جمارك و ليسانش انجليزية؟؟؟؟؟؟؟

[nesrino1995]

السلام عليكم اخواني
أنا عندي ليسانس انجليزية متخرجه مند 2010
و كرهههههههههههههههههههت
مادارتلي والو لغه واحده
نستنا غير في مسابقات الاساتده راني في كونكور الرابع و والو
الكتابي نجيبو و الشفهي يدوه صحاب الدراهم
و العمر يمضي
حبيت نسقسي ادا عندي لاشونس ندفع في الجمارك مع العلم ليسانس طالبين برك مانجمانت و التسير و الاداره
بصح يعني لوكان نهبط المستوى؟ واش المستوى لي نديرو و تاني واش نخدم؟
أرجو الرد

[Buffalo]

و عليكم السلام ..للاسف .. الإختصاصات المطلوبة للالتحاق بسلكي الضباط والمفتشين:
يتم التوظيف في الأسلاك الخاصة بإدارة الجمارك من بين المترشحين الحائزين على إجازات وشهادات في الاختصاصات التالية:

- الاقتصاد الجمركي والجبائي

-العلوم القانونية والإدارية

- العلوم الاقتصادية

-العلوم التجارية والمالية

- علوم التسيير فرع: مناجمنت عمومي، تدقيق ومراقبة التسيير والتخطيط والإحصاء.

[Buffalo]

و لوكان تهبطي المستوى تقدري تديري عون رقابة بمستوى ثالثة ثانوي ..

و لكن ننصحك غير اخطيك . شوفي من جهة اخرى و اخطيك من هادا الجهاز ..

[nesrino1995]

شكرا أخي الكريم
ممكن تقولي ما ماعنى شهاده عليا او معادله لها؟
يعني نقدر ندخل ب 3 تانوي عون رقابه
بصح و لوكان نقرى مانجمانت في هاد المدارس الخاصه آسكو يقبلو الشهاده؟

و ما معنى تكوين في مدارس خاصه بالنسبه لضابط فرق؟ آسكو كاين مدارس خاصه تقري الجمركيه؟
شكرا مسبقا
كاين أوقات وين يسحقو اللغات ولا جامي؟

[Buffalo]

ممكن تقولي ما ماعنى شهاده عليا او معادله لها؟
معنتها ليسانس و خلاص .. ( ل م د و لا كلاسيك )
يعني نقدر ندخل ب 3 تانوي عون رقابه
تقدري ايه .. و لكن الله اعلم ممكن ماتقيسكش الترقية لانك تحصلتي على ليسانس قبل الالتحقال بالجمارك .. الا ادا جبتي باك اخر و تحصلتي على ليسانس فالتخصصات المطلوبة ..و انا ننصحك ماتضيعيش شهادتك .. علاه قريتي 4 سنين , تعب و كد في الجامعة في باطل .. اصبري بالاك تبانلك في جهة اخرى..
بصح و لوكان نقرى مانجمانت في هاد المدارس الخاصه آسكو يقبلو الشهاده؟
و ما معنى تكوين في مدارس خاصه بالنسبه لضابط فرق؟ آسكو كاين مدارس خاصه تقري الجمركيه؟
اكيد هناك مدارس للجمارك تكون الاعوان و الضباط و المفتشين .. مثلها مثل الشرطة و الدرك ..
شكرا مسبقا
كاين أوقات وين يسحقو اللغات ولا جامي؟
ممكن يستحقو لغات في المستقبل .. لانه قالو رايحين يفتحو تخصصات جديدة في الجمارك .
و لكن المشكل في الجمارك خاصة حاملي ليسانس و في التخصصات ان عدد المناصب قليلة جدا .. مثلا بالنسبة للمفتش رئيسي يطلبو ليسانس و عدد المناصب 50 منصب اناث و ذكور على المستوى الوطني .. العام لي فات دفعو اكثر من 3000 مترشح .. و انا كنت من بينهم و جوزنا في جامعة دالي ابراهيم كشغل الامة العربية كامل جات تجوز .. للاسف ماكتبتش لازم معرفة صحيحة و كبيرة ... ايضا بالنسبة للضباط . و لي تدخلها بbac + 2 .. ننصح تصبري و تحاولي تنجحي فمسابقات التربية . او الترجمة اخطيك من السلاح و دبري راسك