مشكلة اختي مع زوجها

ANNA LEULMI · 2013-04-14, 10:59

صباح الخير للجميع ان شاء الله تكونو في صحة اختي عندها مشكل مع زوجها وعجزت عن تقديم النصح ممكن انتم تساعدوني عندها زوجها اناني ياسر ماشي شوية تزوج باها و هو في العائلة و عندو يماه مريضة و باباه كبير قلاها ديري ربي فيهم و تبعاتو هي وخدمتهم بنيتها عكس سلفاتها كل وحدة في جيهة و كانت تتعرض ياسر للمشاكل بصح ما يدافعش علاها ويحط اهلو ديمة في الصدارة و قبلت وسكتت وجابت معاه الاولاد يشوفها تتعب دار عايلة هاي ضياف هاي سنيات وجامي يقلهاراكي تعبت و المشكل جامي يقول راهي قلقت من الدار خلي نخرجها توسع بالها لا حتى كي تقلو خرجني على خاطر ما عندهمش المراة تخرج وحدها و الا نقصتها حاجة حابة تشريها يقلها هاي عندك الفاميليا روحي وسعي بالك عندهم على روحك الفامي نتاعو بصح احنا و الفامي نتاعنا بعاد علاها و هي تحب تخرج معاه هو وتحوس معاه مي هذا مستحيل حتى اذا لامت عليه يخرجها و يكرها في حياتها هيا انروحو يقوللها حتى على ماكلة يحب ياكل هو الماكلة المليحة وهي ما يهمش اذا قعدت لاها و الا لا ما يخممش فيها الحاجة لي يفرحها و كي تعاركو على الانانية نتاعو على خاطر هي ديمة تنتقدو ينقص شوية ويبين لاها حبو ومبعد يرجع كيما كان انا ما لقيت لاها
.حتى حل شوفو انتم واحكمو على خاطر على بالي كاين فاضلات في هادا المنتدى و ان شاء الله يفيدونا

زينوبة 45 · 2013-04-14, 11:17

الله يفرج عليها و يصلح بيناتهم

libanarim · 2013-04-14, 11:32

ربي يفرج علينا وعليها

كلمة مني · 2013-04-14, 13:07

السلام عليكم
هذا أناني الزوجة كون ماتلقاش كتف زوجها في أصعب المراحل ماذا تفعل به
الله يهديه مظلومة المسكينة والله يصلحو هذاك ماكان
كلمة نحبك ماشي غير بالسان بل فعل وتطبيق لازم يشفق عليها شوي
والسلام عليكم

ANNA LEULMI · 2013-04-14, 13:23

اقتباس:

المشاركة الأصلية كتبت بواسطة كلمة مني

السلام عليكم
هذا أناني الزوجة كون ماتلقاش كتف زوجها في أصعب المراحل ماذا تفعل به
الله يهديه مظلومة المسكينة والله يصلحو هذاك ماكان
كلمة نحبك ماشي غير بالسان بل فعل وتطبيق لازم يشفق عليها شوي
والسلام عليكم

شكرا على الرد باين بلي حسيتي صحصح باها مي انا قلتلها الرجال الكل معروفين بالانانية و الا لا واش رايك انت

هدايةقبل النهاية · 2013-04-14, 13:35

السلام عليكم
ربي يعطي لاختك الصبر
لكن ان الرجال كلهم انانيين شوية تجرح ^^ انا فاهم عندك الحق بصح ماشي كلهم. المهم نرجع لموضوعك, على اختك ان لا تيأس في محاولة كسب زوجها ولتعلم ان الامر لن يكون سهلا ولكن بالرفق والكلمة الطيبة والنصيحة ستجد ان شاء الله طريقا الى عقله ولتستعن بالله ولتكثر الدعاء وربي ما يضيعش عبادوا المهم دير في بالها ان ربي وش كتبلها هذاك هو الخير

sali-sali · 2013-04-14, 13:38

السلام عليك اختي

خليها ديما تبقى تهدر معاه...ولكن تعرف الوقت المناسب و الطريقة التي تنفع معه
فاهم شي هو الحوارو النقاش بين الطرفين

ربي يصلح هداالزوج..وقوليلهاالمهم مراهش يخون فيك و لا يضربك..هدا تاني جانب مليح
ومهما يكون اناني ممكن يكون فيه ايجابيات

bibicha · 2013-04-14, 14:32

الله يفرج عليها و يصلح بيناتهم

Ouided · 2013-04-14, 14:54

أختي دوركي الوحيد في حياة أختك هو الاستماع اليها والتخفيف عنها لا تحاولي التدخل في حياتها أبدا فالمرأة تعرف زوجها جيدا و تسنطيع التكيف مع الوضع بل وتستطيع عكس الوضع أيضا، أتركيها تحاول إيجاد الحل بأنوثتها بنفوذها كزوجة ولا تحولي تشتيت أفكارها بأفكارك فهي الوحيدة التي تستطيع تغيير شخصيته لأنها الوحيدة التي تعرفه جيدا من كل النواحي تعرف مراكز قوته ومراكز ضعفه
أنصحك ان لا تدفعيها ضد التيار وإلا سيرمي بها جانبا، لا تحاول التعنت أمام الوضع بل يجب أن تستغله وتجعل منه لعبتها،
مثلا لو كنت مكانهالاستعملت كيد النساء وجعلت من الأعمال المنزلية كل حياتي فلو جاء زوجي الأناني وأراد " عيش حياته" وجدني مهتمة بسواه ومنهمكة فيما يشغلني عنه وبما انه أناني يفضل كل جميل له سيبدل هو الوضع بدلا عني ومثلما نقول " هو لي يربح العيب مع الناس ماشي أنا" بكل الطرق نحاول نخليه يتأكد ان الشيء الذي أجبره على القيام به هو الذي أخذني منه والرجل بطبيعته نرجسي بعض الشيء يحب أن يكون هو الشمس و زوجته الكوكب الذي يدور في فلكه فإذا أحس أن هذا الكوكب أخذ مسارا جديدا سيصلح الوضع
وربي يهدي النفوس انشاء الله

htc.ws · 2013-04-14, 15:50

عليها دائما بالدعاء
يا حي يا قيوم برحمتك أستغيث أصلح لي
شأني كله و لا تكلني إلى نفسي طرفة عين

ANNA LEULMI · 2013-04-14, 16:50

[quote=هدايةقبل النهاية;1052273512]السلام عليكم
ربي يعطي لاختك الصبر
لكن ان الرجال كلهم انانيين شوية تجرح ^^ انا فاهم عندك الحق بصح ماشي كلهم. المهم نرجع لموضوعك, على اختك ان لا تيأس في محاولة كسب زوجها ولتعلم ان الامر لن يكون سهلا ولكن بالرفق والكلمة الطيبة والنصيحة ستجد ان شاء الله طريقا الى عقله ولتستعن بالله ولتكثر الدعاء وربي ما يضيعش عبادوا المهم دير في بالها ان ربي وش كتبلها هذاك هو الخير[uotاول شيء شكرا اخي على الرد والنصيحة واعتذر عن قول ذلك انا نسمعها ياسر هادي الكلمة مانيش حابة نعاودها مي يقولوها النساء ديمة و زيد اختي طاحت فيها واش حاب يكون احساسي مالة المهم شكرا لك على الاهتمام واعتذر مرة اخرى واتمنى منك الدعاء لها في الغيب

ANNA LEULMI · 2013-04-14, 16:55

اقتباس:

المشاركة الأصلية كتبت بواسطة ouided

أختي دوركي الوحيد في حياة أختك هو الاستماع اليها والتخفيف عنها لا تحاولي التدخل في حياتها أبدا فالمرأة تعرف زوجها جيدا و تسنطيع التكيف مع الوضع بل وتستطيع عكس الوضع أيضا، أتركيها تحاول إيجاد الحل بأنوثتها بنفوذها كزوجة ولا تحولي تشتيت أفكارها بأفكارك فهي الوحيدة التي تستطيع تغيير شخصيته لأنها الوحيدة التي تعرفه جيدا من كل النواحي تعرف مراكز قوته ومراكز ضعفه
أنصحك ان لا تدفعيها ضد التيار وإلا سيرمي بها جانبا، لا تحاول التعنت أمام الوضع بل يجب أن تستغله وتجعل منه لعبتها،
مثلا لو كنت مكانهالاستعملت كيد النساء وجعلت من الأعمال المنزلية كل حياتي فلو جاء زوجي الأناني وأراد " عيش حياته" وجدني مهتمة بسواه ومنهمكة فيما يشغلني عنه وبما انه أناني يفضل كل جميل له سيبدل هو الوضع بدلا عني ومثلما نقول " هو لي يربح العيب مع الناس ماشي أنا" بكل الطرق نحاول نخليه يتأكد ان الشيء الذي أجبره على القيام به هو الذي أخذني منه والرجل بطبيعته نرجسي بعض الشيء يحب أن يكون هو الشمس و زوجته الكوكب الذي يدور في فلكه فإذا أحس أن هذا الكوكب أخذ مسارا جديدا سيصلح الوضع
وربي يهدي النفوس انشاء الله

اشكرا حبيبتي على الرد وصدقيني انا غير نسمع لو كان جا عندي حل او نصيحة او كلام نقولهولها ما نحط مشكلتها في المنتدى عجزت انا وليت فوضتكم انتم بعد ربي عز وجل

yousra14 · 2013-04-14, 22:40

عجزت عن ايجاد حل لان الوقت فات هي الان ام وقبلت من البداية ان تعيش مع العائلة وانا ضد العيش مع العائلة الا

اذا كان وحيد والديه هنا لاااااازم تبقى معاهم حتى يبقى القدر والاحترام بين الجميع وهذه من حقوقها الشرعية في

الاسلام لاكن الان ما عليها الااااااااااا مواصلة الصبر ومساعدة زوجها على البر بوالديه واسعادهما لانه هذه هي

نييته وو الله العظيم اذا فعلت ذلك سيبارك الله لها في صحتها وصحة ابنائها وعليها الاكثار من الاستغفار سلام

maiar · 2013-04-15, 08:47

مسكينة والله غاضتني ربي يفرج عليها و يسخرلها زوجها و يصلح بيناتهم

ام نسمة · 2013-04-15, 11:14

ان شاء الله يصلح حالو ويفرج عليها