الاغتصاب و خوفي من الزواج

[مشكلتي]

اهلا
حكايتي شوية معقدة انا كي كنت صغيرة تعرضت للاغتصاب و الحمد الله متفضتش البكرة المهم انا وراها تعقدت و وليت نخاف من اي وحد يقربي حتى بابا المهم فاتو سنين و عرفت واحد وقف معايا بزاف حتى وليت نحبو و هو الحق كان تاني يحبني المهم جا اهدر مع دارنا بصح دارنا ما قبلوش مي انا كملت معاه و زددت تعلقت بيه بزاف لانني صبت عندو الحنان و فاتو سنين و هو هاد العام راهو رايح يتزوج الهه يسهل مي انا دوكا كرهت كامل الرجال و ليت نخاف من كاش واحد يقربلي و الله غير وليت نخاف و دوكا راني خايفة و راني حابة نزيد نتاكد بلي مزالني عذراء من هداك الحادث جاوبوني والله ولين نكره حياتي و راني قريب نتزوج و راني خايفة من هديك الليلة مانيش حابة يقربلي كيفاش ندير

[sali-sali]

روحي اعملي فحص عند طبيبة نسائية
وعلاش تخافي.....خمي بعقلك ومش انتي اول وحدة تتزوجي
ربي يسهلك

[زرابة]

السلام عليك اختي انا اول شيء روحي عند طبيبة نسائي ومن بعد روحي عند طبيب نسائي لانك خص تتعالجي لكي تعيشي حياتك

[mitrochka]

أختي
روخي عند طبيبة نسائية للفحص

أما مشكلتك كرهك للرجال فمن الأفضل أن تستشيري إختصتاصية نفسية

[ryma la cool]

ربي يسهلك اختي بصح لازم نروحي للطبيبه و خلاص وربي يجيب الخير

[رحمة من المولى]

السلام عليك اختي انا اول شيء روحي عند طبيبة نسائي

[zima2012zima]

ربي يفتح عليك

[ايلول20]

ربي يسهل لك وييسر لك

[RANIA32]

ربي يسهلك امورك

[la princesse]

نظن بلي تعرضتي للتحرش مش للإغتصاب راكي قلتي ما انفظش غشاء البكارة
يعني ولا حساب كلامك مازالك عذراء شوفي كاش طبيبة نفسية وربي يجيب الخير
ربي يهنيك في حياتك

[bina]

اختي العزيزة انا نقولك احمدي ربي لانو غشائك مليح على عكس الفتيات مساكن لخرين الي شفتيه و انت صغيرة ماساة تتعرض ليها بنات بزااااااااااف و كاين حتى ما شي يفقدو بكرتهم برك يفقدو رواحهم اي يقتلوهم مساكن انت الحمد لله كبرتي و صرتي طفلة نتاع الزواج و ربي رحمك برحمتو و حفظك من كل سوء خلي ايمانك ربي كبير و الطفل الي حابة تتزوجي بيه هاد مكتوب ربي المهم روحي لطبيبة و كلك ثقة في نفسك ربي يسترك ان شاء الله نستنى خبر منك

[123boutheina]

السلام عليكم
أختآه لا املك الا ان اقول داوي مرضكِ وخوفكِ بالصدقة والإستغفار
أما الماض فانسيه والي فات مات عيشي حياتك بما يرضي الله من اليوم ورايح...

[djfr]

لا تخافي
كنت صغيرة
قضاء و قدر
.................
رب يجيب الخير
ان شاء الله

[Hamza touazi05521763]

ختي روحي لطبيبة ومتقلقيش روحك بالواسويس لانو راح تعقدك حاولي تكوراجي روحك

[دفئ المطر]

السلاام عليكم يا اختي الكريمة
اولا و قبل كل شيء ربي يجيبلك الخير و يهنيك في حياتك يا رب
اما فيما يخص حادثتك فحقاا هذا شيء مؤسف جداا
فما تعرضتي له قد تعرضنا الكثير من الفتيات لنفس حادثتك
فمنهن من تعرضت للغتصاب من اقرب الناس لها ....الاب.....الاخ....الخال.....العم ......
فهذه الظاهرة الدخيلة على مجتمعنا لا تزال تنتشر بشكل كبير

نصيحتي لكي و لجميع الفتيات اللواتي تعرضنا لهذه الحادثة المؤسفة ان تذهبي لاستشارة طبيبة نسائية في الامر
و من بعد الذهااب الى طبيبة نفسانية افضل ان تكون إمرأة لانها ستشعر بك اكثر من الرجل هي ستساعدك على تخطي الازمة بإذن الله تعالى

اما فيما يخص زوجك بما انه ساعدك كثيرا و و جدتي فيه تلك الخصال التي تحبينها فبإذن الله سيساعدك هو الاخر على تجاوز كل هذه الذكرياات القاتلة

الله معاك يا اختي و ربي يفرحك ان شاء الله واعلمي ان الله سيدخل الفرح في قلبك جزاءا لمعاناتك طيلة هذه السنين و كذلك لصبرك

ادامك الله بخير