خبيز الشوبينيون إقتصادي ولذيييييذ

درة بيتي · 2013-02-24, 22:43

[/IMG]السلام عليكم جبتلكم غير وحدة إسمحولي أكلناه ونسيت التصوير بقت هاذي قلت نصورها معليش المهم حبيت تستفادو معايا لإني درته وخرجلي هايل إذا عجبكم نحطلكم الوصفة متبخلوش عليا بأراءكم يافحلات الجزاير[IMG][/IMG]أختي تيرو أختي أم راضية شكرا لكما على المرور الطيب وشكرا حتى للأخوات إلي مرو مرور الكرام بدون ولو كلمة وحدة للتشجيع المهم نبدا على بركة الله الوصفة العجينة كاس نشاء وكاس فرينة وكاسين سميد ملعقة كبيرة خميرة الخباز وبيضة وملعتان زبدة بدرجة حرارة الغرفة وملعقة صغيرة سكر وثلاث ملاعق ك حليب غ وتعجنيها عادي بماع دافي ما تسحقش الدليك وتغطيها بساشي مبلولة وتخليها تخمر شوي علا ماتكوني حظتي الحشو وهو دجاج مقطع مكعبات حسب وش عندك وتقليه مع بصلة محكوكة في شوي زبدة وكي تشوفي الدجاج بدا يطيب يعني نص طياب تفرغي عليه باطة شومبينيون مصبر وتوطبعا تكوني تبلتي اللحم كيما تحبي وكي يطيبو طفي عليهم زيديلهم زيتون أسود مقطع ودبشة مقطعة وحبتين ولا تلاثة بيض مغلي ومقطع وتحلي العجينة دوائر تعمري الطبقة وتغطيها بالثانية وتدهني بحبة بيض مخفوقة مع قليل من عصير الليمون وتزيني كيما في الصورة بالفرشيطة وشرائح الزيتون الأخضر وتدخليها الفرن درتها مع شربة فريك جات هايلة حبوها لكبار والصغار إن شاء الله تجربوها وتعجبكم

terrou · 2013-02-25, 00:11

هاييييييييل هاييييييييل هاييييييييل

الوصفة الوصفة الوصفة الوصفة الوصفة الوصفة الوصفة الوصفة

ام راضية · 2013-02-25, 06:46

رائعععععععععععععععع يعطيك الصحة

درة بيتي · 2013-02-25, 13:46

شكرا جزيلا نورتن الصفحة بمروركن المتميز تم التعديل وإضافة الوصفة

Nadjwa270 · 2013-02-25, 13:55

merci pour la recette
tacha3li cuisiniere mal fouk wa man taht walla gir man taht w min tib tacha3lilha man fouk?

Nadjwa270 · 2013-02-25, 14:02

w tani baghi na3raf ch halman khobza dirlak hadi lmakadir
khboz kbar walla sghar

درة بيتي · 2013-02-25, 15:00

بارك الله فبك أختي نجوى على اامرور الكريم الفرن حبببتي تكوني سخنتيه من قبل مليح يعني شعلتي الفوق والتحت وكي دخليها طفي الفوق وغير تشوفيها طابت من تحت حمريها من فوق متديش وقت كبير في الطياب سورتو إلى كان الفرن تاعك مليح والكمية خرجتلي 6خبزات متوسطين يعني الباس تقدري تقولي زاكي