عشايا تاع البارح خبز الهامبرجر و المايونيز صنع منزلي

jomana jiham · 2013-03-30, 08:31

اليوم جبتلكم طريقة صنع خبز الهامبرجر ساهلة بزاف,درتها البارح و جات خفيفة و بنينة تقول مشرية ما شي تاع الدار ما نطولش عليكم نوريلكم الوصفة,سمحولي ما صورتش بزاف باسكو الريحة الهايلة ما خلتناش نصبرو .ههههههه
خبز الهامبرجر:
مقادير العجينة:
300 غ طحين عادي.
300غ طحين حلويات فرينة خاصة بالحلويات.
180غ حليب.
130 او 140 غ ماء.
1 بيضة.
30 غ زبدة.
10 غ ملح.
25 غ سكر.
25 غ خميرة الخبز.
السمسم.
الطريقة:
نقوم بخلط جميع المقادير المذكورة و الماء حسب الحاجة,نخلط العجينة جيدا حتى نحصل على عجينة ملساء و لينة,نتركها تتخمر 3/4 ساعة.
نقسمها الى 10 قطع.
نذهن الوجه بالبيض و الحليب,نرشها بالسمسم,و نضعهم في صينية الفرن.
و نتركها تتخمر مليح مليح حتى يتضاعف حجمها.
ندخلها الفرن لمدة 25 دقيقة او اقل.
و حطي اناء فيه ماء فالفرن باه يطلق البخار و تبقى رطوبة في الفرن و ثاني قبل ما دخليه الفرن رشي شوية ماء في سطح الفرن.
انا المرة الاولى كنت خايفة ما تخرجليش قسمت المقادير على النصف و عطاتني 5 قطع بصح الوصفة طلعت مضمونة 100%,
شوفو كي خرجلي و عطوني رايكم .
انا استعملت الفرينة العادية ما عنديش تاع الحلويات.

[
و عمرت الهامبورجر,درت كفتة و سلطة و طماطم و جبن و مايونيز.
طريقة تحضير الكفتة.
لحم مرحي.
خبز مرحي.
كمون.
ملح.
فلفل اسود.
حبة بيض.

و هذه مايونيز ايضا صنعتها في الدار.

مقادير صنع المايونيز:
حبة بيض
2/1 كاس زيت
2 حبات فرماج.
ملح
2 فصوص ثوم
2 ملعقة خل
الطريقة
يوجد طريقتين على حسب نوعية الخلاط.
اولا اذا كان عندك ميكسور,حطي البيض و الملح و الزيت و الثوم و علطي مليح مليح.
ثم اضيفي الخل و الجبن في الاخير و خلطي.
اما اذا كان عندك باتور غادي تنغبني شوية باسكو مرات تخسر.حطي البيض و طلعيه مليح مليح و بدي تزيدي الزيت غير بالقطرات حتى يتقال شوية تبقي تزيدي بالملعقة حتى يتقال مليح و في الاخير زيدي بقية المقادير و خلطي.
و اخيرا قدمته مع البطاطا المقلية.

انتظر ردودكم.

oum anas 69 · 2013-03-30, 08:49

ما شاء الله يعطيك الصحة يسخف و بصحتكم يا لعزيزة

omaymen · 2013-03-30, 09:08

ماشاء الله يشهي اختي الله يبارك
بصحتكم ان شاء الله

ذكرى أبي · 2013-03-30, 09:35

ما شاء الله بارك الله فيك
حتى المايونيز تبان هايلة لوكان تاطينا المقادير

linat · 2013-03-30, 09:55

اختي يعطيك الصحة

الإدريسي العلوي · 2013-03-30, 10:10

بارك الله فيك

fati 17 · 2013-03-30, 10:18

الله الله جاك روعة بالصحة والعافية

أم عاتكة · 2013-03-30, 10:32

بارك الله فيك

دينا10 · 2013-03-30, 10:40

طاجين الحلويات اهو النشا ام ماذا؟
وبصحتكم

soriaalg · 2013-03-30, 11:26

بصحتكم هايل يعطيك الصحة

jomana jiham · 2013-03-30, 16:47

طحين الحلويات هو الفرينة الخاصة بالحلويات و ليس النشا.انا ما عنديش استعملت الفرينة العادية تاع الخبز.اي 300 غ فرينة برك لاني درت نصف المقادير.
راني حطيت وصفة المايونيز. و شكراااا لكن على الردود.اسعدني مروركن.

ام عبيدة · 2013-03-30, 17:45

بارك الله فيك

أنواار الإيماان · 2013-03-30, 18:03

ما شاء الله يعطيك الصحة