الى طلبة الطب

[مرايا الطلاب]

باسم الله والصلاة والسلام على رسول الله

كيف حالكم طلبة الطب في كل مكان ؟؟

كيف مرت عليكم الاختبارات كأول تجربة ؟؟

هل ظهرت عليكم علامات الاستفهام الخاصة بماروكو بسبب بعض الاسئلة أو النقاط المفاجعة؟؟

كيف هي الدراسة وأجوائها بشكل عام ؟؟

أنا باختصار لحد الان عرفت أن معظم الطالبات لدينا

يعرفن من الكتاب أقصد القران *-* ان العين حق *-*

ويتجاهلن *-* وبنعمة ربك فحدث *-*

كل ما نخرجو من القاعة اكل يهدرو على 05

يتعلقوا النتائح اللي تدي نقطة لاباس بيها تخرج ما تهدرش مع العباد

وعلاه؟؟ ماعجبتهاش

صراحة عندي واحد الصديقات هبلوني ... أقسم بالله غير نبغي مع نخرج نهز طيارة بش ما نسمعهمش

عندنا وحدة ادا دات 17 تغيظها وأنا نحمد ربي والله ندي 10 برك نفرح بيها

وغير اللي تقولك أنا كنت وكنت وكنت ......... بصح المشكل اللي دارو طب اكل كانوا

قسما بالله نقعد غير نسمع ......

وادا سكت يقولولي نتي ماكيش داخلة للراطراباج باين عليك

بصح واش نقولهم ربي يهديهم

وثاني حاجة مهمة ينساوها بلي الانسان يحمد ربي على السراء و الضراء

وكاين اللي يرضى بالقليل ويحمد ربي عليه

وأنا شخصيا مدايرة ثقة كبيييرة في ربي سبحانو بلي ادا نحالي من حاجة يعوضني بحاجة خير منها ألف مرة

خلاصة القول أخاوتي ...ادا كنت من أصحاب هده العقليات فانما نقولكم مال تنساوش *-* فأما بنعمة ربك فحدث*-*

وراهي النعمة اللي ماتحمدش عليها ربي اليوم تروح وماتوليلكش

ادا كان هادي هيا اللي حابين توصلولها فماشي غير بالطابليا

راي كاينا حاجة يسموها اخلاص النية و الابتسامة و التواصل الاجتماعي

بالتوفيق لكم جميعا وان شاء الله كل واحد يخدم بصدق يلقا الخير اللي زرعو

وما تنساوش