استفسار بخصوص تربص الشرطة

haytem_2 · 2013-03-26, 15:40

السلام عليكم خاوتي

الاسبوع القادم نمشيو للتربص ان شاء الله ولعقوبة لي مازالو ان شاء الله يلحقو من ورانا

عندي استفسار ماهي الادوات اللازمة اللي نديوها معانا

_ مثلا مواد التنظيف ندي مسحوق غسل الملابس و ...

_ وهل لازم نحلق راسي قبل مانروح او عند الدخول كاين حلاق يقوم بالحلق

وكم المبلغ لي ندي معايا

_ هل ملابس الرياضة شرط تكون زرقاء ؟؟ + هل ندي معايا حذاء رياضي تاع كرة القدم (سولي) أو ندي حذاء

رياضي عادي

_ بخصوص الرونجاص انا نلبس 39 و 40 هل نجيب 40 او 41 هل يكون جيد عندما يكون كبير عليك أو أنه لازم

يكون قدك باه يسهل عملية المشيء او الجري + هل تقيسو وتقوم بالاختيار أو أنك تعطيهم الرقم وهوما يعطيوهولك

بدون ماتخير يعني اذا فات وقلت الرقم لا تستطيع تغييره

وباركة الله فيكم ان شاء الله يلحقونا خاوتنا لي مزالو ولي منجحوش بالتوفيق لهم فالمسابقة القادمة

عسى أن تكرهو شيئا وهو خير لكم

samou dadou · 2013-03-26, 17:04

أنا ليست لدي معلومات حول الشرطة لكن الرونجاس نقدر نفيدك إديه أكبر منك خير لكان تديك قد رجلك تكره حياتك ويتعبك بزاف

haytem_2 · 2013-03-26, 19:30

samou dadou
===

باركة الله فيك خويا

عبدون جمال · 2013-03-26, 20:45

https://www.djelfa.info/vb/showthread...058651&page=10

ستجد هنا اخي كل ما تبحث عنه

haytem_2 · 2013-03-26, 23:08

عبدون جمال
===

مشكور لكن أنا أبحث عن الاعوان

وماذا يجب اخد معي للتربص وهل يجب حلق شعري قبل الذهاب او يتن حلقه في المدرسة

kamale60 · 2013-03-27, 07:58

الادوات اللازمة اللي نديوها معانا

_ مثلا مواد التنظيف ندي مسحوق غسل الملابس ( اكيد اخي اخذ مسحوق غسيل + صابون+ شفرات حلاقة...جميع مواد التنضيف)

_ وهل لازم نحلق راسي قبل مانروح او عند الدخول كاين حلاق يقوم بالحلق (كان تحب خويا احلق مع انو اكيد كاين حلاق في المدرسة المهم قصر و دير حلاقة عادية ماشي نتاع تبياش و لا جال لانو 45 يوم متخرج و اكيد راح تزيد تحلق في المدرسة يعني دايرين حسابهم و كاين حلاق متقلقش روحك)

وكم المبلغ لي ندي معايا (لازم تدي مصروفة دير حسابك 45 يوم متخرجش و كان التربص نتاعك بعيد على ولايتك ممكن تكون صعوبة باه يجيبولك اهلك دراهم مع العلم انهم يقدرو كتحتاج دراهم يحطولك في الشاك نتاك و تعطيهم في المدرسة يجبدولك لانك متقدرش تخرج مي دير حسابك خير )

_ هل ملابس الرياضة شرط تكون زرقاء ؟؟ + هل ندي معايا حذاء رياضي تاع كرة القدم (سولي) أو ندي حذاء

رياضي عادي( اولا البدلة تكون عادية جدا معندهاش مواصفات محددة و الحذاء كفكيف اديداس خفيفة و خلاص مكانش فيها تعقيدات كبيرة يعني لتشوف فيها راحتك اديها)

_ بخصوص الرونجاص انا نلبس 39 و 40 هل نجيب 40 او 41 هل يكون جيد عندما يكون كبير عليك أو أنه لازم

يكون قدك باه يسهل عملية المشيء او الجري + هل تقيسو وتقوم بالاختيار أو أنك تعطيهم الرقم وهوما يعطيوهولك

بدون ماتخير يعني اذا فات وقلت الرقم لا تستطيع تغييره( اكيد تقدر تغيرو مكاش منها راح تلبس حاجة ديقة راهي تقلقك مي دير حسابك يكون واسع حشاك شوية خير باه تصيب راحتك كان تجيبو ديق يتعبكو تقدر تغيرو عادي راك متربص ماكش عبد عندهم)
المهم خويا بعد على اي مشكل او اي صدام في التربص قدر الامكان راك تعبت باه تدخل
راك كتدخل ممكن تكون هناك استفزازات او اي حاجة سواء من الماطرين او زملائك المتربصين حاول تكون هادئ حتى تكمل التربص ان شاء الله تربص بخير

samou dadou · 2013-03-27, 08:45

ماهي معام أعوان الشرطو وماهي طبيعة العمل وكيف تتم الترقية في هذا المجال؟؟؟؟؟؟؟؟؟؟؟ظظظظظظظ

haytem_2 · 2013-03-27, 09:42

kamale60
**********

باركة الله فيك خويا على الاجابات الله يسترك

سليمان01 · 2013-03-27, 10:08

انا صايي كرهت منها .. غدوة ندز دوسي جوندارم
ليوم خرجت شهادة عدم الزواج

سليمان01 · 2013-03-27, 10:40

اقتباس:

المشاركة الأصلية كتبت بواسطة kamale60

المهم خويا بعد على اي مشكل او اي صدام في التربص قدر الامكان راك تعبت باه تدخل
راك كتدخل ممكن تكون هناك استفزازات او اي حاجة سواء من الماطرين او زملائك المتربصين حاول تكون هادئ حتى تكمل التربص ان شاء الله تربص بخير[/color][/b]

بصحتكـ خويا ن هذا واش نوصيكـ عليه بركـ
نعرف واحد صاحبي دخل 5 اشهر ، استفزو واحد عون كيفو ايا دابز معاه
طردوه .. والسيد التاني خلاوه نورمال
مهم زير وكون راجل معا روحك ومعا جماعتكـ ـ و بعدوا على الشكامين واللي ما يسواوش
علابالي راح يكونو معاكم بزاف منهم مي ما تعرفوهمش
ربي يسهل خويا