الغسل الصحيح

[امونة الشاوية]

الغسل الصحيح
بسم الله و الصلاة و السلام علي رسول الله



كتير مننا بتسأل ديما يا تري انا اتطهرت صح ؟ سواء حيض - نفاس - جنابه او غيره

طيب تعالي الاول نشوف ترتيب الغسل الصحيح

1. النيه و محلها القلب و تقولي نويت رفع الحدث الاكبر و طبعا مش تقوليها بلسانك
2. غسل اليدين بالصابون
3. غسل الفرج بالصابون
4. الوضوء : و لازم نذكر اسم الله قبل الوضوء و طبعا في الحمام بتقوليها في سرك

5. غسل الرأس ازاي ؟
تغسلي النص اليمين الاول و بعدين الشمال

6. غسل الشق الايمن من الجسم بالكامل ثم الايسر 3 مرات لكل شق ... ازاي ؟

باديكي الشمال هتبدأي تدلكي دراعك اليمين كله و تحت الابط و باقي جسمك الايمن كله امام و خلف وصولا لرجلك من تحت ... و تبدأي تاني تكرري باديكي الشمال من اول دراعك الايمن و تحت ابطك و باقي جسمك وصولا لرجلك و كمان مره تالته و كده خلصتي الشق الايمن .... و تكرري العمليه علي الشق الايسر 3 مرات كذلك

--------------------------------------------------------------------

طيب امتي اساسا نغتسل ؟
يجب الغسل في حالات : المني - الحيض - النفاس

ايه هو المني ؟

المني : سائل (( لونه : ابيض )) يخرج من فرج المرأه او الرجل
بيخرج امتي ؟ بعد 1. الجماع 2. الاحتلام 3. ممارسة العادة السرية

ايه هو النفاس ؟

النفاس هو دم الولاده و بعدها و بيكون مدته 40 يوم تقريبا
حكمه ؟ لا تصلي و لا تصوم لكن اذا كانت الولاده في رمضان فعليها انها تقضي الصوم لكن لا تقضي الصلاة

---------------------------------------------------------------------

متي لا يجب الاغتسال و نكتفي بالوضوء فقط ؟

تغيير الملابس الداخليه و غسل الفرج و الوضوء فقط في حالات : المذي - الودي - الاستحاضة - الافرازات عند المرأه

ما هو المذي ؟
سائل لزج (( لونه : شفاف )) يخرج من الفرج
بيخرج امتي ؟ عندما تتحرك الشهوة من منظر مثلا

ما هو الودي ؟
سائل (( لونه ابيض ))
بيخرج امتي ؟ بعد البول

ما هي الاستحاضة ؟
دم ينزل علي المرأه و ليس حيض
حكمه : تغسل المراه فرجها - تحط قماشة او خرقه - و تتوضي لكل صلاة

ملاحظات علي الطهارة :
.............................. ...

1. فيه ناس فاكره ان لو جيه عليها بول مثلا انها تستحمي
لا طبعا هي تطهر المكان ده فقط بالماء

2. حصل جماع لكن لم يحصل انزال مني
اذا حصل جماع مع او دون انزال مني يجب الغسل

3. شخص احتلم و بعد الاغتسال وجد مني نزل منه هل يجب عليه يعيد الغسل ؟
لا ... لا يجب عليه لان المني نزل بدون شهوة

4. اذا لمست جسم كلب هل ديه نجاسه ؟
لا ... لعاب و بول و براز الكلب فقط هم اللي فيهم النجاسة ... و المكان اللي لمسك فيه بلعابه هو اللي يتطهر بالماء و طبعا تربية الكلب في البيت حرام

5. لو نزل من الاسنان دم او من اي حته في جسمي هل يجب الوضوء؟
لا ... الدم و القيء لا ينقض الوضوء او الصيام

6. هل ينفع ان المراه الحائض او المرأه الجنب تطهر و شعرها مربوط ؟
المرأه الحائض تفك شعرها ام الجنب مش شرط تفكه

و الفيديو ده شامل لكل حاجه لانه هيغتسل فعلا بس بملابسه طبعا و هتشوفي كل اللي قرتيه بطريقة عمليه
‫ط§ظ„ط؛ط³ظ„ ط§ظ„طµط*ظٹط* ظ…ظ† ط§ظ„ط¬ظ†ط§ط¨ظ‡ . ظˆ ظ…ط§ ط§ظ„ظپط±ظ‚ ط¨ظٹظ† ط§ظ„ظ…ظ†ظ‰ ظˆ ط§ظ„ظ…ط°ظ‰ ظˆ ط§ظ„ط*ظٹط¶ ظˆ ط§ظ„ط§ط³طھط*ط§ط¶ظ‡â€¬â€ژ - YouTube