سؤال عن الخياطات في باتنة

amaniam · 2013-03-28, 12:03

من فضلكم اريد ان اسالكم على الخياطات في باتنة خاصة قنادر الدار للعرائس نتمنى تكون تخيط مليح لاني دورت بزاف حتى دخت ولي رحلتهم كامل لافينيسيون نتاعهم مايش مليحة ورب يحفظكم

amaniam · 2013-03-28, 12:07

راني سمعت كاين خياطات في تازولت ملاح تعيشو الى تعرف نتعتلي العنوان بالضبط ولكم كل الدعاء

meriem fleur · 2013-03-28, 12:18

انا نعرف وحدة في باركافوراج قدام متوسطة طارق بن زياد .تخيط روعة
ختي خيطت جهازها كامل عندها

amaniam · 2013-03-28, 12:40

شكرا حبيبتي تقدري تقوللي واش تخيط بالضبط

meriem fleur · 2013-03-28, 13:36

تخيط قفاطن فنادر درا قنادر عراس .لي زونسمبل
ختي خيطت عندها فقطان يحبس راس وخيطت عندها اونسومبل تاع قطيفة باهي يهبل وقنادر دار لي يشوفهم يقولها اعطيني نخيط عليهم

SIRADJSIRIN · 2013-03-31, 20:57

نتاع بارك فوراج حالة اتلي ولا تخيط في الدار تعيشي جاوبيني سكنت في بارك فوراج 4 سنين عيت نعرف خياطة مليحة

omseheil · 2013-03-31, 21:56

كاينة خياطة روعة انوصيك بيها جاية فالطريق اللى تدي لدار الشباب فالديزناف 19 مور الجامع تاع اول نوفمبر تحكمي الطريق هذك طول حتى تلقيها انا خدمت عندها بزاف حوايج روعة واذا ملقيتيهاش او مفهمتيش انعاودلك العنوان بوضوح

meriem fleur · 2013-04-02, 17:36

الخياطة تاع باركافوراج تخيط في دارها
قتلك راي في رود تاع سيام طارق بن زياد

سليلة ذات النطاقين · 2013-04-02, 17:49

كاينة واحدة في تامشيط وسمها سعاد تخدم في دارها تخيط قنادر تاع الدار كاراكو ساري طرز الميكرو كلش المهم خدمتها تهبل وعندها غير الجديد
جاية فالرود اللي ورا مسجد شراد سقسي ثما يوريوها لك راهي معروفة

rosa allia · 2013-04-02, 20:36

أنا ثاني من بارك أفوراج ونعرف وحدة جارتنا إسمها لويزة جاية كيما الإبتدائية نتاع أوشن الطاهر سقسي عليها ينعتوهالك la finition نتاعها ماتتعاودش وتخدم كلشي قنادر ملاحف كاراكو قفاطن ودير طرز ميكرو، وكاين ثاني واحد إسمو عصام في الزمالة يدير gros fil حوايجو هايلين، وكاين ثاني هاذوك زوج خياطات اللي قدام بعضاهم في 5 juillet في الطريق اللي يهبطو منها les bus يديرو قنادر ملاح

amaniam · 2013-04-04, 16:24

[QUOTE=omseheil;13510766]كاينة خياطة روعة انوصيك بيها جاية فالطريق اللى تدي لدار الشباب فالديزناف 19 مور الجامع تاع اول نوفمبر تحكمي الطريق هذك طول حتى تلقيها انا خدمت عندها بزاف حوايج روعة واذا ملقيتيهاش او مفهمتيش انعاودلك العنوان بوضوح[/
اختي ماذا بيك تزيدي توضحيلي اكثرQUOTE]

SIRADJSIRIN · 2013-04-07, 17:58

شكرا حبيباتي على المساعدة وانشاء الله نتاع بارك افوراج قدام اوشن الطاهر نخرج عليها ليه ليه حابة نخيط قفطان و انا ساكنة قريبة من اوشن الطاهر

suzulady · 2013-04-08, 23:45

ننصحك بسعاد في ليكوتاك لي ورا الولاية ،عمارة 13 الطابق الاخير،تخدم القنادر روعة روعة ولافينيسيون تاعها تهبل