**كلام الشاب**
راني شفْتكْ يا شهْلهْ وجْهكْ ما يَخْفى عْلِيَّه
مَيَّزْتكْ بَوَّلْ نَظْرَه منْ بيْنَ مْياَ وَشْوَيَّه
عيْني قالتْ لِي سمْر َوْقلبي قَلِّي انْتِيَّه
وَنْقُلَّكْ ويكَتْ شفْتكْ يوم الْجمْعَ لْمقْضِيَّه
كيشفْتَكْ فالثَّوْب الْوَرْدي لارضْ دارتْ بيَّه
ذاك الثَّوب اللّي جبْتهْ فالعيد الماضي هْديّه
وَاعْطيْتَكْ كِتْوَخَّرْتي عْليّه ساعهْ ذَهْبيّه
والخاتمْ والْعلاّقهْ جايبْهمْ لَكْ بيدَيّه
أُوجبْت الشّركهْ تتْحلَّيْ بيها ما هيِ لَيَّه
وَقْنان الْعطْر الْغالي؟ وْخَلّيْتكْ خيْر بْنيَّه
واهْديْتي غيْري الْفرْحهْ وَجْلبْت الشَّوْم عْليَّه
********رد البنت ******
آنا اللِّي لَبْستْ ورْدي يوم الْجمْعهْ لََعْشيّه
أُوما ننْكرْش كْلامَكْ خالي مَالزُّورعْليَّه
وَاللّي شفْت مْعَ الشَّخْصَ الثّاني آنا هيّه
في نفْس الثَّوْب اللّي جبْتولي فالعيد هْديَّه
وكْلامكْ صادقْ ما نُنْكرْ كلّشْ جايبْ ليَّه
وانا اعْطيْتك ْضعْف اللّي بِيهمْ مَنَّيْت عْليّه
وَانْسيْت حْناني أُوكِيف النّاس يْلُومَو فيّه
وَانْجيلَكْ سرْقه وَُمّهْ ماتتْ غضْبانَ عْليّه
غامرْت بْعمْري لوْ خُوتي وْبويا فاقو بيّه
أُو قشّكْ هاهو ألْبسْ ما يَمْلالي عيْنَيَّه
جبْتوعْلى ذوْقكْ وَلْبسْتولكْ مَلْبسْتو ليَّه
وشْبابي ضَيّعْتهْ قُلّي وشْ تسْوى لَهْديَّه
سلّمْتكْ عُمْري؟ وَبْساعهْ جاي تْمن عْليّه
أُوجاي تْعايرْني بيهمْ. ما قدّمْت هْديّه؟
قابلْتكْ قابلْتكْ . لكنْ صايرْْ تلْعبْ بيّه
أوبعْد الْغفْلهْ قُلْت الْحقَّ بْنَفْسي وَشْبيَّه
رايحْ يتْركْني قيطاري لوْما فْطنْت شْوَيَّه
ما همَّكْ غيْر اعْطيْتكْ. ترْتابطْ مالكْ نيَّه
والشَّخًْص اللّي كان مْعايا بْنَفْسي خَيْر هْديّه
فاليوم اللّي عْرَفْني قْصَدْ بويا يُطْلبْ إيديَّه
قارنْتكْ بيه وْقَلْبي من حُبَّكَ يغْري فيَّه
لكنْ حبَّكْ فحْياتي مَطْلبْ عشْرهْ منْ مِيَّه
والتسْعين اللّي قَعْدتْ راجلْ بيْت وْذُرِّيَّه
جاي تْعاتبْني أُوما عنْدكْش الْحقَّ عْليَّه
أَدِّي كُلّشْ مَتْخَلِّيلِي ذا حَبَّيْت هْديَّه
يكْفيني فالدّنْيا خاتمْ خُطْبهْ في إيدَيَّه
*شادي الصالح في يوم 5 ديسمبر من عام2009*
أم الشواشي
( تقرير عن مشاركة سيئة )، و الموجودة أسفل كل مشاركة .
2009-12-08, 12:01
حوار بين شاب وفتاة..بقلمي.. شعر شعبي
العرض العادي
