مسابقة امين ضبط

randoucha · 2013-03-30, 18:47

السلام عليكم
اليوم اجتزت مسابقة امين ضبط الاسئلة تبدو جد جد سهلة هذا ما قد سبب لي بعض الشكوك فلعل المناصب لها اصحابها
المهم ان شاء الله تكون ش**** ماهيش في محلها .بالتوفيق للجميع

zinozino · 2013-03-30, 18:56

حنا في باتنة التنقال دار حالة في مسابقة امين الضبط و امين قسم الضبط الناس تنقل و الاساتذة اللي عسوا قاعدين يعاونوا فيهم ربي وكيلهم.

mimi-dz · 2013-03-30, 18:58

في قسنطينة الاسئلة كانت سهلة وكاين ثاني التنقال ربي يجيب الي فيه الخير وينجحنا

randoucha · 2013-03-30, 19:00

نفس الشي لهنا في ام البواقي الاسئلة ساهلة لدرجة التفاهة و الاساتذة و لا على بالهم الناس تنقل و هوما يضحكولهم في و جوهم انا و الله تاريخ الجزائر و الجغرافيا هضمتهم ماشي حفظتهم و فالاخير راك تشوف واش صرا ربي وكيلهم

larbi50 · 2013-03-30, 19:00

ههههههههههههههههههههه هدي هي الشفافية ههههه كلش مخدوم زعمة يغطيو على المرة الي فاتت على اساس الشهادة قالولكم نقلو وانجحو

zinozino · 2013-03-30, 19:08

بالعكس كي الناس تعود تنقل ما يكون فيها حتى حظ للناس اللي تعبت التنقال مايخدم حتى واحد حتى الناس اللي تنقل كي يكونوا كامل مجاوبين كيف كيف في هاذ الحالة ما ينجحوا غير صحاب العرف و الله الجزائر قبل عامين ما كانتش هك العام هاذا خرجولها صحة ما تدي قبل حتى كي تكون المعريفة تتخدم تحت لتحت مي ذرك عيني عينك ربي يكون الخير الجزائر والله ماهي مليحة.

randoucha · 2013-03-30, 19:13

حسبنا الله و نعم الوكيل

لبنى2010 · 2013-03-30, 20:53

صح الاسئلة كانت سهلة تثير الشكوك بصح ماعليه احنا درنا لي علينا و الباقي على ربي المهم رحنا و جوزنا و لي فيه الخير يجيبو ربي سبحانه بالتوفيق للجميع

ziane1986 · 2013-03-30, 21:01

نعم قضاة الجزائر تافهووون عندما يسمحون بالغش فهم حتما لايحكمون بالعدل

djozef_19 · 2013-03-30, 21:11

awe matalahgou ma walou hhhhhhhhhhhhhhh

amel kamel · 2013-03-30, 21:38

في بسكرة ايضا نفس الشيء اضافة الي ان الحراس جاوبوا للبعض

alam alamal · 2013-03-30, 22:03

نحن بالبليدة كانت الحالة صعيبة و جا عندنا رئيس المجلس و ما سمحوناش باش نهدروا فالقاعات لكن الاسئلة جد سهلة

dortmund · 2013-03-30, 22:18

الكل يتحدث عن التنقال و الكوبياج و يقول انا ضده ... مثلا لو كنت في اختبار و جاتك فرصة باش تنقل زعما تقول لا لا . هههههههه خلونا الجميع ينقل و يكوبيي و اللي جيه فرصة مايراطيهاش . انا شفت ناس في عمرهم تقريبا 40 سنة و ينقل عادي . الكل يريد ان ينجح سواء بالتنقال او بالمعريفة

samar89 · 2013-03-30, 22:31

احنا تاني جات الاسئلة تااااااااااااااااااااااااااافهة جداااااااااا.....بصح عسنا واحد يخدم فالمجلس قالنا راكم تعييو فرواحتيكم ...المناصب صايي داوهم مواليهم....يعني المسابقة هي اجراء شكلي فقط.

amir-kennedy · 2013-03-30, 23:34

اظن ان من يستعمل الغش للنجاح في امتحان او اخذ حق غير مشروع سياكل مالا حراما ان نجح و يهلك في حياته و اخرته

احذر يا شاب و يا فتاة ان تضع مصلحتك الشخصية في كفة و النجاح عن طريق الغش في كفة اخرى لا يستوي الحق و الباطل ابدا

فالحلال صعب و لكن طعمه حلو و الحرام سهل و لكن اخره هلاك اتقوا الله يا ناس فستسالون عن كل ما فعلتم يوم لا ينفع مال و لا بنون