دعــــــــــوة الـــــــــشر

[مشكلتي]

السلام عليكم و رحمة الله تعالى و بركاته



حبيت نطرح المشكلة اللي عندنا و ان شاء الله نلقى عندكم نصيحة ولو بالدعاء

المهم

عجوزتي متشاجرة مع ابنها الكبير بسبة زوجته اللي قالوا عليها انها تسحر

و انا ديما ننصحها و نقولها راكي ماشوفتش بعينك و راكي حلفتيها على كتاب القرآن و انكرت

و ابنها هدا كل مايروح ليها تجبدلو نفس السيرة تاع زوجته ..راها تدير ...راها تعمل

هدا الآخير كره و قالها راني نطلقها ( علما انه عنده بنت عندها عامين اللي عزوجتي داعية عليها بالمووت و انه ربي يقطع عليهم الذرية )

انا قتلها مادام قاللك الطلاق ...ماهوش مسحور من جيهتها

على العمووم

آخر مرة كانت عندي قالت لزوجي ماتزيدش تروح ليه و تهدر معاه

ودعوة الشر اذا عاونتو في حاجة

انا ماقدرتش و طرطقت في وجهها و قتلها الله يهديك هدي هدرة تهدريها ...ادا كان اخوه شراني ..راجلي يدير الخير





و الله عييت معاها كل ماتجيني يجبدلي نفس السيرة ... و معرفتش وش نعمل

حبيت نقوللها لا طاعة لمخلوق في معصية الخالق ....لكن خفتها تزعف مني

ماما ديما تنصحني انو ماندخلش مابيناتهم

لكن توصل دعوة الشر لراجلي ؟؟؟؟؟؟؟؟؟؟






اسمحلولي طولت عليكم

[nouna l maghbouna]

ربي يهديها
ماتدخليش بينلتهم
ادعيلها في صلواتك
ربي يجيب اللي فيه الخير

[sali-sali]

حاولي تحكي مع وجك وهو ينصح خوه
مكاش دليليخليه يضلمها و يطلقها
وانتي ماتتدخليش
ربي يصلح الاحوال

[abdoustar]

مادخليش روحك و ادا هدرتي احكي مع راجلك برك ادا ماكان والو اجبدي روحك احسنلك

[فرح.]

ربي يهدي النفوس
ويصلح الاحوال
والتفريق ما بين الزوجين من الكبائر

[htc.ws]

يا فالق الحب و النوى أعط لكل عبد من عبادك ما نوى

[rosa allia]

خليكم من هذه المشاكل أصلا رايحين تجيبو لرواحكم غير تكسار الراس أنت حاولي تكوني مطاطية يعني كي تجي عندك حاولي تهدئيها وأنك معاها وتظاهري أنك ديريلها رايها لكن خلي الكلمة الأخيرة عند راجلك خليه يكون صارم لأن الأم أحيانا تخاف من الإبن كي يكون صارم وواعر، وأنت مادخليش روحك قولها بينك وبين ولدك، ووصي راجلك يكون عندو كلمة وحدة، وأدعيلها بالهداية

[محمد جديدي التبسي]

هاذي عقلية موجودة لدى كبار السن خاصة من النساء إذا حقدت صعب أن تتنازل
حاولي يكون تدخلك عقلاني ولا تزيدي المشاكل وخليها بينها بين ابنها وإذا نصحت انصحي بطريقة لينة لكي لا يكون لنصحك مفعول عكسي ..

[منهاج]

السلام عليكم

نصيحة خطيك وسمعي بودنيك وخدي حذرك قدرة بعيد لشر دور عليك

[TOKYO]

كثري من الصلاة و الدعاء
مدخليش روحك برك هدري مع زوجك و حاولي من بعيد لي بعيد لانه قادره دور عليك و تحطك انت سباب المشاكل
ربي يهديها

[صالح القسنطيني]

السلام عليكم

( لا يزال يستجاب للعبد ما لم يدع بإثم أو قطيعة رحم) رواه مسلم

و كما هو معلوم ان قطيعة الرحم من الاثم و لكنه صلى الله عليه و على آله و سلم خص الدعاء بقطيعة الرحم من الاثم ليبين كبر جرم و عظم فحش من دعا الى قطيعة رحم

فهذه المراة هداه الله لن يستجاب لدعائها في قطيعة الرحم

و من قطع رحما قطعه الله