فتاة فاقدة العذرية ؟؟؟؟؟؟؟؟؟؟؟؟

[مشكلتي]

بسم الله الرحمان الرحيم
انا صاحبة موضوع
فتاة فاقدة العذرية ؟؟؟؟؟؟؟؟؟؟؟؟
https://www.djelfa.info/vb/showthread.php?t=1194243

اخواني اخواتي في هذا المنتدى الرائع حابتكم تنصوني لوجه ربي راني حاسة روحي ضايعا تع الصح ,هذاك الطفل الي حكيتلكم عليه مزال يهدد فيا و يصر على باه نتلاقو وانا نتهرب منو ,وزيد الطفل الي حكيتلكم عليه باقي يحمي فيا وقالي متزيدش تهدري معاه ,تعرفو وصلت بيه الدرجة عدوة مرات يحاول يتعرضلي في الجامعة وانا نتهرب منو ويبقى بقولي ارواحي نبقو وحدنا ,وليت نرجع لدار بريفي باش منبقاش في الجامعة ومنرفدش معايا البرطابل والله انسان ميخاف ربي صح وزيد بان على حقيقتو مشي ناويلي الخير يعارك فيا باش انحلا الكام في النت ,وزيد هو انسان حقودي وميعترفش بالخير ,وهو خاني العام الماضي ,ولاكن رجعتو وحالتي حالة ,وتعرفو هو انسان طمااااااااااااااااااااااع ديما يقولي جيبلي كادوات جيبلي ناكل من ماكلتك على اساس سذوق تطيبي ,وفي اخر المطاف طلب مني انخلصلو لالين شهر قالي خلصيها كادو ياخي نحكي معاك فيها ديريهالي كادو ,بالرغم انو يخدم ويقرى وماديا مشي محتاج مشي يخبي فيها دراهمو ,كرهتو يااخواني واخواتي والله ربي عالم بالحالة الله يخليكم انصحنو وادعولي والله تعبت صح ونتنما اتردولي عليا بوش نعمل بهذا الذيب

[ميمنة الجزائر]

توبي الى الله واستغفري ربك واخطيك منو وين رانا عايشين

ربي يهديك الى الطريق الصحيح

[**د لا ل**]

ربي يهديكي ياا اختي


هذا كل ما استطيع قوله

[faty05]

ربي يهديك و يهديه
ما تزيديش تحكي معاه
اقطعي الانترنيت من دارك
و طيشي الهاتف تع المشاكل
و البسي حجاب و استري روحك
و بعدي عليه الطريق لي يمشي منها ما تفوتيش منها
المهم اغلقي كل السبل ها وش لازم اديري
و التهاي بقرايتك و صلاتك و بعدي عل هذ لحكايات

[bibicha]

ربي يهديكي ياا اختي هذا كل ما استطيع قوله و الله يصلح الاحوال

[تصفية وتربية]

ماذا تنتظرين حتى تتوبي إلى الله؟؟؟؟
ما أنتِ فيه الآن من هم وغم هو نتيجة الذّنب الذي أنتِ عليـه
بادري للتوبـة واقطعي صلتك بالشابين وعودي لربكِ وستجدين أن جميع المشاكل قد زالت بإذن الله
ضعي هذا الحديث نُصب عينيك: ما نزل بلاء إلاّ بذنب وما رُفِع إلاّ بتوبـة
اصدقي الله يصدقكِ وارضيه يرضيكِ -سبحانه وتعالى-
لا تخافي من أي شخص إلاّ من خالقك -عز وجل-
عظِّمي حُرمات الله يا رعاكِ الله دعكِ من هذا اللعب

[صالح القسنطيني]

السلام عليكم

غيري من مكانك و حياتك فذلك ربما يكون عونا لك عن الاقلاع عن الذنب فالتوبة النصوح لها شروطا هي: الندم عن الذنب و الاقلاع عنه فورا و عقد العزم على عدم الرجوع اليه و اذا تخلف شرط لم تكن التوبة صحيحة

و اعلمي ان الاقلاع عن الذنب يجب ان يكون فوري اي يجب ان تكون التوبة فورية و إلاّ وجب ايضا التوبة من تأخير التوبة

و هذا الذي تخبرين عنه لا خير فيه و هو شيطان و ليس في قلبه لك مقدار قلامة من حب و انما هي شهوة في قلبه اتجاهك و من اشتهاك و لم يحبك فلا خير فيه و الدليل على ذلك كل ما قلته عنه.

فالله الله في دينك و دنياك فباديري و اعلمي ان من كان مع الله كان الله معه و عليك بارضاك ربك و ان سخط عليك من سخط

و الا بعدا لرضا من رضاه يجلب سخط الرحمن

[محمد جديدي التبسي]

يا اختي هل عندك أم أوأب ؟ هل عندك إخوة؟! وين راهم!!!
أحسن حل إنك تلبسي حجاب شرعي كامل مع النقاب وغيري شكلك بكل
ومع هذا التغيير الخارجي أصلحي قلبك وتقرّبي لربك وما ترجعيش لهاته العلاقات أصلا
اللي يبغيك يجيك للبيت يخطبك من أهلك وما تتنازليش لأي شخص
أعطي قيمة لروحك ديري شخصية ..توبي إلى ربك الآن
ربي يفتح عليك أختي ..

[yousra14]

بزاف اين والديك حسبنا الله ونعم الوكيل اتركي الدراسة وتزوجي مع الشخص الي حاب يسترك حرام وشراكي


تعملي راني حايرة كيفاش راح تربي اولادك في المستقبل ديري شخصية لنفسك واترك ذلك الوسخ الذي يستغلك لانه وسخك معاه


ومرغت كرامة والديك في التراب اسرعي للتوبة فلا ندري متى تاتي الموت دري رب في بالك ورب يغفرلك وسامحيني على قسوتي

[Napia]

Yakhti malgite ma ngoule,,,,,,,,,,,,,,,,,,,,,,,,?????????????

[omkadi amina]

حتى انا مالقيت مانقول الله يستر ونتى ان شاء الله تنحل مشكلتك

[المنديل الابيض]

ربي يهديك للخير لي صرالك كامل و مازال دوري بالولاد و زيد قولتيلو بلي صرالك
يعني طمعتبه فيك مليح مليح
ربي سترك و نتي علاه تقظحي روحك و تحكي حكايتك لمن هب ودب درك يحكيها للناس كامل
باعدي عليه و خالطي بنات ملاح و خطيك من الاولاد راح غير يتمسخرو بيك و يفسدوك كثر وكثر
ربي يسترنا

[sousou hz]

انا كي نشوف مشاكل الجامعيات نحمد ربي لاني ما 100000000ماوصلتش للجامعة وش رايحة نقلك ربي يبعد عليك اولاد الحرام صلي وادعي ربي ليل ونهار باه يهديك ويسترك وويبعد عليك ؟؟؟؟؟؟؟ظ

[سجل أنا جزائري]

اختي خلطتيها بزاف ما عللاباليش وين كان عقلك كي مشيتي في هذي الطرق

هو مو ذيب ما والو كون ما شافاك ساذجة ما يدرلك والو نتي اللي روحتي ليه برجلك و هو ما قالش لا لا هذا ما كان

و الحل راه في يدك فكري شوي برك تلقايه
ربي يفرج عليك ان شاء الله

[AZIZA1]

واش يقالك باش توبي وين رايحة بيها
انا تبانلي انت شاتية هاد الشيئ و كان خذيتي قرار باش توبي ماتحتاجيج باش ننصحوك راكي كبيرة 20 سنة
و كان ترجعي تفكري كيفاش عشتي تلقاي معيشتك هي سبب في واش راكي فيه
ربي يسامح الوالدين اللي .................
تلقاي روحك ترابيتي لاليبارتي طوطال و لا العكس تماما
و الأغلبية اللي يعيشو هكدا تسرالهم هكدا
و لي كيما انت بزاااااااااااااااااااف
سيرتو تاع الجامعة حاشا الأقلية القليلة
انا قريت فالجامعة و علابالي بهاد الأمور
واش راح نقولك اختي كيفاه تمارسي الزنا و تصلي فالوقت
اسمحيلي راسي حبس
ربي يهديك
انا و كان تديري برايي انا اكبر منك سنا و متزوجة و عندي لولاد و الحمد لله
استري روحك قدر المستطاع و بدلي رقم الهاتف تاعك و تجاهلي هاد الكلب و كأنك ماتعرفيهش و توبي توبة نصوح لعل ربي يفرج عليك
ربي فيه غير الخير
و ادا هددك يقول لداركم و لا خاوتك ماتخافيش منو توكلي على ربي و امشي في الطريق صحيح و ماتخافي ماوالو
ادا تبتي صح ربي مايخاليكش
وديما ديري في راسك راكي ارتكبت جرم كبير في حق نفسك و والديك راكي تعتبري زانية...........راكي كبيرة بزاااااااااااااااااااااف هاد الكلمة
تريب جبل ادا جاتك انت نورمال
لا طاعة لمخلوق في معصية الخالق
و حتى الشاب الثاني اخطيك منو في يوم من الأيام يولي يعايرك و تعيشي معاه حياة ضنكى هادا ادا تزوج بيك اصلا تبانلي كي شافك .............. حاب يبروفيتي حتى هو كيما لاخر سيرتو علابالو بحكايتك ملييييييييح
المهم ربي يهديك للطريق المستقيم
و طمنينا عليك