وبش أداني لزوج نسا - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات الثّقافة والأدب > قسم الإبداع > قسم الشّعر الشّعبي

قسم الشّعر الشّعبي قسمٌ مُخصّصٌ لإبداعات الأعضاء في الشّعر الشّعبي.

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

وبش أداني لزوج نسا

إضافة رد
 
أدوات الموضوع انواع عرض الموضوع
قديم 2013-03-08, 03:28   رقم المشاركة : 1
معلومات العضو
آدم نجيم
عضو مشارك
 
الصورة الرمزية آدم نجيم
 

 

 
إحصائية العضو










افتراضي وبش أداني لزوج نسا

قولو لي يا إخوان.... شبان رجال ونسوان

راني عايش في لمحان....وضياق علي لمكان

عيب تخلوني في حيرة....ماهيش ساهلة خطيرة

أنا خوكم يا اهل الغيرة....قبل ما نلبس الأكفان

نشرح عيب علي نخبي....على شيبي عماني ربي

في الغرام اصبحت مدربي....وهاهي اخباري بما كان

عندي ثلاث اولاد ومرتي....ثلاثين عام قلتلها كبرت

وخذيت وحدة نتيجة بنتي....واحسبت روحي مالشبان

الزوجة الأولى قالتلي....باولادي ما تفرط في

ما نخليك تروح علي....للضرة ويخلى لمكان

أنايا مولات الدار....وأم لثلاث ولاد صغار

تهرب عنا عيب وعار....واش يقولولي النسوان

نغلق بابي ونخرج عنها....ونزور الثانية نطمنها

نفهمها ونتبرى منها....من الغيرة والعصيان

قاتلي أنا طفلة صغيرة....لازم تحكمني الغيرة

تخليني وحدي في حيرة ....ما نقبل يوم أو يومان

قلتلها أنا موظف....باولادي وداري متكلف

انزورك لازم واخفف....وانولي هاذا ما كان

بدرت للأهالي تشكي....واللي تشوفوعني تحكي

تندب تعيط وتبكي....ودموعها تسقي فدان

خليتها جيت للجزائر....متنكد متعذب حاير

ولعنت اللي دار ضراير....مثلي في هاذ الزمان

ادخلت لداري في حالة....مرتي دارتلي شقلالة

قالت يا عرة الرجالة....تخليني مع الصبيان

يلعن الضرة عجباتك....هاهي فالمحنة خلاتك

على آخر عمرك جاتك....زهواني وبيها فرحان

المرا اللولة تشقلل عني....والثانية زقاها هبلني

عقلي طار وسافر عني....ليل ونهار في لمحان

هارب ليكم يا لحباب....راني مخلخل راسي شاب

راني مشتت عقلي غاب....ما الضراير يا إخوان

شوفولي كاش حل....قبل ما نهبل ونختل

أو للحراش نسهل....نقضي حياتي في لسجان








 


رد مع اقتباس
قديم 2013-03-15, 18:26   رقم المشاركة : 2
معلومات العضو
samo2012
عضو مجتهـد
 
الصورة الرمزية samo2012
 

 

 
إحصائية العضو










افتراضي

ههههههههههههه واش داك ياراجل الوقت اللي رانا فيه وحدا ومتسلكش راسك معاها وين زوج
المهم شعر رائع وبارك الله فيك










رد مع اقتباس
قديم 2013-03-17, 17:16   رقم المشاركة : 3
معلومات العضو
nina32
عضو مشارك
 
الصورة الرمزية nina32
 

 

 
إحصائية العضو










افتراضي

يا صاحبي كون صبار و الصبر على ماجرالك ............ الرقد على الشوك عريان حتى يطلع نهالاك
.
.
.
سوق النسا سوق مطيار .....................يا داخلو رد بالك
يورولك من الربح قنطار........................ويأكلوا من راس مالك










رد مع اقتباس
قديم 2013-04-01, 13:38   رقم المشاركة : 4
معلومات العضو
hamida zidani
عضو مشارك
 
الصورة الرمزية hamida zidani
 

 

 
إحصائية العضو










افتراضي

هايلة فووووووووووور يا خويا هههههههههههههههههههه مضحكة تاني










رد مع اقتباس
قديم 2013-04-02, 16:27   رقم المشاركة : 5
معلومات العضو
bikou1
عضو جديد
 
إحصائية العضو










افتراضي

merciiiiiiiiiiii










رد مع اقتباس
قديم 2013-05-26, 15:26   رقم المشاركة : 6
معلومات العضو
lolo mimi
عضو مميّز
 
الصورة الرمزية lolo mimi
 

 

 
إحصائية العضو










افتراضي

شككككككككككككككككككككرا










رد مع اقتباس
إضافة رد

الكلمات الدلالية (Tags)
لزوج نسا, اخاني, ناس, كنت مهني


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 21:13

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2024 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc