احتاج المساعدة

[مشكلتي]

السلام عليكم
من صغري تمنيت يجي نهار نتزوج فيه و كنت خايفة نكمل حياتي وحدي. عايلتي ديما يسمعولي باللي مانيش شابة حتى مرة اختي قالتلي لازملي عملية تجميل. هذا الشي خلاني نشك باللي حد ماراح يتقدملي خاصة انو خواتي الاصغر مني كانو يتقدمولهم فقررت نقبل اي شخص. حتى للنهار اللي تقدملي واحد فرحت و اكيد قبلت بصح هو لما شاف اختي بدل رايو و خير يخطبها هي و اهلي رفضو. هذي الحكاية اثرت في بزاااف و خلاتني نرفض الراجل اللي تقدملي من بعدو و حلفت ما نتزوج الا اللي نحبو و يحبني باش نضمن ما يغدر بيا. و مرت الاعوام و حسيت الوقت راح يفوتني و قررت ننسى حكاية الزواج و نملى الفراغ بالدراسة. انا اليوم 27 سنة تعرفت على واحد في الفايسبوك صرنا اصحاب و تعلقت بيه. مرة عرض علي الزواج و صح جاني للدار و خطبني من اهلي. اهلي كانو رافضين خاطر ظروفو صعيبة و انا حاربتهم على جالو و خليتهم يقتنعو و رفضت اثنين تقدمولي من بعدو و اللي يسألني نقولو راني مرتبطة. ما نيش حابة نطول عليكم اكثر و ندخل في التفاصيل
المهم بعد كلش صار و اهلي قبلو.. فاجأني هو و شرط علي نلبس النقاب باش يتزوجني و الا نعتبر روحي حرة و كلش ينتهي بيناتنا. انا متحجبة و الحمد لله. ما نيش مقتنعة بالنقاب و غاضتني روحي خاطر ما خبرنيش بهذا الشرط من قبل و يحوس يحطني في الامر الواقع و قاعد يبتزني بحبي ليه. .................... و المفروض نتحاورو حتى نلقاو حل يرضينا لكن طريقتو في الكلام خلاتني نحس باللي ما يحبنيش و ما يخسر والو اذا تفارقنا.
من جهة خايفة نخسرو و من جهة خايفة يكون متشدد و ما نتحملش العيشة معاه. خايفة من بعد الزواج يفرض علي حاجات اخرى. لانه اعترفلي كان حاب يفرض علي النقاب بعد الزواج خاطر كيما قال هو هذاك الوقت كلمته هي اللي تمشي خاطر هو الراجل و مستحيل نقدر نرفض.
عاونوني واش ندير

[اسماء الشريفة]

ربي يوفقك لما فيه خير توكلي على الله

[sali-sali]

صلي استخارة
وتناقشوا في الموضوع
ادا تفاهمتو ربي يكمل بيناتكم
ادا لالا من ضروك كل واحد في طريقه...خير من لي تجي تكتبي موضوع اخر نتاع طلاق

ربي يجيب الخير

[mitrochka]

السلام عليكم أختي
المشكلة ليست في النقاب أو أي أمرآخر
لكن طريقته في إرغامك على الأشياء بأسلوب الأمرالواقع مخيفة
على كل صلي الإستخارة و أكثري الدعاء

كان الله معك

[يوسف برياني]

***_ربي يهدي ما خلق__
.........حكم النقاب.................

[zima2012zima]

ربي يفتح عليك

[*نآدرة~]

لست ادري ماذا أقول لك،شرطه عادي جدا فكثير من الأزواج يحبون ان ترتدي زوجاتهم النقاب لكن ما حيرني طريقة طرحه للفكرة،أليس المفروض ان تتحاورا لتصلا الى حل يرضي ويقنع الطرفين،ان كنت تحبينه وتحترمينه وتريدين ان تكملي حياتك معه فالاولى ان تقبلي بشرطه فسخيف جدا ان تنهي علاقتك معه بسبب عدم قبولك لهكذا شرط
ربي يعينك ويفتح عليك ويسهلك زواجك ويتمملك بالخير
موفقة

[bina]

اختي وش الي خير انك تكملي حياتك و انت وحدك لا حد يحس بيكي و لا حد يطبطب عليكي و طفل يقولك امي و لا ان تكوني ملكة و اميرة على عائلة صحيح حنا في زمان ادا قال الراجل للمراة انو ادا نتزوجو تلبسي النقاب صح صعيبة علينا علاه على خاطر الشيطان اوسوس لينا و زيد حنا نعيشو على اراء الناس وواش اقولو علينا و ارضائهم قبل ما نرضيو رواحنا النقاب اول حاجة سترة و الزواج سترة ربي سبحانه يحطنا في طريقنا ناس ينصحونا و نورونا طريقنا بصح حنا نشوفوها تقيد و فرض عليا و قهر لشيء الي نحبوه و تحطيم الدات ماشيء هداية و توبة المهم اختي لوكان وحدة تقوليلها هاد الشيء و هي عانس تقولك لوكان اقولي وش اقول نديه لانها علابالها بلي اهم حاجة الزوج في حياة المراة لانو هو في حد داتو سترة قدام هاد الزمان الصعيب المهم الحل راهو في يدك حاولي تقنعيه بتغيير شوية من لباسك متلا البسي ليغوب و لا الجلبات و زيدي الحكمة من بكري الحكمة للراجل يا اختي عمها تبدلت و زيدي انت متعفيهش و ما عشتيش معاه ممكن تقدري تقنعيه و تربحو سعادتكم بالرضى نتاع ربي و رضى زوجك

[semayaalg]

اليوم قالك النقاب وغدوة يقولك تعرفت عليك في الفايسبووووووووووووووك

استخيري يا اختي الكريمة كل ليلة ولا تتوقفي حتى يطمئن قلبكي إلى قرار معين
وان لم يكن من نصيبك فسيصرفه الله عنك
وانتي عمرك 27 ماشي 40
واذا كتب لك ربي تتزوجي راح تتزوجي

بالتوفيق

[أم رمزي]

السلام عليكم


لمادا لم يقول لك من قبل علي النقاب وخلاك حتي تقدم الي أهلك مادا يقصد الحكاية فيها ان

[mahdi-19]

أختي الكريمة اذا كنت تحبينه حقا و ترضين به زوجا لك فما من مشكلة في النقاب فأنت تفعلين ما يرضي زوجك و يعجبه و نفس الشيء بالنسبة له

[صالح القسنطيني]

زواج الفيسبوك .........

[sarah1424]

المشاركة الأصلية كتبت بواسطة semayaalg

اليوم قالك النقاب وغدوة يقولك تعرفت عليك في الفايسبووووووووووووووك

استخيري يا اختي الكريمة كل ليلة ولا تتوقفي حتى يطمئن قلبكي إلى قرار معين
وان لم يكن من نصيبك فسيصرفه الله عنك
وانتي عمرك 27 ماشي 40
واذا كتب لك ربي تتزوجي راح تتزوجي

بالتوفيق

klamk swab 100%

[محمد جديدي التبسي]

طلب النقاب أمر جيد جدا ويدل على الوعي لا التشدّد
لا تجعلي من النقاب عائقا إذا كان هذا الرجل حسن الخلق ورزين وسمعته جيدة ويعامل الناس باحترام

[اسعى لرضى الله]

ومن قال لك ان الله يوزع الارزاق على حسب الجمال


فكم من جميلة تزوجت رجلا لم يحترمها ولم يقدرها وتزوجت قبل قريناتها


وكم من اطلقو عليها انها ليست جميلة تزوجت رجلا عاشت معه احلى ايامها


فلا تغتري بقوانين البشر في توزيع الرزق وصلي صلاة الاستخارة للشخص الذي طلبك وان لم يكن شيء بينكما ولم يقدر الله لك الزواج منه فاعلمي انه سوف يرزقك زوجا افضلا منه لان ممكن يكون ابتلاء ولا تقللي من شان نفسك وثقي في نفسك ومن قال لك لست جميلة فهل هو الذي خلقك ام الله ؟

وصدقيني الزواج ليس على حسب الجمال او شيء اخر هو رزق يعطيه الله لك متى ما اراد فتمسكي بالله واطلبي هذا الرزق منه فهو القادر ان يمنحك زوجا لا يخطر ببالك ولا ببال من نعتوك بانك لست جميلة

قومي الليل وتوكلي على الله ولا تفقدي الامل فوالله لا شيء في الدنيا اصعب على من خلقك فهو بكلمة يحقق لك ما تريدين فلا تعلقي امالك بالعباد وهم لا يملكون لك لا ضرا ولا نفعا

ان سمعت لكلام الناس فهم سيحكمون عليك بالاعدام فالخيار لك ان تتمسكي بما قالو او بما قال الله