السلام عليكم و رحمة الله و بركاته
بسم الله
مرقة الجلبانة (اي طجين بالجزائري),
المكونات :
لحم مفوح بالملح و الفلفح الاسود و كركم و سنة ثوم مقطعة (هنا بقري, و انت و اختيارك : دجاج بقري و الا علوش)
زيت زيتون, بصلة متوسطة مقطعة, 1 طماطم مقطعة (اختياري), 2 فلفل, 1 م ك طماطم معجونة, 1 م ص معمرة مليح بالكركم, نصف م ص فلفل أحمر, فلفل اسود و ملح قليل. حبة بطاطا كبيرة مقطعة طوليا (اختياري), معدنوس مقطع, 3 حبات قنارية مقطعين نصفيا (قرنون بالجزائري)انا هنا ماكانش عندي.
الجلبانة من 300غ ل500 غ حسب الرغبة, و السر هنا : قبل ما تطبخي المرقة خلي الجلبانة تغلي في ماء فيه شوية ملح لمدة 5دق او اقل و اطفي عليها و غطيها, في نفس الوقت ابدئي الوصفة:
الطريقة : قلي البصل في زيت الزيتون و زيدي اللحم, قليه شوية, زيدي الطماطم (الطازجة و المعجونة) و بقية البهارات مع شوية ماء, مدة 10 دق تقريبا,
ثم امرقيها بالماء اللي يغلي مع الجلبانة, و اذا عندك القرنون حطيه في هذه المرحلة.
بعد مدة اذا اللحم مازال ما طابش يمكن زيادة الماء , لكن يجب ان يكون يغلي ,
اول ما يطيب اللحم زيدي البطاطا,
بعد ما تطيب البطاطا زيدي الفلفل و المعدنوس المقطع , خليها حتى تبدا تخثار, و طفي عليها النار.
في التقديم رشي عليها معدنوس و شوية بصل مقطعين.
ملاحظة : خذي حذرك من الملح لأنك حطيتي قبل مع اللحم و مع الجلبانة.
( تقرير عن مشاركة سيئة )، و الموجودة أسفل كل مشاركة .
2012-04-25, 14:59
مرقة الجلبانة التونسية
العرض العادي
