السلام عليكم اختي نتمنى نقدر نفيدك
شوفي في المشكلة الاولى عندك السؤال والمشكلة ورح تطرقي فيها الى الفرق بين السؤال العلمي والسؤال الفلسفي
وفيها بطريقة جدلية هل لكل سؤال جواب
المشكلة الثانية المشكلة والاشكالية ورح تلقاي فيها هل الاشكالية هي نفسها المشكلة
ومباعد يجي الفكر بين المبدا والواقع ولا المنطق
الي فيه انطباق الفكر مع نفسو والي لازم تعرفي فيه الفرق بين المنطق الارسطي الي هو القديم والمنطق الرمزي وفيه مقالة على هل المنطق الصوري هو الضامن الوحيد لسلامة الفكر يعني هل هو الي يعصمنا من الوقوع في الخطأ ورح تكون جدلية ولازم تكوني تعرفي العلاقة بين المنطق لارسطي والمنطق الرياضي هل هي علاقة اتصال ام انفصال
وفيه انطباق الفكر مع العالم الخارجي ولا الواقع ورح تلقاي فيه بطريقة جدلية بما انو المنطق الاستقرائي ياخد بالاحكام المسبقة ميقدرش يوصل للانطباق ومباعد تخرجي بنتيجة بلي مش ديما يستعمل الاحكام المسبقة ساعات يقدر يرفضها وكاينة فيه ثاني مقالة جدلية حول كيفاش هدا الاسلوب المنطقي يضمن لنا الوصول الى الحقيقة
ومباعد في لخر تلقاي مقالة جامعة بيناتهم جدلية والي مشكلة الوصول الى الحقيقة نصل اليها غن طريق انطباق الفكر مع نفسو ولا مع الواقع
بالنسبة ليا انا راني هنا برك مي علابالي ثاني بلي كاين على الرياضيات والمطلقية والي هي مقالة جدلية هل مصدرها عقلي ام تجريبي
وكاين في العلوم التجريبيةوالعلوم البيولوجية وكاينة مقالة هنا عجبتني في المنتدى موضوع تبالي بعنوان الفسلفة
وكاين مقالة في العلوم الانسانية والعلوم المعيارية
ومباعد ندخلو في الحياة بين التجادب والتنافر منيش مطلعة عليهم مليح وننصحك اختي بكتاب خارجي انا عاوني بزاف اسمو السامي في الفلسفة
نتمنى نكون افدتك وادا كاين اخطاء ارجو تصحح
( تقرير عن مشاركة سيئة )، و الموجودة أسفل كل مشاركة .
2013-04-01, 15:34
ماهي المقالات الفلسفية المقررة لشعبة العلوم التجريبية ؟
العرض العادي
