علاقة غير شرعية

مشكلتي · 2013-03-31, 18:37

سلام عليكم
مشكلتي هي اني على علاقة غير شرعية منذ حوالي ثلاث سنوات
طفلة نحبها و ناويها لكن زواج ولا الخطبة مزال وقتو بزاف على اقل خمسة سنوات لان من اهداف حياتي لا يسمح بذالك كون يجب ان اكون غير مرتبط شرعيا
مشكل اعلم انا كل هذا حرام ( علاقة ) لكن الى حد الان معرفتش واش لازم نعملو
من جهة اخاف ان يغضب علي الله ومن جهة نحطم قلب الطفلة و كاش مايسرالها بسببي
خاصتا راهم جازو ثلاث سنوات كيشغل ديت الحرمة تعها
انصحوني بما علي فعله من فضلكم

~~مشطوب~~ · 2013-03-31, 19:15

كما

قال القرضاوي في كتابه

عن الحلال والحرام

الحب الحلال حلال والحب الحرام حرام .

أنتهى

خاطرة الامل · 2013-03-31, 19:33

السلام عليكم ورحمة الله وبركاته
اخي انت تعلم انه حرام ولا زلت مستمرا فيه
الحل بين يديك كل ما عليك فعله ان تخبر الفتاة ان ما تفعلاه حرام ولن يوفقكما الله مادمتما تعصيانه ولا تنسى ان قلب محبوبتك في يد من تعضيه فاحذر
قل لها بصريح العبارة علينا انو نوقف ما بيننا من التقاءات و محادثات
وان تقدم لها شخص محترم فلتقبل به اما انت فتب الى الله واعلم ان بنات الناس لسن لعبة بين يديك مادمت كنت تعرف انك لن تتقدم والوقت لازال اماك فلماذا علقتها بك وان كنت قادرا على التقدم فلا تتاخر وتمر مرور الكرام فهي اكيد انتظرت 3 سنوات لتطلب يدها

soha1987 · 2013-03-31, 19:38

ليس من حقك يا اخي تركها بعد عشرة 3 سنوات ستفجع قلبها حتما وتحطم وليس من السهل نسيان الجرح ولن تغفر لك فعلتك اتقو الله في بنات الناس كما فعلت بيها سيفعل بابنتك او اختك وزد ان رايت فيها صفات الزوجة لما لا تتقدم لها ودعك من الاعذار يااخي ولا ساهلة تتمسخرو لكن لما يحن وقت الجد تتهربو كما تفعل يفعل بك انتظر جزائك لا خير فيك

Rima mimi25 · 2013-03-31, 19:43

الحل الوحيد قولها الصراحا الشيء لي ديرو فيه حرام حبسو عليكم الخرجات و الهدرة فالبورطابل مي ديرك في بالها و انت ديرها في بالك و تصبر حتى تفرج ينوب عليك ربي و تديها

تصفية وتربية · 2013-03-31, 19:57

الأمر يدور حول ءايتين من كتاب الله
قال تعالى: (وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمْ اللَّهُ مِنْ فَضْلِهِ)
فالله وعد طالب العفاف بالغنى
وقال أيضًا: (وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِنْ فَضْلِهِ)
فابتعد عن سُبل الحرام واسعى لما أحلّه الله

انانيس · 2013-03-31, 19:58

سبحان الله هذا المشكل اصبح مطروحا بكثرة للاسف الشديد
اخي والله لست اعلم لما شباب اليوم غير قادرين على تحمل عواقب مثل هذه العلاقات اذا رايت نفسي غير قادر لعى هذا فلما اقحم نفسي في متاهات هاته العلاقة بالاضافة الى تحطيم قلبيكما انتما الاثنين هذا من جهة من جهة اخرى لما تفكر في ان تبحث عن وظيفة من خلالها تتقدم لخطبة هذه الفتاة او كابسط شيء تعبر به عن صدق نواياك تقدم لخطبتها او (مد الكلمة)كما نقولو بالعامية على الاقل بادرة خير بها تطمئنو للتنين حتى تكونوا من جهة في الحلال ومن جهة اخرى تبحث عن وطيفة
ربيي صلح حالكم وحال ابناء المجتمعات الاسلامية فعلا مشكل عويص يعاني منه شباب اليوم .

مريم الصابرة · 2013-03-31, 20:21

السلام عليكم اخي
اولا راك عارف حرام وما تحتاجش نقولولك
لو المرا هي تخطب راني متاكدة حبيبتك لو هي جات وخطباتك لأانو أصل الحرام هو الرجال نقولها بكل صراحة كاينة مرا ما تحبش تتزوج وما ترتبطش اكيد لا إذن الحل بيدك روح اخطبها علاه الحرام درتو في نهار وراك مستمر فيه والحلال قلت 5 سنين يا خويا إنعل بليس إنوي وروح دير الخطوة الاولى وخطبها وعلاه تخليها بعدما غلطتو في زوج خلاص روح خلي الحكاية حلال وتوبو لربي ويسامحكم في زوج إن شاء الله

~~دروب التابعين~~ · 2013-03-31, 20:24

عادي جدا الانفصال هو الحل
-كي تخلي حاجة للربي يعوضك باحسن منها خير مللي تدخلو للنار باغضاب الله
-قلها ننفصلو وخلاص ومع الوقت تتقبل الوضع
-خلاص ماسمحتش الظروف وربي ماقدركش
-عادي جدا اذهب في رحلة عمل واخبرها ان المكتوب بيد الله اذا مكتبها ربي تجي واذا لالا وعسى ان تكرهو شيءا وهو خير لكم
-وادعي ربي انها تكون من نصيبك اذا كنت صح ناويها هي بالذات وادعي ربي متروحش فجهة اخرى
-هذه خطوة ايجابية لانك تفطنت لنفسك وليس هناك ادنى شك في ان العراقيل التي صادفتك من جراء المعاصي
-ماذا لو تركت المعصية وبعد مرور بضع اسابيع يفاجئك الله بهدية عظمى وهي ان يرزقك من حيث لا تحتسب

مافهمتش هل هذا الشاب لا يملك مثلا عملا او منزلا او ما هو المانع
اذا مافيهش مانع اين هو المشكل يتقدم لها شرعيا معرفناش اين هو الخلل فلحكاية

wafa16 · 2013-03-31, 20:27

mafhemtch wach men ahdaf hadi? li

lazem matkounch mortabit madabik tfahamna ?PSQ mafhemtch
hadi khadma wela wach
ida marakch 9ader tertabit biha kheliha fi 7alha rabi yjibelha wlid la7lal li y9aderha

yousra14 · 2013-03-31, 20:31

قلها نبعدو شويا ومنبعد كي نجهز نجي نخطبك قلها تستنناك اذا تحيك صح ورب يزوجك بيها

chic.lady · 2013-03-31, 21:51

الحرام يبقى حرام يا أخي
نحكيلك قصة أخي
أخي لما أراد الارتباط تعرف واش أول حاجة دارها، فتح على الطفلة باش غير يهدر معاها يكون في اطار مشروع عند ربي
و بعدها غير قرب العرس عقدو و دك راهم الحمد لله ربي طارحلهم البكة في زواجهم لأنهم ما بناوهش على الحرام
و بالنسبة للفاتحة فتحلهم إمام صديق أخي لأنو الآن لازم الواحد يعقد باش يقدر يفتح
ان شاء الله تستفيد من هاد القصة أخي

sam016 · 2013-03-31, 23:51

اذا كنت تحبها صح و نويها ماكانش مزال ما كونتش روحك و كيما بقولو : لي خلق ما يضيع

bluewater007 · 2013-04-01, 02:47

شكرا لك، بارك الله

fatimabo · 2013-04-01, 12:00

ساهل اللعب ببنات الناس ، ولكن صعب احلال والصدق الله يهدي شبابنا ، وكما تكسر خاطرها اتجي الي تكسر بخاطرك .