كلمة دون قصد شوهت سمعتي

[souzie]

اهلا عندي مشكل راهو مهبلني تعيشواااا عاونوني
انا نقرا السنة الثانية ثانوي يقرني استاذ الله يبارك قمة في اخلاق كلش اهنا راهو عادي حتى وحد النهار غبت وحد الشهر و كي جيت سقسا عليا و قالي بلي قرايا بلا بيك سامطة و كانت المعاملة تاعو معيا خاصة لانني ولا يوم زعفتو عليا واذا غلت معاه نطلب منو سماح فورا ماشي كيما زملائي المهم لي يقراو معايا قالولي راكي عجباتو قلت لهم الله يهديكم الراجل متزوج قالولي لالا مي قوليني واش رايك فيه انا قلتلهم نحبو على جال اخلاقو وراهو قد بابا يعني نحبو كيما بابا و كيما استاذي المهم اهنا الهدرة زادت و الثانوية كامل ولات تقول بلي فلانة تحب استاذ وهو يحبها انا قلتلهم بلي خافو ربي مكاش كامل منها و زيد و يقولي نتي اهدري معاه بغسك يسمع كلمتك و غير ندخل لكاش قسم كي يبعتوني يكون هو يقري فيه انا غير ندخل نشوف تلاميذ يتغامزو عليا انا دوكا راني خاايفة يسمع هو و يهبتلي المعدل خاصة انو يقري مادة اساسية في الشعبة لي راني دايرتها و هو من النوع لي مقلق بزاف انا خفت توصل للادارة و بابا والله غير راني خايفة قولولي واش ندير نقولو ولا كيفاش

[مراد12345]

والله يا أختي مشكلة فعلا

ولكن حلها بسيط

لا تتكلمي مع الأستاذ مرة أخرى

ولا تنظري إليه وأبتعدي عن طريقه

حتى ينسى الناس تلك الحكاية

[ابراهيم داود]

المشكلة سببها التلاميذ المراهقون الذين قل أدبهم هذه الأيام يا بنيتي أعتقد أن أستاذك لم يقصد المعنى الذي فهمته

[أسية24]

أختي ما تديريش على الناس وما تعمريش راسك وما يقدرش يهبطلك المعدل على جال كلام ما هوش عارف إذا صح ولا لا وماكانش إلي عندو الجرأة يوصل كلام كيما هاكا لأستاذ ما تخافيش

[رحمة من المولى]

ربي يهديهم عادي و علاه هبطلك المعدل و انت واش دخلك قراي و خليك من هدرتهم

[souzie]

المشاركة الأصلية كتبت بواسطة ابراهيم الأستاذ

المشكلة سببها التلاميذ المراهقون الذين قل أدبهم هذه الأيام يا بنيتي أعتقد أن أستاذك لم يقصد المعنى الذي فهمته

انا علاقتي معاه تلميذة باستاذها هدا مكان و هما لي درارولي هادي حكاية ودوكا نروح نهدر معاه و نفهمو ولالا و راهو من يفوت يولو يقولو في اسمي بلعاني

[قفص النسيان]

ربي يهدي ماخلق
مدريش عليهم اخطيك منهم
ديري القراية بين عينيك وافيتي كلشي من راسك

[آمِيْرَتُه]

الله يهدي ما خلق
متعمريش راسك بيهم
التفاهة راهي عنوانهم
إذا زادو في الحد تم لازم تحكي معاه و عرفي كي تتصرفي
ربي يوفقك حبيبتي

[souzie]

قولولي دوكا نهدر معاه ولا لا راني خايفة يسمع و يقولي علاه ماقتيلش كي ولا الهدرة بدات تنهدر و انا منقدرش منهدرش معاه و زيد نقعد قدام المكتب و انا المسؤولة صافي نهدر معاه تعيشوا عاونوني

[souzie]

المشاركة الأصلية كتبت بواسطة الاميرة منيني

الله يهدي ما خلق
متعمريش راسك بيهم
التفاهة راهي عنوانهم
إذا زادو في الحد تم لازم تحكي معاه و عرفي كي تتصرفي
ربي يوفقك حبيبتي

امين يا اختي قوليلي كيفاش نهدر معاه و لا نكتب رسالة انا نخاف نهدر معاه و الله غير نولي نرجف و نبكي عاونني

[nouna l maghbouna]

اهدري معاه و فهميه عادي جدا

[souzie]

المشاركة الأصلية كتبت بواسطة nouna l maghbouna

اهدري معاه و فهميه عادي جدا

نهدر معاه ولا نكتبلو رسالة و الله خفت لا يعيت عليا

[nouna l maghbouna]

المشاركة الأصلية كتبت بواسطة souzie

نهدر معاه ولا نكتبلو رسالة و الله خفت لا يعيت عليا

لالا ديري الكوراج و اهدري معاه
على الاقل كي يسمع الهدرة تع التلاميذ يكون علابالو بيها مايتشوكاش

[souzie]

المشاركة الأصلية كتبت بواسطة nouna l maghbouna

لالا ديري الكوراج و اهدري معاه
على الاقل كي يسمع الهدرة تع التلاميذ يكون علابالو بيها مايتشوكاش

وكون يقولي قوليلي شكون هما لي هدروا هادي الهدرة نخاف كون نقولو يكبدهم و يهدر معاهم و يقلهم اذا كاينة منها و يقولولو لالا بغسكم هما يبلعطو ويكدبو بزاااااف و انا نية و منعرفش نبلعط

[nouna l maghbouna]

المشاركة الأصلية كتبت بواسطة souzie

وكون يقولي قوليلي شكون هما لي هدروا هادي الهدرة نخاف كون نقولو يكبدهم و يهدر معاهم و يقلهم اذا كاينة منها و يقولولو لالا بغسكم هما يبلعطو ويكدبو بزاااااف و انا نية و منعرفش نبلعط

قوليلو ماعلاباليش شكون قال المهم الهدرة شاعت و خايفة توصل لبابا