مساعدة جازاكم الله

amir-kennedy · 2013-03-30, 23:16

السلام عليكم خوتي

وددت الاستفسار منكم بصحة المعلومة بشان من تحصلوا على شهادات عليا من الجامعة و يريدون اعادة الباكلوريا للتسجيل في شعب اخرى هل يلزم انتظار 5 سنوات لاعادة اجتياز الباكلوريا ان كانت هذه المعلومة صحيحة فهي كاااااارثة عظمى ؟؟؟؟؟؟؟؟؟؟؟؟؟؟

سطايفية بكل فخر · 2013-03-31, 09:30

السلام عليكم راهو جا دوري باش نرجعلك المعروف والمساعدة لي قدمتهالي
فيما يخص عفسة 5 سنوات هي خاصة بنفس الباك لازم تستنى خمس سنوات من سنة تخرجك باش تعاود تسجلبيه في تخصص اخر
+
اما في ما يخص اعادة باك ثاني اخي راهي مجرد اقاويل ولحد الان مطبقوها على حتى واحد
وشخصيا بنات لافامي تاعنا عاودو الباك وراهم يقراو بالثاني ومصدر في حقهم حتى قانون
بالتوفيق ليك

yacine-08 · 2013-03-31, 12:44

لقد قرأت في الجريدة حول هدا القانون .

لا اعلم مدى تطبيقه .

حتى تسجيل في الباك 2013 ، فاتك الوقت

شوف مع التكوين المهني ، راه كاين تخصصات بالاك تلقى فيهم الخدمة اكتر من شهادتك الجامعية خاصة نحن اصحاب التسيير

راه كاين دورة تسجيل في فيفري .

في الحقيقة ادا طبق راه كارتة كبيرة كما قلت ، لمادا يصعبون الامر على من يريد الدراسة حتى انهم من يجوز كونديدا ليبر ويكون لديه باك من قبل يخلص 5000 دج ...متعمدين في وضع عراقيل تمنع المترشحين في اعادة الباك خاصة الدي اخدوه من قبل .

yacine-08 · 2013-03-31, 12:46

اخي امير ،

ما هي اخبار الماستر ؟

هل من جديد حول التوظيف ؟

وهل سجلت في دوكتراه وكيفية الانتقاء و ما مدى توفرها ؟؟

amir-kennedy · 2013-03-31, 14:37

شكرا ليك اخت سطايفية عن المساعدة الحقيقة انا حاب نفوت باك جديد باش نتهرب من الخدمة الوطنية برك زيد ويلا نجحت ان شاء الله ندير شعبة الترجمة لانني احب اللغات يعني متمني تكون هدرتك كاينا منها خاطر بزاف صحابي راحو سجلو و قالو بلي مخلاوهمش خاطر مين شافو في الكمبيوتر لقاوهم يقراو شعب اخرى او تحصلو على شهادات جامعية لم يمر عليها اكثر من 5 سنوات
ان شاء الله يكون خير

amir-kennedy · 2013-03-31, 14:40

خويا ياسين بالنسبة للماستر لحد الان مابان والو ماداروش المعادلة تاعو في الوظيف العمومي و معظم المناصب التي نستطيع اجتياز فيها هي
مقتصد جامعي او استاذ التعليم الثانوي او مفتش رئيسي محلل للميزانية (توظيف مباشر دون تكوين ) هذا الي كاين في انتظار تحسين الاوضاع
انا معول على الدكتوراه في اكتوبر ان شاء الله نجوز الامتحان ادعولنا بالنجاح و ربي يوفقك انت ثاني خويا ياسين

نصيحة ليك حاول تكون من بين الاوائل في دفعتك و متجيبش مقاييس تحت 10 في الماستر بلاك تكون عندك فرصة تجوز للدكتوراه

amir-kennedy · 2013-03-31, 14:47

اما عن الانتقاء فستاكلم لك عن دفعتي مثلا حنا 60 طالب ماستر اذا جاو 4 تاع المناصب يرفدو 20 الاوائل يتم الانتقاء اولا حسب الترتيب في الدفعة فمثلا 10%الاوائل الي هما 6 الاوائل يضربولهم المعدل في 1 ثم 25% الي منبعدهم يدربولهم المعدل في 0,8 وهي رايحا
عاود يشوفو ايلا عندك موديل تحت 10 او داخل الراتراباج او معاود السنة يضربولك في ترجيح اخر 0,8
منبعد يشوفو قاع الملفات الي دفعو سواء من دفعتك او الدفعات السابقة من جامعتك او من ولايات مجاورة و يديرو ترتيب كلي و يرفدو 20 الاوائل باش يجوزو الامتحان
منبعد الامتحان يحسبو المعدل تاع الماستر + المعدل تاع الامتحان و يقسموهم على 2 و يشوفو المعدل النهائي و يرفدو 4 الاوائل
نتمنى تكون فهمتني
بالنسبة للمناصب تاع التسيير متوفرة بزاف في جامعات الشرق و الجنوب كيما ورقلة الاغواط سطيف باتنة و لكن مشكل جامعات الشرق ( جهوية كبيرة بزااااااف رغم انه امتحان وطني يجيبولك كاش عفسا باش يرفضولك الملف مثلا حنا في تلمسان المحاسبة من شعب العلوم التجارية تروح لجامعة اخرى فيها المحاسبة في شعب التسيير و رغم ان نفس المقاييس تدرس في كلاهما يقولولك لااا انت علوم تجارية و حنا نحوسو علوم التسيير، يعني يديرو المستحيل باش ميربحش البراني عندهم ) ، جامعات الغرب مافيهاش بزاف مناصب و غالبا ما ينجح فيها الاجانب بزاااف خاطر التصحيح صارم و الريزيلتا تخرج في نهارها مي انا مانيش معول على تلمسان خاطر راه فيها بزاااااف المعدلات عالية و نسبة المشاركة كبيرة و المناصب قليلة جدا

amir-kennedy · 2013-03-31, 15:10

اخت سطايفية واش هادو لافامي تاوعك عندهم شهادات جامعية ليسانس او ماجيستير او ماستر و عاودو الباك او معندهم حتا شهادة يعني سجلو في الجامعة سنة اولى و بلوكاو العام و عاود فوتو الباك و تخلاو على الشعب القديمة؟؟

yacine-08 · 2013-03-31, 19:16

اقتباس:

المشاركة الأصلية كتبت بواسطة amir-kennedy

شكرا ليك اخت سطايفية عن المساعدة الحقيقة انا حاب نفوت باك جديد باش نتهرب من الخدمة الوطنية برك زيد ويلا نجحت ان شاء الله ندير شعبة الترجمة لانني احب اللغات يعني متمني تكون هدرتك كاينا منها خاطر بزاف صحابي راحو سجلو و قالو بلي مخلاوهمش خاطر مين شافو في الكمبيوتر لقاوهم يقراو شعب اخرى او تحصلو على شهادات جامعية لم يمر عليها اكثر من 5 سنوات
ان شاء الله يكون خير

اخي الكريم

لا تستطيع تبقى غي تؤجل في الخدمة الوطنية ..

فهم يعرفون حاليا انك تدرس شعبة معينة لانه يكون لديك سورسي يبرر دراستك في كدا مستوى

تم بعد التخرج لا يقبلون اي شهادة لـ التأجيل الا ادا كانت اعلى مستوى من الشهادة التي تخرجت بها

متلا انا تحصلت على الليسانس 2012 و في بداية عام 2013 دفعت لهم شهادة انني مازلت ادرس ماستر يعني يجب دفع اما ماستر او ماجيسيتر لكي يقبل التاجيل .

اما الطرق الاخرى كلها يعرفوها ، وكلنا فكرنا بالقيام بها لكنهم لا يقبلون تأجيل اقل من شهادتك .

فقط لـ اعطائك فكرة على الموضوع .

بالمناسبة ما هي سنة تخرجك ؟

yacine-08 · 2013-03-31, 19:23

اقتباس:

المشاركة الأصلية كتبت بواسطة amir-kennedy

اما عن الانتقاء فستاكلم لك عن دفعتي مثلا حنا 60 طالب ماستر اذا جاو 4 تاع المناصب يرفدو 20 الاوائل يتم الانتقاء اولا حسب الترتيب في الدفعة فمثلا 10%الاوائل الي هما 6 الاوائل يضربولهم المعدل في 1 ثم 25% الي منبعدهم يدربولهم المعدل في 0,8 وهي رايحا
عاود يشوفو ايلا عندك موديل تحت 10 او داخل الراتراباج او معاود السنة يضربولك في ترجيح اخر 0,8
منبعد يشوفو قاع الملفات الي دفعو سواء من دفعتك او الدفعات السابقة من جامعتك او من ولايات مجاورة و يديرو ترتيب كلي و يرفدو 20 الاوائل باش يجوزو الامتحان
منبعد الامتحان يحسبو المعدل تاع الماستر + المعدل تاع الامتحان و يقسموهم على 2 و يشوفو المعدل النهائي و يرفدو 4 الاوائل
نتمنى تكون فهمتني
بالنسبة للمناصب تاع التسيير متوفرة بزاف في جامعات الشرق و الجنوب كيما ورقلة الاغواط سطيف باتنة و لكن مشكل جامعات الشرق ( جهوية كبيرة بزااااااف رغم انه امتحان وطني يجيبولك كاش عفسا باش يرفضولك الملف مثلا حنا في تلمسان المحاسبة من شعب العلوم التجارية تروح لجامعة اخرى فيها المحاسبة في شعب التسيير و رغم ان نفس المقاييس تدرس في كلاهما يقولولك لااا انت علوم تجارية و حنا نحوسو علوم التسيير، يعني يديرو المستحيل باش ميربحش البراني عندهم ) ، جامعات الغرب مافيهاش بزاف مناصب و غالبا ما ينجح فيها الاجانب بزاااف خاطر التصحيح صارم و الريزيلتا تخرج في نهارها مي انا مانيش معول على تلمسان خاطر راه فيها بزاااااف المعدلات عالية و نسبة المشاركة كبيرة و المناصب قليلة جدا

بارك الله فيك على التوضيحات .

اواه 20 اوائل مشكيتش ، راهم معانا وحدين يتنفسوا وياكلوا القراية

طريقة الانتقاء فيها بزاف الشكيل ، مع دلك افضل من ان يديرها على اساس الاختبار ويزور فيها متل ما يحدت في الماجيسيتر .

ااجتياز الدوكتراه في عدة جامعات في الوطن فرصة لزيارة عدة اماكن لكن الجهوية اعلم جيدا انها موجودة بشكل كبير .

لكن على حسب ما سمعت عدد المناصب قليلة ولم تفتح الا في جامعات تعد على اصابع اليد .

سطايفية بكل فخر · 2013-03-31, 21:11

اقتباس:

المشاركة الأصلية كتبت بواسطة amir-kennedy

شكرا ليك اخت سطايفية عن المساعدة الحقيقة انا حاب نفوت باك جديد باش نتهرب من الخدمة الوطنية برك زيد ويلا نجحت ان شاء الله ندير شعبة الترجمة لانني احب اللغات يعني متمني تكون هدرتك كاينا منها خاطر بزاف صحابي راحو سجلو و قالو بلي مخلاوهمش خاطر مين شافو في الكمبيوتر لقاوهم يقراو شعب اخرى او تحصلو على شهادات جامعية لم يمر عليها اكثر من 5 سنوات
ان شاء الله يكون خير

ربي يوفقك وطيرلك الدكتوراة ان شا ءالله وتتهنى من الهم كامل
+
وين سجلو اصلا الباك الدوزيام تسجل في الانترنت ومعندو حتى دخل بالجامعة
راني سجلت من قبل ومخرجتلي حتى حاجة تقولي باكك والحمد لله راني بزوج باكات

سطايفية بكل فخر · 2013-03-31, 21:13

اقتباس:

المشاركة الأصلية كتبت بواسطة amir-kennedy

اخت سطايفية واش هادو لافامي تاوعك عندهم شهادات جامعية ليسانس او ماجيستير او ماستر و عاودو الباك او معندهم حتا شهادة يعني سجلو في الجامعة سنة اولى و بلوكاو العام و عاود فوتو الباك و تخلاو على الشعب القديمة؟؟

كاينة اخت صحبتي مخلصة ليسانس وعاودت الباك وراهي تقرا سنة ثانية جامعة تخصص ثاني
والباقيين كامل تركوا الدراسة وعاودوا الباك
ولما جاو يسجلو سحبو باكهم الاول من الجامعة و سجلوا بالثاني

سطايفية بكل فخر · 2013-03-31, 21:15

اقتباس:

المشاركة الأصلية كتبت بواسطة yacine-08

اخي الكريم

لا تستطيع تبقى غي تؤجل في الخدمة الوطنية ..

فهم يعرفون حاليا انك تدرس شعبة معينة لانه يكون لديك سورسي يبرر دراستك في كدا مستوى

تم بعد التخرج لا يقبلون اي شهادة لـ التأجيل الا ادا كانت اعلى مستوى من الشهادة التي تخرجت بها

متلا انا تحصلت على الليسانس 2012 و في بداية عام 2013 دفعت لهم شهادة انني مازلت ادرس ماستر يعني يجب دفع اما ماستر او ماجيسيتر لكي يقبل التاجيل .

اما الطرق الاخرى كلها يعرفوها ، وكلنا فكرنا بالقيام بها لكنهم لا يقبلون تأجيل اقل من شهادتك .

فقط لـ اعطائك فكرة على الموضوع .

بالمناسبة ما هي سنة تخرجك ؟

كون جات عندكم لمعارف كون نساو عليكم
ربي يكون في عونكم نحن البنات متهنيين من هدا المشكل

سطايفية بكل فخر · 2013-03-31, 21:27

فيمنا يخص ولايتي لحدذ الان لم يطبق هدا القانون على اي واحد
والجامعات عدنا مش كيفكيف في الادارة
ولكن لحد الان مطبقش لانو لو طبق كانوا الطلبة حطوا موضوع هنا

yacine-08 · 2013-03-31, 22:50

اقتباس:

المشاركة الأصلية كتبت بواسطة سطايفية بكل فخر

كون جات عندكم لمعارف كون نساو عليكم
ربي يكون في عونكم نحن البنات متهنيين من هدا المشكل

راكي تشوفي حصلة كبيييييييييرة

عامين ضايعين في الريح

متلا بنات دفعتي يخرجوا يتوظفوا و الشباب يجوز عامين تم عندما يعود

يجد بنات كان معهم في الدفعة عامين خبرة و هو مازال لم ينطلق بعد

لا يجوب عجب في نسبة التوظيف الكبيرة للنساء و نسبة العنوسة الكبيرة