بخصوص الملف الطبي

[nadji_dja_djo]

عندي مشكل على مستوى القدمين, فاليسرى مسطحة بشكل منعني من ممارسة اي نشاط رياضي, و اليمنى اجريت عليها عملية جراحية لتقويمها حيث اني ولدت بقدم منحنية, اجريت العملية عندما كنت صغيرا
المشكل في قدمي يمنعني من ممارسة النشاطات الرياضية بشكل طبيعي, ولكن لا يتطلب متابعة علاج معين
بخصوص وضعيتي تجاه الخدمة الوطنية, فغالب الظن أنني عاص,
مواليد 83 خريج 2009 , لم اجتز الفحص و لم استلم اي استدعاء, دفعت ملف الاعفاء الخاص بخريجي 2009 في اوت 2012 فتم اعلامي بان الاستدعاء قد جائني, و لا اعرف ان كان الاول ام الاخير, و لم اسال عن الخدمة الوطنية من ذلك التاريخ
وضعيتي العائلية متزوج, وضعيتي المهنية حر
سؤالي هو عن شكل الملف الطبي الذي يمكن ان ادفعه في المحكمة, و عن احتمالات القبول, حيث اني سمعت ان حاملي الشهادات لا تهم كثيرا حالتهم الجسدية
كل النصائح مرحب بها

[omarza03]

اولا سلام عليكم اخي الكريم بالنسبة للرجل لي درت عليها عملية ان شاء الله يعطوك عليها اعفاء لانوا كان معايا واحد في الكزيرنة كيما الحالة نتاعك تقريبا ولكن هو دار اكسيدوا وخرجوه باعفاء معايا وللعلم انا كنت في المدرسة التطبيقية للقوات الخاصة ببسكرة وهذا الرسمي من عند خوك وحتي بالنسبة للرجل المسطحة واحد لبسوه القداس عندوا صبعوا حاشاك طالع لبسولولو قداه نقداس ماجاهاش مالا كي مالقوالوش حل رونبلاصاوه بواحد اخر واخرج مؤهل لا يجند راني نحكيلك للكازيرنا لي رحتلها وهذا خويا الرسمي اما في ليكازيرن لوخرين الله اعلم بصح تبق المشكل في لوردابيل اسكوا راك انسومي ولا والوا يلزملك تقسي عاى وضعيتك واذا قالولك راه تجيك لوردابيل اتكل على ربي ودي معاك دوسي كومبلي نتاعك بما ذالك نتاع العملية لي درتها وربي يسهلك خويا وزيد سقسي الخبراء وجماعة لي فوتوا في ليكازيرن لوخرين زيدوا يعطوك افكار اخرى خويا وهذي لنقدر نعاون بيها خويا وربي يسهلك ان شاء الله لي فيها الخير ان شاء الله.

[nadji_dja_djo]

شكرا جزيلا أخي