بيتزا محشية بالجبن

[touha @]

بيتزا بالدجاج و التن و محشية في الاطراف بالجبن


حضرتي صوص تاعك العادية متنسايش رشة سكر و جيبي صدر جاج قطعيه مربعات صغار و حبة بصل مقطعة مربعات تاني صغار و شوية وراق الزعتر حرور ملح زيت
حمي الزيت و قلي فيه البصل حتى يطيب ضيفيلو دجاج و الملح و حرور مين يوجدو زديلهم رشة زعتر و تونا

اما عجينة البيتزا كلنا نعرفوها المهم بعد ما تخمر شكلي كورة كبيرة حليها بالحلال دائرية شكل البيتزا رشي فرينة في سنيوا خاص بالبيتزا مبعد حطيها فيه و زيدي شكلي كريات صغار من العجينة و حشيهم بالفرماج و ستفيهم فوق العجينة تاع البيتزا لراهي ف السني ديري وحدة بجانب وحد ة حتى دوريهم قاع على كيما ف الصورة و خلي الفراغ بين الكريات لخاطرش رايحة تنتفخ و تكوني وجدتي الحشو طلي الوسط ب صوص كتري شوية و زيدي الحشو و حطي حبات زيتون اسود و رشي شوية زعتر يعتيك بنة 44444444 دخليها الفرن مين طيب دردري فرماج رابي ملفوق عودي دخليها 2د حتى يدوب و غير تخرجيها دريها في صحن حتى متعرقش و تطرى و المايونيز اختياري
و بنينة بزاف ادعولي برك و لتجربها تقولي كفاش خرجتلها راني في الانتظار