توضيح "انا الي غالطة ولا خطيبي"

[انغام المنى]

لسلام عليكم
شكرااا لكل من رد سواء بالسلب او بالايجاب
المهم حنا عندها عام ونص نجحت اختي في الما جستير درنا عشا كبيروانا غير مخطوبة بالفاتحة عرضهم بابا بالواحد خاوتو كل واحد باسمو والبنات المتزوجات كل وحدة عيط لراجلها وماما عيطت لامو وانا عيطت 2 اخواتو بلا زواج
قد ما ندير والو
كرهوني في حياتي بيه بيهم
خزاوني نكرهت وانا نتقرب ليهم على جالو عندو 11 الله يبارك نظل نعيط ونكلف في روحي على جالو وانا عندي غير 3 ما درلهمش قدر والله ماشي غير غايضني الحال منو بزااااف وزيد هو كي عرض بابا قالو اروح تتعشى نهار الاربعاء مقلوش انت والعايلة نتاعك
انا اخواتو شربوني المر بصح على جالو ساكة نهار الشوفة والله مزالو ما وصلوش لباب دار وهما خارجين وليت نبكي وبابا قالي بطلي وانا كملت
مرة اختو قاتلي قدامو وانا مريضة جرها حشاكم كي لحمارة وراك هذي المريضة الفاشلة
ومرة وحدة قالتلي استري روحك شوية مع انو كنت ي الدار وغير نسا قالتهالي قدام مرت خالي وخالتي وصاحبتي ومرت خوه وامو
وحدة قالتلي انت ما تصلي لوالو دانونة وخوه كان متزاعف مع خطيبتو قالي خطيبي ادخلي باش تصالحيهم حشاكم كي صالحتهم قالي واش دخلتك سرقتي خونا منا يا البرانية
وامو واش دارت وانا غير صابرة ومتحملة لاني نحبو وهو خويا مدرلوش لقدر اسمحولي على خواوتي نبيع الدنيا كامل واسمحولي لاني طولت عليكم

[قطرة ندى حنونة]

ربي معاك كن انا قسما بالله غير نبطل منيش رامية روحي حنونة ربي يعوضك بخير منو
نعلبوه زواج الذل

[ayaamira666]

اختي انصحك لوجه الله لا تتزوجي به الا بشرط واحد فان تحقق تزوجي
لازم يديرلك دارك وحدك لانو هادي مشاكل بزاف قبل الزواج فما بالك بعد الزواج الى اين تؤول
و كيتولي عندك دارك وحدك تولي معا راجلك معززة و مكرمة خاصة كي تجيبي الدراري يوليو يجريو ليك و لا تهتمين بكلام اي واحد

[محمد جديدي التبسي]

أنت أدرى أختي
إذا كان لحقك الذل وانت في دار والديك فهاذي صعيب تقبليها
انا كنت نظن انو مشكل تافه كي ما عرضش خوك ظهرت فيها حوايج اخرى
ربي يوفقك لما فيه الخير بالصح ديري في بالك راه دار خطيبك هذا عندهم شهر صعيب زوج مناسبات كبيرة ومصاريف وتكاليف يعني ينسوا اي واحد عادي

[bibicha]

اختي اسمحيلي على واش رايحة نقولك و ماتزعفيش مني ينعلبوها حب اذا في دار باباك و بهدلوك و ذلوك و مادارولكش قيمة نهار تروحي عندهم واش يصرى فيك؟بالاكي تحسبي بلي الحب و الكلام المعسول يبقى مور الزواج
و زيد لي ماشي مقيمك علاش تقيميه؟عزي روحك حبيبتي و ديري قيمة و قدر لعمرك و الراجل لي يسمع كلام دارهم و ما يدير والو على مرتو ما تستناي والو منو اسمحيلي راكي صغيرة و جاية لدنيا و الف واحد يتمناك و لي ما يعرفش يدير القيمة لناس مقيمينو صعيبة واش رايحة نقولك عاودي راجعي نفسك و ديري حساباتك الزواج ماشي لعب

[تصفية وتربية]

أختي قد يكون ردّي في غير صُلب الموضوع
لكنها كلمـة أردتُ قولها من باب التناصح ..
أختي الزواج أساسه حفظ أسرار الزوجية بين المرأة وزوجها، فالله -سبحانه وتعالى- أثنى على الحافظات للغيب وقال: (فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ) وكذلك رسوله -صلى الله عليه وسلم- قال: (خَيْرُ النِّسَاءِ امْرَأَةٌ إِذَا نَظَرْتَ إِلَيْهَا سَرَّتْكَ، وَإِذَا أَمَرْتَهَا أَطَاعَتْكَ ، وَإِذَا غِبْتَ عَنْهَا حَفِظَتْكَ فِي نَفْسِهَا وَمَالِهَا)
فيا رعاكِ الله أنتِ تأتين هنا وتنشرين عِرض هذا الـرجل وأهله وتتكلمين عنهم في مجالس عامّة وفي منتديات يدخلها القاصي والداني والجيِّد والسيِّئ
هذا ليس صوابًا أختي .. ما هكذا تكون العلاقة بين المرأة وزوجها
إذا كانت لديكِ مشكلة مع زوجكِ فحليها بينكِ وبينه، حتى أهلكِ لا تُخبريهم بكلّ شيء ..
هذه نصيحة لي ولكِ ولكل امرأة صالحة .. احفظن أسرار أزواجكن .. وكذلك الرّجال احفظوا أسرار زوجاتكم ..
ما هكذا تكون العشرة بالمعروف ....
الله المستعان
...........................

[فافا مينوشة]

اختي تصفية وتربية هي حكاتلنا باش نمدولها حلول مشي افشت سر زوجها وزيد مازال مدخلش بيها باش افشت اسرارو واسرارها هي حكاتلنا فقط عن مضايقات زوجها واهلو وقالتنا وش رايكم مدولي حل هاد القسم وضع لحل مشاكل المجتمع مشي عيب هادي انا نظنها مالا فرايك ختي غير ينحو هاد القسم لانو اي واحد ما لازمش يفشي اسرار بيتو وعايلتو وصحابو علاش حاطين قسم مشاكل مجتمع والله اعلم ربي يعانك الاخت

[nouna l maghbouna]

زواج اللعب
رايحة للذل برجليك مزلتي في داركم و دارولك هكذا?!!!!!!!
زيدي خمي مليح مع روحك اختي pcq راكي رايحة تكملي حياتك كاملة معاه
و الزواج مسؤلية ...ميش حاجة ساهلة
ربي يوفقك

[تصفية وتربية]

المشاركة الأصلية كتبت بواسطة فافا مينوشة

اختي تصفية وتربية هي حكاتلنا باش نمدولها حلول مشي افشت سر زوجها وزيد مازال مدخلش بيها باش افشت اسرارو واسرارها هي حكاتلنا فقط عن مضايقات زوجها واهلو وقالتنا وش رايكم مدولي حل هاد القسم وضع لحل مشاكل المجتمع مشي عيب هادي انا نظنها مالا فرايك ختي غير ينحو هاد القسم لانو اي واحد ما لازمش يفشي اسرار بيتو وعايلتو وصحابو علاش حاطين قسم مشاكل مجتمع والله اعلم ربي يعانك الاخت

لا أريد مناقشة مثل هذه الأمور
لكن اعلمي -رحمني الله وإيّاكِ- أن مثل هذه المشاكل لا تُطرح هكذا على العـام وأمام النّاس
الأخت تتحدّث عن أهل زوجها قبل أن تصل إليهم وتقول أنهم أذاقوها الذل والويل!! هل برأيكِ هذا يصح؟؟!!
المُنتديات ليست مكانًا ليطرح فيه النّاس مشاكلهم الخاصة، ثم الذين يُجيبون عن هذه المشاكل هل هم أهل لأن يفصلوا في المشاكل؟؟!!
ثم أختي حل المشاكل لا يكون بالاستماع لطرف واحد، لأنه لو نستمع للزوج قد تكون له نظرة أخرى ..
شرعنـا الحكيم أرشدنـا إلى السبيل لحل المشاكل بين الزوجين حيث قال تعالى: (وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا).
الحياة الزوجية أشد حُرمـة وأكثر قُدسية من أن ننشر أسرارها عبر المنتديات ..
والله المستعان

[سارة البوسعادية]

المشاركة الأصلية كتبت بواسطة تصفية وتربية

لا أريد مناقشة مثل هذه الأمور
لكن اعلمي -رحمني الله وإيّاكِ- أن مثل هذه المشاكل لا تُطرح هكذا على العـام وأمام النّاس
الأخت تتحدّث عن أهل زوجها قبل أن تصل إليهم وتقول أنهم أذاقوها الذل والويل!! هل برأيكِ هذا يصح؟؟!!
المُنتديات ليست مكانًا ليطرح فيه النّاس مشاكلهم الخاصة، ثم الذين يُجيبون عن هذه المشاكل هل هم أهل لأن يفصلوا في المشاكل؟؟!!
ثم أختي حل المشاكل لا يكون بالاستماع لطرف واحد، لأنه لو نستمع للزوج قد تكون له نظرة أخرى ..
شرعنـا الحكيم أرشدنـا إلى السبيل لحل المشاكل بين الزوجين حيث قال تعالى: (وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا).
الحياة الزوجية أشد حُرمـة وأكثر قُدسية من أن ننشر أسرارها عبر المنتديات ..
والله المستعان

اخالفك الراي اختي لانو لا يوجد تشهير ولا غيرو ببساطة حنا مانعرفوش البنت ولا زوجها
هي دخلت فضفت احسن ماتروح تفضفض لصديقة تقوم بلفعل بتشهير بزوها واهلو

[أم أروى]

وعليك السلام ورحمة الله وبركاته
الله المستعــــــــــــــــــــــــــان
اختي ماشي هكة تحل الأمور أمور كيما هادي ما تحكيهاش لأي واحد
هذه أسرار زوجية عليك بحفظها

[انغام المنى]

شكرااا لردود الي بعضها جارح بزااااااف
انا ماشي رايحة نتزوج زواج الذل كيما راكم تقولو هو كي شاف تعاملهم معايا هكا دارلي داري وحدي مدايرلي راي نتاعي يحبني مدللني بصح اهلو انا كي نقلو دارولي ما يشتيش ويزعف انا تاني وليت نقلقو لانو علي ضغط كبير هو ضحى على الي ودار المستحيل باش يخطبوني انا على جالو ندير اي حاجة انا جيت نفرغ قلبي ندبتولي وهذي ماشي اسرار زوجية اقاربو كامل واقاربي على بالهم بالمشاكل هوما كيما بداو يديرو المشاكل باشي بالستر داروهم والناس كامل يتفرجو
انا من محيط وهما من محيط تقدرو تقولو سلفين ابوهم كان داعية وكون نكتب اسمو في قوقل كامل تعرفوه من عايلة كبيرة بزاف جيتهم انا غير مناسبة ليهم ما يحبوش الي ماشي محجبة وانا كنت ماشي محجبة وحجبت تفاديا للمشاكل
مايحبوش الي عندها صحباتها وانا عندي
مايحبوش الي تخدم وانا نخدم
مايحبوش الي يديرو المكياج وانا كنت ندير ونحيتو وكيلهم ربي بصح انا خطيبي نحبو وهو يحبني مكانش علاقة تخلو من المشاكل
متقولوليش ديته على الدراهم انا تاني في دارنا الحمدوله عايشين مليح وكامل في الدار نخدمو والله عجبني قبل ما نعرف هو شكون صح هو جارنا بصح كي بديت نهدر معاه ما عرفتش هو ابن شكون
على العموم انا غلطت كي جيت هنا وفرغت قلبي

[محمد جديدي التبسي]

لا لا أختي أنت طلبتي المساعدة فتحملي قسوة ردودنا لأن نريد لك الخير تأكدي من ذلك
هو إنسان مليح كملي مادامك بدارك وحدك
عاملي أهلو مليح واصبري هوما ماراحش يتغيروا بين يوم وليلة لازم تكسبيهم مع الوقت وديري اللي عليك
ملاحظة فقط الحوايج اللي بدلتيهم فيك كيما الحجاب ونحيتي المكياج راهي أمور إيجابية ومطلوبة في ديننا ماهيش تضحيات منك ولا دايرة مزية في الرجل بل هو المأجور ويبين انو انسان متخلق لأنو طلبهم منك لذلك لازم تخلصي نيتك إنك لبست الحجاب ونحيتي المكياج لإرضاء الله أولا.. اتمنى ان لا يكون كلامي قاسي أختي ربي يهنيك وييسر أمورك ..

[imane-2020]

المشاركة الأصلية كتبت بواسطة انغام المنى

شكرااا لردود الي بعضها جارح بزااااااف
انا ماشي رايحة نتزوج زواج الذل كيما راكم تقولو هو كي شاف تعاملهم معايا هكا دارلي داري وحدي مدايرلي راي نتاعي يحبني مدللني بصح اهلو انا كي نقلو دارولي ما يشتيش ويزعف انا تاني وليت نقلقو لانو علي ضغط كبير هو ضحى على الي ودار المستحيل باش يخطبوني انا على جالو ندير اي حاجة انا جيت نفرغ قلبي ندبتولي وهذي ماشي اسرار زوجية اقاربو كامل واقاربي على بالهم بالمشاكل هوما كيما بداو يديرو المشاكل باشي بالستر داروهم والناس كامل يتفرجو
انا من محيط وهما من محيط تقدرو تقولو سلفين ابوهم كان داعية وكون نكتب اسمو في قوقل كامل تعرفوه من عايلة كبيرة بزاف جيتهم انا غير مناسبة ليهم ما يحبوش الي ماشي محجبة وانا كنت ماشي محجبة وحجبت تفاديا للمشاكل
مايحبوش الي عندها صحباتها وانا عندي
مايحبوش الي تخدم وانا نخدم
مايحبوش الي يديرو المكياج وانا كنت ندير ونحيتو وكيلهم ربي بصح انا خطيبي نحبو وهو يحبني مكانش علاقة تخلو من المشاكل
متقولوليش ديته على الدراهم انا تاني في دارنا الحمدوله عايشين مليح وكامل في الدار نخدمو والله عجبني قبل ما نعرف هو شكون صح هو جارنا بصح كي بديت نهدر معاه ما عرفتش هو ابن شكون
على العموم انا غلطت كي جيت هنا وفرغت قلبي

اختي انتي ما غلطتيش كي جيتي وحكيتي وكيما قلتي ما كاش دار بلا مشاكل وماكش شجرة ما تهبش عليها الريح
لكن كبري قلبك المنتدى فيه كل الانواع وكل الفئات انتي جيتي فضفضتي و فرغتي قلبك لكن كل واحد كي فاه يشوف للامر
المهم انا نفلك بما انو هو حابك ودرالك دارك وحدك ما يهمكش في الناس انتي ديري لي عليك واحتسبيه لله لأنو لا تخفى عليه خافية
كيما راه شاد فيك شدي فيه وكيما راه متحمل اتحملي حتى يفرج ربي
نصيحة برك كي يديرولك حاجة ما تشكيش ليه لأنو هو عارف البير وغطاه غير تزيدي تعبيه برك كي يديرولك حاجة صلي ركعتين لله وادعيه واشكيلو من كل قلبك وكانك تهدري مع صاحبتك ولا مع ماماك راح ترتاحي جربيها ورديلي لخبر واختي اذا احتجتي راني هنا تقدري تحكي واش حبيتي اذا كان حبيتي في الدردشة ولا في ***** ولا ربي كون معاك وربي يكبر قلبك وخلاص كلش يفوت
وصح انو تجي منو هو وما يعرضش خوك كبيرة صح لوكان من خاوتو ولا ممكن تقبليها المهم بلاك من ضغوط العرس نساء ولا كيما يقولو اتخذ لحبيبك 70 عذر واش راح تديري ربي يتمم بيناتكم وربي يسهلك اختي انتي ديري لي عليك والباقي على ربي ولي يتوكل على ربي عمرو ما يخيب

[مريومة21]

المشاركة الأصلية كتبت بواسطة تصفية وتربية

أختي قد يكون ردّي في غير صُلب الموضوع
لكنها كلمـة أردتُ قولها من باب التناصح ..
أختي الزواج أساسه حفظ أسرار الزوجية بين المرأة وزوجها، فالله -سبحانه وتعالى- أثنى على الحافظات للغيب وقال: (فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ) وكذلك رسوله -صلى الله عليه وسلم- قال: (خَيْرُ النِّسَاءِ امْرَأَةٌ إِذَا نَظَرْتَ إِلَيْهَا سَرَّتْكَ، وَإِذَا أَمَرْتَهَا أَطَاعَتْكَ ، وَإِذَا غِبْتَ عَنْهَا حَفِظَتْكَ فِي نَفْسِهَا وَمَالِهَا)
فيا رعاكِ الله أنتِ تأتين هنا وتنشرين عِرض هذا الـرجل وأهله وتتكلمين عنهم في مجالس عامّة وفي منتديات يدخلها القاصي والداني والجيِّد والسيِّئ
هذا ليس صوابًا أختي .. ما هكذا تكون العلاقة بين المرأة وزوجها
إذا كانت لديكِ مشكلة مع زوجكِ فحليها بينكِ وبينه، حتى أهلكِ لا تُخبريهم بكلّ شيء ..
هذه نصيحة لي ولكِ ولكل امرأة صالحة .. احفظن أسرار أزواجكن .. وكذلك الرّجال احفظوا أسرار زوجاتكم ..
ما هكذا تكون العشرة بالمعروف ....
الله المستعان
...........................

بارك الله فيك اختي وربي يصلح الامور بينكم اختي انغام المنى