشاء او الغداء اذا كنت رايحة ندير بيتزا نعجنها و من بعد نخليها ترتاح و في هاذا الوقت ندير حاجة اخرى سواء في المطبخ او في البيت الصور ماخوذة من النات
|
||||
|
|
2012-01-06, 15:35
|
رقم المشاركة : 5 | ||||
|
اقتباس:
انا راني نحاول نخدم كلشي و نتعود عليه باه كي نتزوج تجيني ساهلة علابالك بلي رايحة نسكن وحدي يعني الشغل اكل عليا |
||||
|
|
|
2012-01-06, 15:43
|
رقم المشاركة : 6 | |||
|
ماشاء الله سندس راكي نحلة ربي يحفظك |
|||
|
|
|
2012-01-07, 13:05
|
رقم المشاركة : 9 | ||||
|
اقتباس:
مرقة الزرارع كاين اللي يقولولها مرقة التليتلي و ناس العاصمة يقولولها مرقة لسان العصفور ان شاء الله تكوني عرفتيها شرفتيني بمرورك |
||||
|
|
|
2012-01-07, 20:02
|
رقم المشاركة : 11 | ||||
|
اقتباس:
انا نحب الطبخ و الخياطة بزاف و نحب نجرب بزاف يعني كي تعجبني روسات نروح نديرها " راني متركة بابا ههههههههه " و ماما هي اللي علمتني ربي يحفضهالي كنت نطيب و انا عمري 15 سنة مي ماكنتش نطيب كلشي و من حوالي عام شديت انا كلشي في الدار على خاطر اختي تزوجت و بقيت وحدي و بما اني جايبة روحي شوي ما جاتنيش صعيبة باه نتقن فنون الطبخ مازالي حاجة برك مانيش متقنتها و هي المطلوع مايجينيش خفيف كيما ماما سارة الا كنتي تحبي الطبخ تقدري تتعلميه بكل بساطة و تجيك ساهلة ربي يوفقك حنونة |
||||
|
|
|
2012-01-07, 20:49
|
رقم المشاركة : 12 | |||
|
ايييييييه خمسة و خموس عليك مريومة الله يبارك و يعطيك صحتك انشاء الله. |
|||
|
|
|
2012-01-08, 15:20
|
رقم المشاركة : 14 | ||||
|
اقتباس:
hhhh oui bayna chahria kamla yhotha f la cuisine hhhh
ouii ana nhab net3alem w na3raf ndir les tartes patissiere mais pask nakra ma3andich lwakt kifek inchlh f lsif ndir stage ta3 tyab hhh merciiiiiiii |
||||
|
|
|
2012-01-08, 16:34
|
رقم المشاركة : 15 | ||||
|
اقتباس:
|
||||
|
|
|
| الكلمات الدلالية (Tags) |
| أحمد, مطبخ, sondse1 |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
