السلام عليكم
هادي اول مرة نحط وصفة في هاد القسم بصح ما صورتش اسمحولي الخطرة الجاية نصورلكم هادا الوصفة اعطاتهالي وحدة سورية و قلت و الله ما نبخل بيها:
دركا نعطيكم الوصفة نجيبو مقلة كبيرة نديرو فيها 500غ اسكالوب(ولا لحم ولا دجاج) مقطع صغير+حبة طرشي(فلفل حلو) مقطع صغير+حبة طماطيش مقطعة صغيرة+حبة بصل مقطعة جوانح+2 سنينات توم مرحيين+عصير حبة قارص
و بانسبة للتوابل نديرو شوية كمون+قرفة+فلفل اكحل+ورقة رند مقطعة صغير و نزيدو بواطة ياورت طبيعي)هوما يديرو اللبنة) و مغرف صغيرة طماطم مصبرة تخلطي كلش مليح و ديري الزيت و حطي فوق الفورنو حتى يطيب كلش ويبدا اسكالوب يحمار مبعد ديري سندوتش بالخبز السوري
وعلى جهة جيبي بواطة petit suisse ولا ياورت ناتور وزيديلو شوية مايوناز و هاكدا يديروها في سوريا و شهية طيبة
( تقرير عن مشاركة سيئة )، و الموجودة أسفل كل مشاركة .
2013-01-23, 22:29
شاورما سورية احسن من نتاع المطاعم
العرض الشجري