hérisson ببسكويت رولي تفضلوا تفضلو مرحبا بيكم

[oum ayyoub]

السلام عليكم خواتاتي واش راكم

درت لبارح بسكويت رولي و لكن له نفس مذاق الجينواز للي درتها بكريمة الزبدة لان زوجي عجباتو بزااف و قالي عاوديهالي انا قلت نعاودها بشكل اخر
الرابط https://www.djelfa.info/vb/showthread.php?t=1270099

للمقادير
6 حبات بيض
150 غ فرينة
150 غ سكر
كيس فاني
انا درت مغرف صغيرة خميرة لانو الصينية تاعي كبيرة و خفت اذا ما تصلحش معايا و خاصة راني في داشحال ما درتش بسكويت رولي
كريمة الزبدة راني نعتمد على وصفة الاخت ام رامي ربي يحفظها
اخفقي صفار بيضتين جيدا ثم اضيفي نصف كاس سكر قلاسي واصلي الخفق ثم نصف علبة شكولاطة ذائبة واخفقي واخيرا اضيفي نصف علبة مرغرين لابال نتاع 250 غ يعني 125 غ تكوني خفقتيها وحدها من قبل تحبي تضيفي شوية كاكاو
ضعيها في كيس التزيين وزيني بها

حبيت نزيد لاشانتيي باش نخلطها من بعد مع كريمة الزبدة باش تجي اخف و الذ و لكن كنت مزروبة باش نخرج ولدي يبروفيتي شوية
الفواكه درت الموز الفراولة و الكيوي
السيرو

كاس كبير من الماء
ملعقتان كبيرتان من عصير الليمون او اي عصير فاكهة
كاس شاي من السكر
كيسان من الفانيلا
نغلي الماء في كاسرونة نضيف عصير الليمون ، السكر، الفانيلا نحرك باستمرار لمدة 5 دقائق و نزيل من فوق النار ندعه يبرد

للتزين
شكلاطة سوداء مذابة تقدرو تخلطوها مع كريمة طازجة او ياوورت طبيعي مع ملعقة صغيرة زبدة و الكيفية هي نسخن الكريمة الطازجة ثم نضع قطع من الشكولاطه و نحرك جيدا حتي تذوب ثم نضيف الزبدة
و كاوكاو مقلي انا في المرة الاولى درت لوز مقلي مممم يجي الذ
و شوية من شكولاطة بيضاء مذابة في حمام مائي
طريقة التحضير كيما الجينواز اعتدر دايما مزروبة ههههه راني نخمم على العشا واش ندير و في نفس الوقت راني نخمم باش نخرج وليدي رانا في وقت السرعة

و الان اترككم مع الصور


نضع هذا الخليط في صينية بها ورق الزبدة

ثم ندخلها في الفرن مسخن مسبقا180 درجة من 10 الى 12 دقيقة لازم ما يحمارش بزااف


و لمايطهى مباشرة ننزعها من ورق الزبدة و نديروها في ورق اخر مرشوش بالسكر الناعم ثم نلفه كما في الشكل ثم نزيدو نلفو عليه طرشونة مندية و نتكره يبرد في الثلاجة
فكرة الطرشونة المندية ديتها من عند الاخت ام انس الله يحفظها و راهي شارحا بالتفصيل الرابط هنا https://www.djelfa.info/vb/showthread.php?t=1236590


بعدين نحلوه و نضع كريمة الزبدة و الفواكه للي كنت قطعتها


و نعاودو نلفوه و يمكن وضع ايضا كريمة الزبدة على السطح الخارجي و نلصق الكاوكاو او اللوز كما في الصورة ثم نفرغ غاناش الشكو لاطة و بواسطة سباتول او اي شئ نقوم ب وضع خطوطبالشكولاطة البيضاء المذابة و لكن من دون لمس البسكويت
ان شاء الله تكونوا فهمتوني



و شهية طيبة