مشكلة استحياء من حالتنا الاجتماعية

[مشكلتي]

السلام عليكم
انا فتاة يريد احدهم التقدم لخطبتي و لكنني مترددة و افكر برفضه مباشرة
لانني محرجة من حالة منزلنا فهو ضيق و متواضع مقارنة بوضعهم الاجتماعي
مارانيش حابة يشوفني وين نسكن
نخاف يبدل رايو ولا يقبل و من بعد يعايرني كاش نهار
علما انو هاد الانسان مليح و انا كنت حابة يتقدملي لكن حاجة راهي تجبد فيا و تقولي
رايحة تتبهدلي

[الدكتور سام]

واحد كيحب واحدة و ينويها لزواج لا يهمه شئ و لوكان تسكن في كوخ.اخطيك من هدا التفكير
رب يسرلك و يفرحك

[comptable18]

علاه راح يسكن معاكم
بركاكي من هاذ الوسواس
الفقر ماشي عيب
بالعكس هناك فئة كبيرة من الشباب تفضل أن يكون الوضع الإجتماعي للفتاة أقل من وضعه الإجتماعي
ربي وفقك

[التوليب الجميلة]

يا اختي توكلي على ربي و قوليلو يجي نورمال الفقر عمرو ما كان عيب و لا راكي خايفة قوليلو قبل ما يجي على الوضع تاعكم و هو مادامو ناويك لحلال مشكيتش يسمح فيك

[عائشة07]

السلام عليكم ورحمة الله وبركاته
يا اختي اذا هو يعرف الحقيقة بخصوص وضعكم ما عندك علاه تخافي المهم الدين والاخلاق فيك وفي عائلتك الفقر ماشي عيب وتوكلي على ربي وانتي كذالك ماتركزيش على وضعه الاجتماعي فقط الدين والخلق اهم الله يوفقك

[oumraouf]

ابنتي العزيزة ، ابعدي الوسواس من رأسك، والفقر ليس بعيب - على رأي الأخوات - وما هو ذنب اسرتك في الحال الميسور، المهم الأخلاق والعرض ، وليس المال والتباهي .. دعيه يتقدم فإن وجدت هروبه منك بسبب الوضعية الاجتماعية فدعيه ، فهذا امتحان له معك حتى تعرفي مدى نيته وصدقه .. وفقك الله و ما خاب أملك فيه .

[دروب التابعين]

اسكتي علينا قاتلك التبهديل لقيتي مكتوب السقي فيه بالباتاكس
يا اختي كيتروحي للدارك هذاك هو الصحححححححح وخليهم يبهدلو وش عليه الصح فالراجل

[محمد جديدي التبسي]

أفهم مشكلتك لأنها حدثت لأحد الأقارب كذلك .. لا تهتمي بهاته الشكليات فما يهم هو أخلاقك وحُسن معاملتك لأهل هذا الرجل عند مجيئهم، وربما حالتك هاته ميزة لك لتعرفي منها صدق من يتقدم لك..
يجب تجاوز هذه الأمور فالأمور واضحة ولا تخفى .. ربي يفتح عليك

[* الحلم سكر *]

اذا يبحث عليك كشخص و عجبتيه ماراحش يهمو وضعك ... اذا حاب المال راح يبحث على غيرك
.... انت صارحيه و خليه يختار
سـؤال : انت حابة واحد يختارك لشخصك و الا لمالك ؟؟؟؟
لعلمك : أخي اتزوج واحدة حتى الماكلة يا ربي يلحقو يتعشو و الا يتغدو ؟؟ و هو وضعو كيما قلتي فرق كبير ؟؟
النتيجة : الحمد الله ما كانت حتى واحدة راح تجي خير منها و الحمد لله
المهم : هي ما حساتوش لي راهي ناقصة و هو عمرو ما جبدلها
و الاكثر : علاقتنا مع اهلها متواصلة يعني فاتت علاقة بزوجة اخ

نـــحــي الــوسواس ثيقي في ربي سبحانه و في روحك تقدري تكوني مرا و فحلة و طوري افكارك و ابداعاتك خليك من التفكير في وضعكم
الرزق كلو رزق ربي سبحانه ....
ان شاء الله تخبريه و يكون هو الراجل لي يستاهلك و تفرحينا مـــعاك

[marazf]

elfakr omrou makan 3ayb lakane fhal w metrabi khalih yji yokhtbek
ltem ybane lakane yhebek wela la
lazem tkoun 3andek tika fi rohek
rabi ysehelek nchallah

[خاطرة الامل]

بالعكس عليكي ان تتشجعي واتوافقي
فان ارادك فهو يريدك لشخصك لخلقك وحشمتك وهذا مايريده والمال لم يصنع السعادة يوما فهو ليس طامعا فيك بل يريدك انتي وفقط

[abdoustar]

انتي اساليه علاه حابك نتي بالذات أكيد عاجباتو كوني بشخصية قوية صارحيه أنا دارنا كيما هكا و منستعرش منها ادا جا راكي ربحتي راجل ادا ماجاش ربي منعك منو ونتي قلتي راهو مليح انشاء الله فيها خير

[سهيلة2013]

هو راه باغيك نتي ولا داركم وعلاه نت لبغيتي على روحك هدي العيشة
لازم يعرف بحقيقة عيشتك مالازمش تكدبي عليه هنا يبان الصح ادا كان باغيك ولا لا
وفي الحقيقة الفتاة هي التي تهتم ببيت الرجل واوضاعه المعيشية لانها هي لي غادي تروح عنده تعيش مشي العكس

[حاج احمد امين]

توكلي على الله واخبريه ..سيزداد اعجابا بك ..............على كل هو سيعلم سيعلم

[أمة الجبّار]

السلام اختي الكريمة
إياك ان يتغلب عليك الشيطان المريد، فهو الذي يعد الانسان بالفقر و الفحشاء، اياك ثمّ اياك
توكلي على الله عزّو جلّ و فوضي أمرك اليه تعالى، و ان كان هذا السيد المحترم يريدك زوجة له اذن لن يهمه اين تسكنين

بالتوفيق للجميع