طريقتي البسيطة في تزيين كيكة عيد ميلاد أخي الصغير

walido2011 · 2013-04-27, 14:11

السلام عليكم
البارح عيد ميلاد خويا الصغير ريان درتلو كيكة وزينتها بالشوكولا وقلوب الحلوى و جات روعة
بصراحة أنا الجينواز دايما نديرها بدون خميرة و دايما تنجحلي لكن شفت بزاف وصفات يديروها بالخميرة فزدت فالوصفة ديالي 2 صاشيات خميرة و طلعتلي الحمد لله و خرجت بزااف بنينة
المقادير :
8 بيض
2 خميرة
كأس سكر (حوالي 130 غ)
نصف كأس زيت
ربع كأس حليب
1 و نصف كأس فرينة نزيدو نكملو النصف تع الكأس كاكاو
الغانش تع الشيكولا :
دوبت 2 شيكولا نوار فحمام مائي ثم زدتلهم 2 باطات ياغورت طبيعي و نخليها تبرد
الكريم شانتيي :
هنا الجينواز كي طابت قسمتها على ثلاثة الجزء الأول درتلو الكريم شانتيي و الجزء الثاني (الوسط) درتلو الغاناش تع الشيكولا و الجزء الثالث درتلو الكريم شانتيي والطريق تع الكريم 100 غ شانتيي و كأس حليب بارد مع ملعقة كبيرة سكر مسحوق و نضربهم بالباتور حتى تولى كريم
طريقة عمل الجينواز:
نضرب البيض والسكر و قرصة ملح 5 دقائق فوق حمام مائي ثم نحيها و نكمل 10 دقائق حتى يبرد الخليط نضيف الزيت و الحليب نحبس الباتور و نجيب ملعقة تع خشب أو سباتول و نضيف الفرينة تكونو صفيتوها مرتين أو ثلاثة مع الكاكاو والخميرة ون ضيفوها للخليط و نخلط ببطئ من تحت للفوق نقسمو الخليط في 2 مول و نديرهم يطيبو أو ديرو نصف الكمية في مول طيبوها ون حيوها ثم ز يدو طيبو الثانية
بالنسبة للشاربات :
3 ملاعق كبيرة سكر مع كأس ماء نحطوهم يغلو حولي 3 إلى 4 دقائق
للتزيين :
بعد ما تكملو تحشيو الطبقات ديرو الغاناش من فوق و حاولو تسطحوها ملييح بش تجي شابا و ديرو القلوبا تع الحلوة و كتبو أي شيء تحبوه و نشالله تعجبكم