الضياف في الدار ومولاها محتار

[ريم الفلى]

مرحبا بيكم احبتي من المنتدى ان شاء الله تكونوا كامل لاباس
اليوم جبتلكم حكايتي مع الضياف الي جاونا البارح واللي هوما خالتي و2 بناتها فرحت بزاف لكن ماشي هادا هو المشكل المشكل انو دارنا كانت تصفر يعني مفيها والو باش ندريلهم كاش ضيافة مسقمة غير شويا سميد وبيضة ولا زوج قعدت حاااااااايرة:confuse d:
من بعد قلت خلي نخدم راسي شويا وكنت قريت وحد الطريقة بالسميد في كتاب للوصفات المغربية وقد ما سييت نتفكر والو هيا معايا
بسم الله

المقادير:

علبة صغيرة نستلي

2 كيسان حليب

نصف كاس سميد رطب

نصف كاس سكر

4 بيضات

2 مغارف فاني

عصير 2 حبات برتقال

برش 2 حبات برتقال و حبة قارص

الطريقة:

نحطو النيسلي و الحليب والسميد والسكر في قدر صلب فوق النار ونحركو تحى يثقال نخليه عوالي 4 دقائق على نار قليلة ونحوه من على النار.

نزيدو البيض والفاني وعصير البرتقالتين ونحركو ختى تمتزج المكونات ثم يسكب في قالب الفرن المدهون بالزبدة ومرشوش بالشابلير ونطيبوه حوالي 30او 35 دقيقة في فرن 200 د.م

ندخلو سكين في الكيكة ونخرجوه اذا كان ناشف نحوها واذا مازال مشمخ خليها تزيد شويا كي نشوفو الوجه اخذ لونا محمرا نخرجوها وندهنوها بسيرو مخفف بماء الزهر باش تجي تلمع ونقدرو نقدموها باردة ولا ساخنة
هاهي النتيجة :

اسمحولي مصورتش المراحل خفت ما تجيش مليحة وتاني كنت غاصبة باش نوجدها قبل ما يروحو الضياف ههههههههه
واش رايكم؟؟؟؟؟