لاقتراحاتكم وارائكم

صاحب الامل · 2013-04-18, 21:41

هذا الموضوع سيكو ن مخصص

لاقتراحاتكم

فيما يخص القسم

ان شاء الله يكون تفاعل

ويرجى تفادي الردود الجانبية (شكرا...يعطيكم الصحة ...الخ)

stayfiya · 2013-04-19, 09:21

مشكور اخي عمر و فرتلنا مساحة نتناقشو فيها
ونتوما يا لبنات هيااهدرو بردو قلوبكم واش خصكم واش حابين يزيد في القسم واش المواضيع لي تحوسوها تتثبت و اقتراحتكم لاقسام جديدة؟؟
و قبل هذا كامل لازم نتفاهمو على لي لينا و لي خاطينا و نبداو التنظيم من رواحنا يعني لازم نكونو على اطلاع ب قوانين القسم نتاعنا صح هو اكثر قسم فيه الشروط بزاف و هذا من الاساس في صالح كل وحدة فينا مثال تضليل الصور في صالحنا و حتى لكان هزينا الصور من منتديات اخرين لازم نخمو على صحابها و كيما نخافو على رواحنا كيما لااازم نخافو على الناس و تضليلهم و تصغير الحجم راح يوفر علينا التعب ايماجيني تتعبي في موضوع و جي تحطيه لمجرد يبان اللحم ههههه يروح تعبك باطل و اخرين يشكيو من قلة الردود !!!!!و الصور محملينها ب بيكسيل كبير مانظنش واحد يسنا عشوة كاملة باش يشوف روبة ولا زوج و يبيردي وقتو اول حاجة يديرها يغلق موضوعك و يسوطي لموضوع اوخر ..
و حاجة ثاني لاحظتها و مانحبهاش ..!! مواضيع الطلبات تحط الطلب نتاعها بالكلام المعسول و تنتظر ساعة و تقول واشي هاذا 200 مشاهدة و ماكانش حتى رد ؟؟؟ و ماتحطش في بالها بلي لي دخل يشوف موضوعها قادر يكون مجرد زائر ماعندوش الحق يجاوب و الا ماعندوش الوقت و لا ماعندوش فكرة اسااااساً واش راهي تسأل ... ؟ ؟ و تبدى بكلام في حق عضوات كيفهم كيفها الفرق بيناتهم هما مطلعين على الخياطة و استفادو من مواضيع شافوها في المنتدى و تعلموها و بيها راهم يساعدو في الاخريات و قادر يكون تجاوبهم في موضوعها انهم دارو خدمة كان لازم هي لي ديرها و نعرفوها كامل تشغل محرك البحث قوقل و تحط السؤال لي حطاتو الانسة ولا السيدة و تعاود عملية قص لصق فقط
يعني كيما نعرفو كل وحدة و ظروفها. لي ماتقدرش تدخل كل يوم و لي خدامة و لي ماعندهاااش النت(هاذي انا ههههه) و يزيدو يشاركوها بعض العضوات و يطلعولها الادرينالين انا حطيت و ماجاوبونيش و ماهم لاتيين بينا ما وااالووو ووو كلمات في حق اخوات سمحو في وقتهم و ديارهم و حبو يعاونو و وحدة ما تنكر بلي تقدمو بزّاااااف حلول لمشاكل كانو يعانيو منهم و مازال
معناها الواحد مالازمش ينكر الخير و يكون وجودو محضر خير و ماعندوش كلمة طيبة يقولها يخرج من الموضوع و انا بالنسبة ليا يتحسب مشاهد اصم و مايقولش كلمه في حق عضو اخر
في الاخير شوي التزام و نظام راحين نرجعو منتادانا بوقوص
هيا انا اني بردت قلبي زيدو كلامات نتوما و قولو واش في خاااطركم و كيما قال الطيب في نسمة ((((ياو اتكلَّم ماتخلِّيهاش في قلبكْ)))))))
سلاااام

sarra5 · 2013-04-19, 11:28

هههه راكم فتحتو النار عليكم

درك مانطلقكمش هههه

sarra5 · 2013-04-19, 11:32

سطايفية راهي هنا وااااااااااااااااااااااااااااي

و اخيرا شفنااك لعقوبة لام مريم تواحشناها

sarra5 · 2013-04-19, 11:49

1. الردود في بعض الاحيان تكون مشجعة وكي تعملي موضوع تحسي بلي تعبك ماراحش هكاك لو كان تعملو خاصية الموضوع المخفي يكون احسن في بعض المرات ليس دوما لاني لا احبب هذه الخاصية

2. يا ريت يكون هنا تحفيز لكل خياطة متمكنة في هذا القسم لتقديم دروس مصورة وركزلي على مصورة هههههه على سبيل المثال المشرفين يختارو خياطة متمكنة وقادرة على اعطاء الدروس المصورة و يتفاهمو معها كل اسبوع درس مصور و كل واحدة تتعلم يجب عليها التطبيق وعند انهائها للدروس يقدم لها وسام و نقاط زائدة و تكريم خاص فهذا يحفز كل خياطة على تقديم الاحسن مثل ماحصل في المسابقة كانت رائعة فعلا

اخ عمر هذا الاقتراح من زمان كنت حابة نقولهولك لكن لم تسمح الفرصة

يا ريت يتم قبوله

فاطمة الزهراء31 · 2013-04-19, 16:20

السلام عليكم
شكراااااااا أخي عمر على الموضوع فتحت لينا باب للمناقشة

صاحب الامل · 2013-04-19, 18:06

اقتباس:

المشاركة الأصلية كتبت بواسطة stayfiya

مشكور اخي عمر و فرتلنا مساحة نتناقشو فيها
ونتوما يا لبنات هيااهدرو بردو قلوبكم واش خصكم واش حابين يزيد في القسم واش المواضيع لي تحوسوها تتثبت و اقتراحتكم لاقسام جديدة؟؟
و قبل هذا كامل لازم نتفاهمو على لي لينا و لي خاطينا و نبداو التنظيم من رواحنا يعني لازم نكونو على اطلاع ب قوانين القسم نتاعنا صح هو اكثر قسم فيه الشروط بزاف و هذا من الاساس في صالح كل وحدة فينا مثال تضليل الصور في صالحنا و حتى لكان هزينا الصور من منتديات اخرين لازم نخمو على صحابها و كيما نخافو على رواحنا كيما لااازم نخافو على الناس و تضليلهم و تصغير الحجم راح يوفر علينا التعب ايماجيني تتعبي في موضوع و جي تحطيه لمجرد يبان اللحم ههههه يروح تعبك باطل و اخرين يشكيو من قلة الردود !!!!!و الصور محملينها ب بيكسيل كبير مانظنش واحد يسنا عشوة كاملة باش يشوف روبة ولا زوج و يبيردي وقتو اول حاجة يديرها يغلق موضوعك و يسوطي لموضوع اوخر ..
و حاجة ثاني لاحظتها و مانحبهاش ..!! مواضيع الطلبات تحط الطلب نتاعها بالكلام المعسول و تنتظر ساعة و تقول واشي هاذا 200 مشاهدة و ماكانش حتى رد ؟؟؟ و ماتحطش في بالها بلي لي دخل يشوف موضوعها قادر يكون مجرد زائر ماعندوش الحق يجاوب و الا ماعندوش الوقت و لا ماعندوش فكرة اسااااساً واش راهي تسأل ... ؟ ؟ و تبدى بكلام في حق عضوات كيفهم كيفها الفرق بيناتهم هما مطلعين على الخياطة و استفادو من مواضيع شافوها في المنتدى و تعلموها و بيها راهم يساعدو في الاخريات و قادر يكون تجاوبهم في موضوعها انهم دارو خدمة كان لازم هي لي ديرها و نعرفوها كامل تشغل محرك البحث قوقل و تحط السؤال لي حطاتو الانسة ولا السيدة و تعاود عملية قص لصق فقط
يعني كيما نعرفو كل وحدة و ظروفها. لي ماتقدرش تدخل كل يوم و لي خدامة و لي ماعندهاااش النت(هاذي انا ههههه) و يزيدو يشاركوها بعض العضوات و يطلعولها الادرينالين انا حطيت و ماجاوبونيش و ماهم لاتيين بينا ما وااالووو ووو كلمات في حق اخوات سمحو في وقتهم و ديارهم و حبو يعاونو و وحدة ما تنكر بلي تقدمو بزّاااااف حلول لمشاكل كانو يعانيو منهم و مازال
معناها الواحد مالازمش ينكر الخير و يكون وجودو محضر خير و ماعندوش كلمة طيبة يقولها يخرج من الموضوع و انا بالنسبة ليا يتحسب مشاهد اصم و مايقولش كلمه في حق عضو اخر
في الاخير شوي التزام و نظام راحين نرجعو منتادانا بوقوص
هيا انا اني بردت قلبي زيدو كلامات نتوما و قولو واش في خاااطركم و كيما قال الطيب في نسمة ((((ياو اتكلَّم ماتخلِّيهاش في قلبكْ)))))))
سلاااام

بارك الله فيك على المشاركة

اكيد اهم شيئ انو الاعضاء ينظموا رواحهم قبل كل شيئ

صاحب الامل · 2013-04-19, 18:07

اقتباس:

المشاركة الأصلية كتبت بواسطة sarra5

هههه راكم فتحتو النار عليكم

درك مانطلقكمش هههه

اقتباس:

المشاركة الأصلية كتبت بواسطة sarra5

سطايفية راهي هنا وااااااااااااااااااااااااااااي

و اخيرا شفنااك لعقوبة لام مريم تواحشناها

قلنا لا داعي للردود الجانبية

اتمنى تقراو مليح المواضيع قبل ما تحطو اي رد

صاحب الامل · 2013-04-19, 18:10

اقتباس:

المشاركة الأصلية كتبت بواسطة sarra5

1. الردود في بعض الاحيان تكون مشجعة وكي تعملي موضوع تحسي بلي تعبك ماراحش هكاك لو كان تعملو خاصية الموضوع المخفي يكون احسن في بعض المرات ليس دوما لاني لا احبب هذه الخاصية

2. يا ريت يكون هنا تحفيز لكل خياطة متمكنة في هذا القسم لتقديم دروس مصورة وركزلي على مصورة هههههه على سبيل المثال المشرفين يختارو خياطة متمكنة وقادرة على اعطاء الدروس المصورة و يتفاهمو معها كل اسبوع درس مصور و كل واحدة تتعلم يجب عليها التطبيق وعند انهائها للدروس يقدم لها وسام و نقاط زائدة و تكريم خاص فهذا يحفز كل خياطة على تقديم الاحسن مثل ماحصل في المسابقة كانت رائعة فعلا

اخ عمر هذا الاقتراح من زمان كنت حابة نقولهولك لكن لم تسمح الفرصة

يا ريت يتم قبوله

بالعكس فيما يخص خاصية الموضوع المخفي (يعني الاعضاء راح يحطو رد من دون رؤية الموضوع) يعني اغلبية الردود راح تكون شكرا فقط لفتح الموضوع

وزيد على ذلك هذه الخصائص توضع من طرف مدير المنتدى وليس من طرف المشرفين

فيما يخص التحفيز لازم يشمل مايلي (تنظيم الموضوع ووضع صور تكون بالحجم والشكل المطلوب والتظليل ...الخ)
يعني لازم العضو ينظم نفسو اول شيئ ومن بعد المشرفين علابالهم وش يديرو

وشكرا على الاقتراحات في انتظار مشاركات اكثر

صاحب الامل · 2013-04-19, 18:12

اقتباس:

المشاركة الأصلية كتبت بواسطة فاطمة الزهراء31

السلام عليكم
شكراااااااا أخي عمر على الموضوع فتحت لينا باب للمناقشة

لا داعي للردود الجانبية
اقراو ملييييييييييييييييح قبل ما تحطو اي رد

قلنا اللي عندو فكرة او اقتراح يحطو
اما الشكر ووووو....الخ
فلا داعي لوضعه

ام مريم اسراء · 2013-04-20, 11:05

صباح النور على الجميع فعلا استطاع المنتدى ان يستقطب انظار الكثيرين و قسم الخياطة و التفصيل بالخصوص عندو حيوية رائعة لكن الافادة يظلها ناقصة انا بصراحة احمد الله انو زرع فيا حب المساعدة و نشر الفائدة بدون افتخار و قد سخرت كل الجهد و الوقت لنشر و نقل الدروس الي تعلمتها من مركز التكوين لكن درك ظروفي متسمحش لاني توقفت جبرا المهم و بدون اطالة ارجو من ادارة المنتدى و المشرفين تحفيز كل من عندها الخبرة بنشر ورشات بكل اعمالهم و الله نسعد كنشوف جبة او قندورة دار مخيطة و في نفس الوقت ناسف اني مستفدتش بطريقة انجازها ادا نداء الى كل وحدة عندها الخبرة مثلا رايحة تخيط قندورة دار ما العيب لو صورتنا الخطوات المفصلة كما قالت اختي سارة 05 هكدا رايح تفيد المبتدئات و كما راه معلوم رانا داخلين على فصل الصيف اعملونا ورشات بالصور ياك الكمرا ولات في كل هاتف نقال عاونونا يا محسنين و اجركم عند الله لو نحسبو كل ورشة تعملها وحدة في اسبوع و لازم يكون التفاعل ايجابي باش نشجعوها ونحفزو غيرها في الشهر رايحين نتعلمو 4 حاجات بزاف علينا و الله لما ادخل ركن التريكو و الكروشي اسعد بكثرت الورشات ما شاء الله عليهم فهل من مستجيب لتساؤلي و مناداتي ؟

فايزة1207 · 2013-04-20, 18:47

والله ياام مريم تقولي طليتي على قلبي
نزيد فقط على كلامك فيه اخوات حطوا طريقة تفصال لحوايج مثل الاخت نيروز وسطايفية
فقط نطلب يكون ركن مخصص للقنادر لمفصلة باه مايضيعوش

stayfiya · 2013-04-22, 08:47

صباح النور اخي عمر و جميع الاخوات اريد طلب تثبيت موضوع wafaachal ورشة الخياطة لانو فيه افادة بزاف للاخوات فقط لو الاخت وفاا تفصل بين الدروس و التعليقات هكذا يسهل التصفح و اختي و حبيبتي ام مريومة راني في بالي ندير ورشة لروبة نتاع دار و روبة سواري لكن والله النت ماخلاني ندير حاجة فقط يتحل مشكل النت و خاطيكم هههه المهم نطلب من الاخوات ينضمو لينا و يعطيونا افكار مايبقاوش يقراو و يخرجو لانو كل واحد راه مسؤووول مدامو واحد منا كيما يستفاد يحاول يفيد و كيما يقولو ايد وحدة ماتصفقش و الاخ عمر وحدو ما يقدرش ينظم القسم مالا عاونونا يا لحراير

sakura be · 2013-04-22, 14:20

السلام عليكم وبارك الله فيكم ....انا ندخل في صلب الموضوع ونضم صوتي للبنات وهو تثبيت الورشات ليسهل ايجادها وبارك الله فيكم واذا لاحظت حاجة اخرى راني نرجع سلام

نور المستقبل · 2013-04-22, 16:41

مساء الخير
اقتراحي بالنسبة للمواضيع المهمة الحالية تتثبتمثل الورشات والدروس ودورات التعليم تتثبت باش مايبقاش اللي يدخل يرح كل وقتو هو يقلب الصفحات
2 ورشة لبسط لكبيرللاخت لجين خلاصت يعنني تتحط مكانها ورشت صالون على شكل بساط
3طلب من كل العضوات الكريمات اللي متأكدة من نفسها ومتمكنة تساعد بكل ماتقدر واللي مهيش متأكدة من المعلومة تحتفض بيها لنفسهالان اللي راح نعطولو معلومة غالطة راه يزيد يدبدب مهوش هذا هو هدف القسم الخياطة والتفصيل
3اللي تحط موضوع لازمها تصبر على الاقل 24سا متبداش تقلق وتهين في العضوات اعتقادا منها مسعدوهاش لازم نصبرو شوي ونقدرو ضروف بعضانا
4 ثاني ملاحضة شئ في موضوع طلبات الاعضاء عادت العضوات متكلفش روحها وتبحث وتجتهد مباشرة الي يجيها مدال او سؤال في راسها تحط وتصل رايحة وجاية عليه حتى هاذ الناس اللي كلفت نفسها وتعاونكم راهم عندهم مسؤليات سمحو فيها اعاونوكم يعني كل واحدة تحط نفسها مكان غيرها وانا متأكدة كاين ناس متمكنين من خبرتهم غير هايبين يريت ينحيو الخوف ويساعدو خوتاتهم باش الحمل يكون خفيف على الجميع
يريت منكنوش انانيات ندخلو المواضيع نخيرو اللي يعجبنا ونخرجو انا ملاحضة المواضيع اللي فيها طلب مساعدة فيها 2او 3 ردود على الاكثر علاه اليوم هي محتجاتك غدوة انت تحتاجيها اليوم انت تعلمي غدوة هي اللي تعلم اللي جاين وهكذا ياجماعة اسمحولي راني منقصدش شخص معين راني نبدأ بنفسي قبل الكل واخيرا خليو شعارنا لا والف لا للفوضى والانانية ونعم والف نعم لتعاون والوحدة والله ولي التوفيق