الى الاخت المسلمه 21 الصدر الي وعدتك

[وردة المنتديات]

راني خدمت عينه من الصدر الي وعدتك بيه
ماعنديش الخيط باه نخدمو وزيد راح نسافر هذا الايام مانجمش نخدمو كامل
سامحيني طولت عليك
هذا الصدر


وهذا الباترون


اول شي تخدمي سلسله هما دارو فيها 420 عين انتي شوفي كما تحبيه يجيك ولا قيسي على صدر قديم يجيك سواسوا
السطر الاول تخدميه كله عواميد بلفه شوفي راني صورت لك

الباترون تاعهم دارو 104 غرزه بيناتهم هذوك الاربعه باش يجيك الصدر شوي داير
104 من قدام و104 من الخلف بالنسبه للكتفين تخدمي عادي ماتزيد ماتنقسي تقيسي على كتفك وتشوفي الطول المناسب

السطر الثاني تخدمي سلسله من 5 غرز تخلي 4 عواميد كل مره وتكملي الخدمه ماتنسايش هذوك الاربعه

السطر الثالث :تخدمي 3 عواميد وسلسله من 3 غرز ثم غرزة حشو ثم 3 عواميد الى نهاية السطر


السطر الرابع:

تخدمي سلسله من 5 غرز ثم غرزة حشو الى اخر السطر


وتكرري الخدمه حتى النهايه



ان شاء الله يكون الشرح واضح واي سؤال راني هنا

نسيت نقول لك هما خدموا بعد كل 5 او6 سطور عمود بلفه و3 سلسله باش يديرو الدبله انا مانحبهاش وانتي شوفي اذا تحبي ديريها لازم تخدمي كما هما والا اطلعي طول