بلييييييييييييييييز ادخلوا

[مشكلتي]

مشكلتي ياناس انو انا فتاة متحجبة ولم اكن ملتزمة كليا والحمد لله منذ سنة التزمت بكثير من الامور ولكن باقي لي شيئ لا احس بالراحة فيه انا متحجبة ولكن حجاب عادي احيانا ساجدة احيانا بنطلون مع قميص المشكل اني لا اشعر بالراحة بلبسي ففكرت البس البرقع وفاتحت اهلي فكانت الكارثة كل عائلتي رفضوا الموضوع وقالولي انتي وليتي معقدة روحي سكني بالجامع خير وفيه لي هددني واهانات المهم كرهت حياتي معرفتش وش ندير يعني من المستحيل انو نلبس البرقع
دورك فكرت نلبسه كي نتزوج بصح هاهو مشكل تاني يعني والله عييت كلما يجي واحد يخطبني بابا يشرط يكون خدام مرسم ولا ميجيش وانا عييت نفهمه بلي المهم لي يجيب رزقه بحلاله بصح هو رافض وعاد مايشاورنيش غير يجي خاطب يرده الا معجبهش
وش ندير قولولي في موضع الحجاب وموضوع الخطبة

[alarabay]

البرقع لايناسبك وسيكون منظرك شاذ بالجزائر لانه لااحد يلبس البرقع ... اما الخطبه فوالدك ادرى بمن يناسبك ونتمنى لك التوفيق .

[بسمة تحدي]

لم افهم وش تقصدي بالبرقع؟؟ يعني النقاب؟؟

والله يا اختي انا كي رحت نلبس الجلباب درنا قع كانو معارضين لدرجة قاتلي يما وش دارولك فاجامعة قاتلي متزديش تروحي لثما

راهم لبنات تلفوك قلتلها يا يما والله انا من قرار ذاتي حبيت نديرو كانت معااااارضة جدااااااااااااا بصح بالدعاااء وهدرت معاها غير

بالعقل ولات قاتلي خلاص دري وش تحبي حياتك

انتي تاني اكثري من الدعاء متحويلش تخرجي العيب لدركم روحيلهم بالسياسة ويتقبلو

اما على الخطابة خمي بغرضك يا اختي الحياة راهي صعيبة وباباك ويماك راهم عاشو وشافو

المعيشة غالية

صح الرزق على ربي بصح الانسان ماشي يقعد قاعد ويقول الرزق على ربي لازم يسعى ويتخذ بالاسباب

راه باباك ويماك يحبولك الخير والله

ربي يوفقك

[maya bouharoun]

ماشي محتم برقع المهم تلبسي حاجة فضفاضة لا تشف و لا تصف البسي جلباب مع خمار طويل راح يتقبلوه اختي لا طاعة لمخلوق في معصية الخالق

[naamane3]

عن عائشة رضي الله عنها قالت: قال رسول الله صلى الله عليه وسلم
" من أرضى الناس بسخط الله سخط الله عليه وأسخط عليه الناس ومن أرضى الله بسخط
الناس رضي الله عليه وأرضى عليه الناس " رواه الترمذي .
وعن عبد الله بن عباس رضي الله عنهما قَال :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ،
وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ ) رواه أبو داود
حديثين لرسول الله صلي الله عليه وسلم طبقيهما على نفسك
ينصلح حالك رغم انف عائلتك

[غربة أهل السنّة]

السّلام عليكم و رحمة الله و بركاته

الحجاب فرض يا أختي ,,,يجب عليك أن لا تتساهلي فيه و لا طاعة لمخلوق في معصية الخالق
أنت ستحاسبين وحدك يوم القيامة ,,, أنا لا أعلم لماذا الكثير من الآباء -هداهنّ الله- يرفضن تحجّب بناتهن,,,
تذكّري يا أختي انه كلما نظر إليك أحد في الشّارع و فتنته تكسبين سيّئة ,,,
عليك بهذا يا أختي,,,و يسمى الجلباب و ليس البرقع إنما البرقع هو ما يغطى به الوجه




لا تخافي من أحد ما دمت على الحقّ,,, أنت لست معقّدة بل انت على الفطرة السّليمة
توكّلي على الله و إدعيه و خاصة و نحن في ايام مباركة ,,,عسى الله أن يستجيب لنا جميعا و يهدينا سواء السّبيل
و أسال الله أن يرزقك الزّوج الصالح الذي يسترك و يعلمك أمور دينك و يكرمك

آمين

[عبد الله 22]

السلام عليكم ألبس حجاب مستور يوفي بالغرض بدون بل تدخلي في صرع البرقع و أشكاله السوق متوفر لمن تريد الستر

[hakeem]

المهم الرجل يكون يسعى في حياتو و ربما تكوني انت فأل خير عليه ... اهدري مع يماك ربما تقنعه

[kheiro didine]

االبرقع ماشي شرط المهم تكوني حجاب يسترك والديك خافو عليك وعندهم الحق
اما موضوع الخطبة المشكل راهو للجميع الشاب بلا خدمة والبنات بلازواج والمكتوب يجيك في النهاية الصبر والايمان فقط =)

[ABDOU ELE]

ربي معاك اختي

[شجرة الدرر]

اختى الزمى الاستغفار فلكل ضيف فرج ولككن مشكله حل
اطلبي من الله ان يمن عليك من فضله
فياليت كل نساء الجزائر تلتزمن باللبس الشرعي سواء كان خارج عليهم او لا المهم السترة وليس البحث عن الفتنه
اختى اكثري من الدعاء وتاكدى انك لست انت المعقدة انما هو المجتمع الى يقلد في الغرب تقليد اعمى واصبح معقد بالموضى دون ان ينتبه لنفسه *************رمضان مبارك وكريم ***********

[hiba hed]

السلام عليكم . و الله يا أختي أعجبتني حماستك لارتداء البرقع و لو انك اتاخرت شيئا . المهم ليس لازما ارتداء البرقع بالضبط فمثلا أنا أرتدي الجلابية و أنا في 1 ثانوي . رغم اني اتعرض لسخريات من المجتمع لكن ما دخلي بذلك . افعل ما يحلو لي أمي و أبي أعجبتهما الفكرة كثيرا و تقبلاها بشكل رائع , المهم لباس محتشم لا يصف و لا يكشف . ووالداك ربي يهديهم ان شاء الله . اما في موضوع الخطبة فلا تخافي احسنس الظن بربك و لا تحزني مكتوبك جاي جاي و حتى اذا ماجاش ربي نصيرك بيده الخير يفعل ما يشاء و ان شاء الله ربي يرزقك برجل طيب و تكوني انت طيبة لقوله تعالى بعد بسم الله الرحمان الرحيم ( الطَّيِبُونَ للطَّيِبَات) صدق الله العظيم و السلام عليكم و رحمة الله تعالى و بركاته .

[sali-sali]

البسي جلابة و حجاب طويل ...المهم السترة مع الاخلاق

[nadineisraa]

قصة الحجاب والبرقع وووو عادية البسي حجاب عادي كما اخواتاتك المهم يسترك
قصة الخطبة ....والديك عارفين اكثر منك

[mimi jiji]

تقدري تلبسي حااااااااااجة طويلة و فضفااضة ومنها تقدري ترضي الطرفين
بالنسبة للخطاب اكيد الرزق على ربي مى خمي شوي كي تدي واحد مايخدمش منين ح يصرف عليك ويوكلك ويشربك ولوكان يوليو عندك لولاد حتى هما يسوفرييو
باباك عاش وعلابالو كيفاه حاال الدنيا